SAN MATEO 13:5 - Chatino Tataltepec

⁵ Lo'o jua'a̱ ndyalú xi si'yu bi' su lati tu'ba yuu nscua chu̱' quee. Yala ti ntyucua si'yu bi'; pana xti tsa yuu ntsu'u chu̱' quee bi',

SAN MATEO 13:5 ပူးပေါင်းရင်းမြစ်များ

SAN MATEO 13:20

Lo'o si'yu nu ndyalú lo yuu lati tu'ba chu̱' quee ni, bi' laca ñi'ya̱ laca ñati̱ nu tso'o tsa ntsu'u tyiquee ngu' lo'o clyo ndyuna ngu' cha' tso'o nu ji'i̱ ycui' Ndyosi.

SAN MATEO 13:4

Li' lo'o nscui̱ yu si'yu bi', ndyú xi si'yu lo yuu tacalya to' tyucui̱i̱; hora ti ñaa quiñi, ndye si'yu bi' ndyacu ni'.

SAN MATEO 13:6

bi' cha' ná ngua xñi su̱u̱ chu̱' quee bi', ni ná ngua caluu tso'o. Ndye calya bi' ndyanaa, cha' tyique' tsa cua̱.

SAN MARCOS 4:16

Lo'o si'yu nu ndyalú lo yuu lati tu'ba chu̱' quee ni, bi' laca ñi'ya̱ laca ñati̱ nu tso'o tsa ntsu'u tyiquee ngu' lo'o clyo ndyuna ngu' cha' tso'o bi' ji'i̱ ycui' Ndyosi.

SAN MARCOS 4:5

Lo'o li' ndyalú xi si'yu su xti tsa yuu nscua chu̱' quee. Yala ti ntyucua si'yu bi'; pana cha' xca ti yuu ndyacu̱' chu̱' si'yu,