SAN MATEO 14:3 - Chatino Tataltepec

³ Ntsi̱i̱ Herodes bi' ni, cha' cua ngusñi yu ji'i̱ Juan bi' tya tsubi' la, ngusca̱' yu ji'i̱ lo'o ngusu'ba yu ji'i̱ ne' chcua̱. Ngua'ni nu cusu' bi' cha' cuxi bi' xqui'ya Herodías clyo'o Felipe tya'a ycui' Herodes bi'.

SAN MATEO 14:3 ပူးပေါင်းရင်းမြစ်များ

SAN MATEO 11:2

Tya nga'a̱ Juan ne' chcua̱, pana cua ndyuna nu Juan bi' ji'i̱ lcaa ña'a̱ cña nu ndyu'ni Jesús nu laca Cristo; bi' cha' ngulo Juan cña ji'i̱ ngu' nu ndyaca tsa'a̱ ji'i̱, cha' tsaa ngu' bi' slo Jesús,

SAN MATEO 14:6

Lo'o ngua tsa̱ ngula nu Herodes bi', li' ngua'ni yu sca ta'a. Tyu̱u̱ tya'a ngu' ndyu'u ti'i̱ ngu' slo yu, lo'o li' ñaa nu cuna'a̱ sñi' Herodías, ndyula quiya' su ntucua ycui' Herodes. Ngua chaa tsa ti' nu cusu' bi' li',

SAN MATEO 4:12

Ca tiya' la ndu'u Jesús ndyaa, cha' ndyuna yu cha' cua ntejeya' ngu' ji'i̱ Juan, ndyaa lo'o ngu' ji'i̱ yu ne' chcua̱. Li' nguxtyu̱u̱ Jesús chaca quiya' nde quichi̱ Nazaret, nde loyuu su cuentya Galilea.

SAN MARCOS 6:14

Tyempo bi' cua ndyuna rey Herodes cha' ji'i̱ cha' tlyu nu cua ndyu'ni Jesús; lcaa quichi̱ nguañi cha' bi', cha' scaa cha' nchcui' scaa ñati̱ ji'i̱ Jesús. Pana ndi'ya̱ ngua ti' ycui' rey bi': ―Jyo'o Juan nu ntyucuatya ji'i̱ ngu' tsubi' la, bi' laca Jesús re― nacui̱ Herodes bi'―. Ndyujuii ngu' ji'i̱ Juan bi', pana juani cua ndyu'ú chaca quiya', bi' cha' nchca ji'i̱ cua'ni cha' tlyu jua'a̱ ―nacui̱ rey.

SAN MARCOS 6:17

Tya tsubi' la ngulo rey Herodes bi' cña ji'i̱ ngu' cha' tsaa ngu' xñi ngu' ji'i̱ nu Juan bi', cha' tsaa lo'o ngu' ji'i̱ ne' chcua̱. Ngua'ni rey cha' cuxi bi' xqui'ya Herodías nu ngua clyo'o Felipe tya'a Herodes, cha' cua ngusna lo'o Herodes ji'i̱ nu cuna'a̱ bi', cha' caja clyo'o lo'o.

SAN MARCOS 6:19

Ñasi̱' tsa Herodías xqui'ya Juan, cujuii ji'i̱ yu ngua ti' nu cuna'a̱ bi'. Pana ná ngujui ñi'ya̱ cujuii ji'i̱ yu hora ti,

SAN MARCOS 6:22

Li' ndyalaa sca nu cuna'a̱ cuañi' sñi' Herodías, ndyula quiya' nu cuna'a̱ bi' slo ngu'. Chaa tsa ti' rey Herodes li', lo'o jua'a̱ ndiya ti' ngu' nu ndyacu slo lo'o na'a̱ ngu' ji'i̱ nu cuna'a̱ cuañi' ndyula quiya'. Nchcui' rey lo'o nu cuna'a̱ cuañi' bi' li': ―Cacha' clya nu'u̱ jna' juani ti na ca cha' tso'o nu nti' nu'u̱ ―nacui̱ rey ji'i̱―. Ta na' cha' tso'o bi' jinu'u̱ ―nacui̱―.

SAN MARCOS 8:15

Lo'o li' nda Jesús chaca cui̱i̱ lo'o ngu': ―Tii ti ti' ma̱ tyi'i̱ ma̱ ―nacui̱ yu―, cui'ya ma̱ cuentya ñi'ya̱ ndu'ni scua̱ tiye' nu nda ngu' bi', nu ngu' fariseo lo'o ngu' nu cuentya ji'i̱ rey Herodes ni.

SAN LUCAS 13:1

La cui' tyempo bi' ndi'i̱ xi ñati̱ ca su ndu̱ Jesús. Ndacha' ngu' bi' ji'i̱ yu li', ñi'ya̱ ngua lo'o ndyujuii gobernador Pilato ji'i̱ tyu̱u̱ tya'a ngu' Galilea. Laja lo'o ndyu'ni tacati nu ngu' Galilea bi' ne' laa, nu lo'o ndyujuii ngu' na'ni nu caca msta̱ ji'i̱ ycui' Ndyosi, li' ndyujuii sendaru nu ji'i̱ nu Pilato bi' ji'i̱ ngu' bi', nacui̱ ngu'.

SAN LUCAS 13:31

La cui' tyempo bi' lijya̱ xi tya'a ngu' fariseo cha' chcui' lo'o Jesús: ―Tyaa clya nu'u̱ juani ―nacui̱ ngu' ji'i̱―. Tyu'u nu'u̱ su ndi'i̱ nu'u̱ re, yaa nu'u̱ tyi'i̱ chaca se'i̱, cha' cua nti' rey Herodes cujuii jinu'u̱.

SAN LUCAS 23:11

Li' ngua'ni lya' ti Herodes ji'i̱ Jesús; jua'a̱ sendaru ji'i̱ yu, cuxi tsa ngua'ni ngu' lo'o. Cha' caja ñi'ya̱ nu xtyí lo'o ngu' ji'i̱, li' nguxacu' ngu' late' tso'o tsa ña'a̱ ji'i̱; late' ndubi ña'a̱ ñi'ya̱ ña'a̱ ste' rey nguxacu' ngu' ji'i̱. Lo'o li' nda Herodes ji'i̱ Jesús ndyaa chaca quiya' slo Pilato.

SAN LUCAS 23:7

―La cui' ―nacui̱ ngu'. Li' ndyi'u ti' Pilato cha' ndi'i̱ Herodes quichi̱ Jerusalén tsa̱ bi'. Lo'o nu Herodes ni, laca yu loo loyuu su cuentya Galilea; bi' cha' nda Pilato ji'i̱ Jesús ndyaa slo Herodes bi' li'.

SAN LUCAS 3:1

Cua ntsu'u ti'yu̱ yija̱ cha' laca Tiberio emperador nu laca loo ji'i̱ ñati̱ tyucui ña'a̱ chalyuu: Poncio Pilato laca loo nde loyuu su cuentya Judea cuentya ji'i̱ nu Tiberio bi' li'; lo'o jua'a̱ nu naa Herodes bi' ni, laca yu loo loyuu su cuentya Galilea tyempo bi'; lo'o Felipe, tya'a ngula Herodes bi', laca yu loo loyuu su cuentya Iturea lo'o jua'a̱ loyuu su cuentya Traconite la cui' tyempo bi'; lo'o chaca nu naa Lisanias, laca yu loo loyuu su cuentya Abilinia li'.

SAN LUCAS 8:3

Lo'o jua'a̱ Juana naa chaca nu ndya'a̱ lo'o ngu'; clyo'o sca nu naa Chuza laca nu Juana bi', sca yu nu ndyi'ya cña loo rey Herodes laca clyo'o bi'. Jua'a̱ Susana, lo'o jua'a̱ tya tyu̱u̱ tya'a ngu' cuna'a̱ nu nxtyucua ji'i̱ Jesús lo'o cña nu ntsu'u ji'i̱ ngu'.

LOS HECHOS 12:1

Nu ngua tyempo bi', rey nu ngua naa Herodes ni, nchcube' tsa ji'i̱ ñati̱ ji'i̱ Jesucristo.

LOS HECHOS 4:27

’Ñi'ya̱ nu cua nchcui' quityi jinu'u̱ nu nguscua jyo'o David sa'ni la bi' ―nacui̱ ngu' ji'i̱ ycui' Ndyosi Sti na―, jua'a̱ cua ndyu'u ti'i̱ ngu' nu laca loo ji'i̱ quichi̱ re cha' cua'ni cuxi ngu' lo'o Jesús Sñi' ycui' nu'u̱, masi xcui' lubii tsiya' ti cresiya ji'i̱ nu Jesús bi'; la cui' yu laca nu ngusubi nu'u̱ ji'i̱ ―nacui̱ ngu'―. Ndyu'u ti'i̱ Herodes lo'o Poncio Pilato, lo'o ngu' xa' loyuu, lo'o ngu' tya'a ya nde loyuu re. Li' ngua'ni ngu' lcaa cña nu nda nu'u̱ chacuayá' ji'i̱ ngu' bi' cha' cua'ni ngu'; ñi'ya̱ nu nda nu'u̱ cha' lo'o ngu' sa'ni, la cui' jua'a̱ ngua cha' yija̱ re ―nacui̱ ngu' ji'i̱ ycui' Ndyosi―.