SAN MATEO 15:4 - Chatino Tataltepec

⁴ Cua nchcui' ycui' Ndyosi lo'o na: “Tucuá ma̱ cña nu nchcui' sti ma̱, nu nchcui' xtya'a̱ ma̱”, nacui̱ Ni. “Lo'o jua'a̱ si chcui' ma̱ cha' cuxi ji'i̱ sti ma̱, ji'i̱ xtya'a̱ ma̱, li' ntsu'u cha' cujuii ngu' ji'i̱ ma̱”, nacui̱ Ni.

SAN MATEO 15:4 ပူးပေါင်းရင်းမြစ်များ

SAN MATEO 15:3

Li' nguxacui̱ Jesús cha' ji'i̱ ngu' tlyu bi': ―Lo'o cu'ma̱ ni ―nacui̱ Jesús ji'i̱ ngu'―, ¿ni cha' laca xti la cha' ntsu'u tyiquee ma̱ ji'i̱ cña nu ngulo ycui' Ndyosi ji'na? Lo'o jua'a̱ lye tsa ndube ti' ma̱ ji'i̱ scaa cha' nu nda jyo'o cusu' lo'o na.

SAN MATEO 15:5

Pana cu'ma̱ ni, xa' lo cha' nchcui' ma̱ juani. Nclyu'u ma̱ cha' tso'o tsa laca si ndi'ya̱ chcui' na lo'o sti na, lo'o xtya'a̱ na: “Cua nda na' lcaa na nu ntsu'u 'na ji'i̱ ycui' Ndyosi, bi' cha' nga'aa caca xtyucua na' ji'i̱ ma̱ juani”.

SAN MATEO 19:19

Lo'o jua'a̱ cua'ni tlyu ma̱ ji'i̱ sti ma̱, ji'i̱ xtya'a̱ ma̱. Cua'ni tya'na ti' ma̱ ji'i̱ tya'a ñati̱ ma̱, ñi'ya̱ laca si ndu'ni tya'na ti' ma̱ ji'i̱ ycui' ca ti ma̱.

SAN MATEO 4:10

Li' nguxacui̱ Jesús cha' ji'i̱ nu xña'a̱ bi': ―Tyaatsu' nu'u̱ slo na', Satanás ―nacui̱ Jesús―. Yaa clya nu'u̱. Cua nscua sca cha' lo quityi ji'i̱ ycui' Ndyosi ndi'ya̱: “Sca ti ji'i̱ ycui' Ndyosi nu Xu'na ma̱ cua'ni tlyu ma̱ ji'i̱, sca ti cha' ji'i̱ ycui' Ni nga'a̱ cha' taquiya' ma̱ ji'i̱ nde chalyuu”, nacui̱ quityi.

ROMANOS 3:31

Tso'o lacua. Na jlya ti ti' na ji'i̱ cña nu ngua'ni Jesús, tsa bi' ti cha' cua'ni na cha' clyaá na ji'i̱ lcaa qui'ya nu ntsu'u ji'na. ¿Ha nga'aa ntsu'u cha' taquiya' na lcaa cha' nu nguscua jyo'o cusu' cha' cua'ni na lacua? Si'i cha' bi', masi tso'o la taquiya' na cha' cusu' bi' juani, nu lo'o ngusñi na cha' ji'i̱ Jesús.

EFESIOS 6:1

Cu'ma̱ ngu' cuañi' ni, tucuá ma̱ cña nu culo ngu' cusu' ji'i̱ ma̱, cha' cua nti' tsa ycui' Ndyosi nu Xu'na na cha' cua'ni ma̱ jua'a̱.