SAN MATEO 13:57 - Chatino Tataltepec

⁵⁷ Jua'a̱ ngua cha' chi̱i̱ nti' ngu' ña'a̱ ngu' ji'i̱ Jesús, bi' cha' ndi'ya̱ nchcui' Jesús lo'o ngu' li': ―Lcaa se'i̱ ndu'ni tlyu ngu' ji'i̱ sca ñati̱ nu laca tu'ba ji'i̱ ycui' Ndyosi ―nacui̱ Jesús ji'i̱ ngu'―. Sca ti quichi̱ tyi yu, ná nduna ngu' bi' cha' nu nchcui' yu tsiya' ti; ni tya'a yu, ná ndaquiya' ngu' ji'i̱ yu.

SAN MATEO 13:57 ပူးပေါင်းရင်းမြစ်များ

SAN MATEO 11:6

Tso'o tsa caca tyiquee ñati̱ nu ña'a̱ ti tya nxñi cha' 'na, masi ná nchca cuayá' tso'o ti' lcaa cha'.

SAN MATEO 13:58

Xti tsa cha' tlyu ngua'ni Jesús quichi̱ bi'. Ná jlya ti' ngu' ji'i̱ tsiya' ti, bi' cha' ná ngua'ni yu quiña'a̱ cha' tlyu ca bi'.

SAN MARCOS 6:1

Lo'o li' ndu'u Jesús ndyaa lo'o ngu' nu ndyaca tsa'a̱ ji'i̱, ndyaa ngu' ca quichi̱ tyi yu.

SAN MARCOS 6:14

Tyempo bi' cua ndyuna rey Herodes cha' ji'i̱ cha' tlyu nu cua ndyu'ni Jesús; lcaa quichi̱ nguañi cha' bi', cha' scaa cha' nchcui' scaa ñati̱ ji'i̱ Jesús. Pana ndi'ya̱ ngua ti' ycui' rey bi': ―Jyo'o Juan nu ntyucuatya ji'i̱ ngu' tsubi' la, bi' laca Jesús re― nacui̱ Herodes bi'―. Ndyujuii ngu' ji'i̱ Juan bi', pana juani cua ndyu'ú chaca quiya', bi' cha' nchca ji'i̱ cua'ni cha' tlyu jua'a̱ ―nacui̱ rey.

SAN MARCOS 6:3

¿Ha si'i cuityi yaca laca yu re? ―nacui̱ ngu'―. La cui' sñi' María laca re; tya'a Jacobo, tya'a José, tya'a Judas, tya'a Simón laca yu re. Nde quichi̱ tyi na ndi'i̱ ngu' cuna'a̱ tya'a yu re ―nacui̱ ngu' ji'i̱ tya'a ngu'. Chi̱i̱ nti' ngu' ña'a̱ ngu' ji'i̱ Jesús,

SAN MARCOS 6:4

pana ndi'ya̱ laca cha' nu nda Jesús lo'o ngu' li': ―Lcaa ngu' xa' quichi̱ ni, ndu'ni tlyu ngu' ji'i̱ sca ñati̱ nu laca tu'ba ji'i̱ ycui' Ndyosi nchcui' Ni lo'o ngu' ―nacui̱ Jesús ji'i̱ ngu'―, pana ngu' tya'a quichi̱ tyi yu ni, ná ntaja'a̱ ngu' cuna ngu' cha' nu nchcui' yu tsiya' ti ―nacui̱ Jesús―. Lcaa tya'a yu, jua'a̱ ngu' tya'a ndi'i̱ yu, ná nduna ngu' cha' nu nchcui' yu ―nacui̱ Jesús ji'i̱ ngu'.

SAN LUCAS 4:24

Ta na' sca cha' liñi lo'o ma̱ lacua ―nacui̱ Jesús―. Macala su chcui' sca ñati̱ cha' ji'i̱ ycui' Ndyosi lo'o ngu' tya'a quichi̱ tyi yu, ná taquiya' ngu' ji'i̱ cha' nu nchcui' yu, cha' la cui' tya'a quichi̱ tyi ngu' laca yu.

SAN LUCAS 7:23

Taca caca tso'o tyiquee ma̱ si ná caca tyuju'u ti' ma̱ ña'a̱ ma̱ jna' ―nacui̱ Jesús ji'i̱ ngu'.

SAN JUAN 4:44

Cua nacui̱ yu cha' nga'aa ndu'ni chi̱ ngu' loo ñati̱ tya'a quichi̱ tyi ngu', si ta ñati̱ bi' cha' ji'i̱ ycui' Ndyosi lo'o ngu'; bi' cha' ndyaa yu nde Galilea chaca quiya'.

SAN JUAN 6:42

Li' nacui̱ ngu': ―¿Ha si'i Jesús sñi' José laca nu jua? ―nacui̱ ngu'―. Cua nslo na ji'i̱ sti yu lo'o xtya'a̱ yu. ¿Ñi'ya̱ ndyu'u cha' nu nchcui' yu jua cha' cua ngutu'u yu ca su ntucua ycui' Ndyosi?

SAN JUAN 6:61

Jlo ti' Jesús cha' nchcui' tsa nu ngu' nu ndyaca tsa'a̱ bi' lo'o tya'a ngu' cuentya ji'i̱ cha' nu cua nda ca ti yu lo'o ngu', bi' cha' nchcui' yu lo'o ngu' chaca quiya': ―¿Ha ngua tyuju'u ti' ma̱ 'na xqui'ya cha' nu nchcui' na' lo'o ma̱? ―nacui̱ yu―.