SAN MATEO 14:9 - Chatino Tataltepec

⁹ Ngua xñi'i̱ xi ti' Herodes nu laca loo bi' li'; pana cua ngua'ni yu jura slo lcaa ngu' nu ndya'a̱ ta'a, bi' cha' ngulo yu cña cha' cua'ni ngu' ñi'ya̱ nu nacui̱ nu cuna'a̱ bi'.

SAN MATEO 14:9 ပူးပေါင်းရင်းမြစ်များ

SAN MATEO 14:1

La cui' tyempo bi' cua ndyuna Herodes cha' ji'i̱ Jesús, lo'o nu Herodes bi' laca loo ji'i̱ ngu' Galilea tyempo bi'.

SAN MATEO 14:10

Ngulo yu cña ji'i̱ sendaru cha' tsaa si'yu cu' ngu' scua' que Juan ca ne' chcua̱.

SAN MATEO 14:5

Nu ngua li' ngua ti' Herodes cujuii ji'i̱ Juan bi', pana ndyutsi̱i̱ yu ji'i̱ ñati̱, cha' ngua ti' ngu' cha' cua nchcui' Juan cha' ji'i̱ ycui' Ndyosi lo'o ngu'.

SAN MATEO 14:8

Li' ndacha' xtya'a̱ nu cuna'a̱ bi' ji'i̱, na ca nu jña cho' ji'i̱ Herodes. Ti'í tsa ti' Herodías ña'a̱ ji'i̱ nu Juan bi', bi' cha' ngua ti' cujuii ji'i̱ Juan. ―Hique Juan nu ntyucuatya ji'i̱ ngu' nta̱' ―nacui̱ nu cuna'a̱ cuañi' bi' ji'i̱ Herodes li'―. Ca̱a̱ lo'o ngu' ji'i̱ scua' que yu ne' sca tsi'yu ―nacui̱.

SAN MARCOS 6:14

Tyempo bi' cua ndyuna rey Herodes cha' ji'i̱ cha' tlyu nu cua ndyu'ni Jesús; lcaa quichi̱ nguañi cha' bi', cha' scaa cha' nchcui' scaa ñati̱ ji'i̱ Jesús. Pana ndi'ya̱ ngua ti' ycui' rey bi': ―Jyo'o Juan nu ntyucuatya ji'i̱ ngu' tsubi' la, bi' laca Jesús re― nacui̱ Herodes bi'―. Ndyujuii ngu' ji'i̱ Juan bi', pana juani cua ndyu'ú chaca quiya', bi' cha' nchca ji'i̱ cua'ni cha' tlyu jua'a̱ ―nacui̱ rey.

SAN MARCOS 6:20

cha' ntsi̱i̱ rey Herodes ji'i̱ Juan. Jlo ti' rey cha' liñi tsa cha' nu ngua'ni Juan, lubii tsa tyiquee Juan, lo'o jua'a̱ ná ntsu'u cha' cuxi ji'i̱ yu; bi' cha' nguna'a̱si̱i̱ rey ji'i̱ yu cha' ná cua'ni nu cuna'a̱ bi' ni sca cha' cuxi lo'o. Ndiya ti' rey Herodes cuna cha' nu ngulu'u Juan ji'i̱, masi ná ngua cuayá' tso'o ti' rey ji'i̱ cha' bi'.

SAN MARCOS 6:26

Xñi'i̱ tsa ti' rey li', masi ná ngua ji'i̱ tacu̱' cha' ji'i̱ nu cuna'a̱ bi'; ná caca jua'a̱, cha' slo ngu' tya'a ndyacu cua ngua'ni rey jura cha' ta lcaa na nu jña nu cuna'a̱ cuañi' bi' ji'i̱.

SAN LUCAS 13:32

Nchcui' Jesús lo'o ngu' bi' li': ―Yaa cacha' ma̱ cha' re ji'i̱ nu cusu' tyaala bi': “Tsa̱ juani lo'o tsa̱ quee tya tyi'i̱ na' xi chalyuu re cha' culo na' cui'i̱ cuxi nu ntsu'u ji'i̱ ñati̱, cha' cua'ni na' cha' tyaca tso'o xa' la ngu' quicha. Cuati tsa̱ nu nchca tyuna, li' tye cña nu nda ycui' Ndyosi Sti na' cha' cua'ni na'.” Jua'a̱ ñacui̱ ma̱ ji'i̱ nu cusu' bi'.