SAN MATEO 15:16 - Chatino Tataltepec

¹⁶ ―¿Ha lo'o cu'ma̱, ná ngua cuayá' ti' ma̱? ―nacui̱ Jesús ji'i̱ ngu' bi' li'―.

SAN MATEO 15:16 ပူးပေါင်းရင်းမြစ်များ

SAN MATEO 13:51

’¿Ha ngua cuayá' ti' ma̱ lcaa cha' nu ngulu'u ca na' ji'i̱ ma̱ juani? ―nacui̱ Jesús ji'i̱ ngu' li'. ―Ngua cuayá' ti' ya ―nacui̱ ngu' ji'i̱.

SAN MATEO 15:10

Lo'o li' ngusi'ya Jesús ji'i̱ nu quiña'a̱ tsa ñati̱ nu ndi'i̱ cajua cha' ca̱a̱ ngu' cacua la xi, cha' chcui' yu lo'o ngu' li': ―Cua'a̱ jyaca̱ ma̱ ―nacui̱ Jesús ji'i̱ ngu'―, cha' caca cuayá' tso'o ti' ma̱ ―nacui̱―.

SAN MATEO 15:15

Li' nchcui' Pedro lo'o Jesús: ―Culu'u nu'u̱ ji'i̱ cua ñi'ya̱ ndyu'u cha' nu nda cui̱i̱ ji'i̱ na nu ndacu ngu' ―nacui̱―. Ná nchca cuayá' ti' ya.

SAN MATEO 15:17

¿Ha bilya ta ma̱ cuentya? Lcaa na nu tyatí̱ nde tu'ba ngu' ni, nteje tacui na bi' nde ne' ngu'. Lo'o tsaa ngu' liya', tye lyiji cha' ji'i̱ li'.

SAN MATEO 16:11

¿Ni cha' laca nga'aa nda ma̱ cuentya, cha' ná nchcui' na' cha' ji'i̱ xlyá nu ndacu ngu' lo'o nacui̱ na' cha' ji'i̱ scua̱ tiye'? Xa' cacha' na' ji'i̱ ma̱, cui'ya ma̱ cuentya ñi'ya̱ ndu'ni scua̱ tiye' nu nda ngu', la cui' ngu' fariseo lo'o ngu' saduceo.

SAN MATEO 16:9

¿Ha chañi cha' bilya caca cuayá' ti' ma̱? ¿Ha ná ntsu'u ti' ma̱ ji'i̱ nu ca'yu tya'a ti xlyá teje' nu ndyacu ca'yu mil tya'a ñati̱ tsubi'? Tyu̱u̱ tya'a chcubi ngutsa'a̱ lo'o yu'be xlyá tya'a ndyanu lo'o ndye ndyacu ngu' tsa̱ bi'.

SAN MARCOS 6:52

Ná nda ngu' cuentya tsiya' ti ñi'ya̱ ngua cha' nguta'a̱ Jesús lo hitya. La cui' ti cha' ná ngua cuayá' ti' ngu' ñi'ya̱ nu ngua'ni Jesús lo'o ngusa'be yu ji'i̱ xlyá bi'. Na cua ndyacu̱' hique ngu'.

SAN MARCOS 7:18

―¿Ha lo'o cu'ma̱ ná ngua cuayá' ti' ma̱ cha' bi'? ―nacui̱ Jesús ji'i̱ ngu' li'―. ¿Ha ná jlo ti' ma̱ cha' si'i na nu cacu na laca nu cua'ni cha' caca cuxi tyiquee na? Ná taca.

SAN MARCOS 9:32

Ná ngua cuayá' ti' ngu' nu ndyaca tsa'a̱ ji'i̱ ñi'ya̱ cha' nu nchcui' Jesús lo'o ngu'; pana ná ndacha' ngu' ji'i̱ yu ñi'ya̱ nu nti' ñacui̱ cha' nu nda yu, cha' ntsi̱i̱ ngu' chcui' ngu' lo'o yu li'.

SAN LUCAS 18:34

Lcaa ngu' nu ndyaca tsa'a̱ ji'i̱ Jesús bi', ná ngua cuayá' ti' ngu' cha' bi', ni ná jlo ti' ngu' ni cha' laca nchcui' yu jua'a̱. Sca cha' tucui ngua, ná nda ngu' cuentya ñi'ya̱ ndyu'u cha' bi'.

SAN LUCAS 24:45

Li' ngulu'u Jesús ji'i̱ ngu' ña'a̱ cha' nu nchcui' quityi cusu' bi'.

SAN LUCAS 9:45

Pana ná nda nu ngu' nu ndyaca tsa'a̱ ji'i̱ yu bi' cuentya, ná ngujui ñi'ya̱ caca ca cuayá' ti' ngu' cha' bi'; jua'a̱ ntsi̱i̱ tsa ngu' cha' xcuane ngu' ji'i̱ ycui' Jesús ñi'ya̱ tyu'u cha' nu nchcui' yu lo'o ngu'.

HEBREOS 5:12

Tya sa'ni tsa ngua lo'o ndyuna ma̱ cha' ji'i̱ Cristo tya clyo; cua nteje tacui tyu̱u̱ tsa tyempo, ña'a̱ cuayá' taca caca ma̱ mstru cuentya ji'i̱ Cristo nquicha', pana ña'a̱ ti ndi'i̱ ma̱ juani. Tya nti' cha' culu'u la ngu' ji'i̱ ma̱ tya chaca quiya' ñi'ya̱ ntucua quiya' cha' ji'i̱ ycui' Ndyosi, la cui' cha' nu ngua ti' Ni cha' cacha' Ni ji'i̱ ñati̱ chalyuu. Ñi'ya̱ ndu'ni sca cubi' nu tya ntyi', cha' bilya cacu bi' tyaja, jua'a̱ ndyu'ni ma̱, cha' ná nchca ca cuayá' ti' ma̱ cha' ji'i̱ ycui' Ndyosi bi'.