SAN MATEO 13:32 - Chatino Tataltepec

³² Sube tsa si'yu cuxee bi', pana tonu tsa yaca laca lo'o nguluu bi', ña'a̱ cuayá' nu ñaa quiñi cha' cuiñá ni' xlyati̱ lo yaca bi'.

SAN MATEO 13:32 ပူးပေါင်းရင်းမြစ်များ

SAN MARCOS 4:30

Lo'o li' nda Jesús chaca cui̱i̱ lo'o ngu' bi': ―Chaca cha' chcui' na' lo'o ma̱ juani. Ta na' sca cui̱i̱ lo'o ma̱ ñi'ya̱ nu caca lo'o ycui' Ndyosi laca loo ne' cresiya ji'i̱ ñati̱ ―nacui̱ Jesús―.

SAN MARCOS 4:32

Pana lo'o cataa ngu' si'yu bi', yala ti tyucua, caluu yaca li' cha' caca sca yaca tlyu. Lo'o li' ca'ya quiñi laja sta̱' yaca bi', chca'a̱ cña' ni' su tyacala' laja laca' bi'.

SAN LUCAS 13:18

Li' xa' ngulu'u Jesús sca cha' ji'i̱ ngu': ―Chaca cha' chcui' na' lo'o ma̱ juani, cha' caca cuayá' ti' ma̱ ñi'ya̱ caca lo'o laca ycui' Ni loo ne' cresiya ji'i̱ ma̱:

LOS HECHOS 1:15

Ngua sca tsa̱ ndyu'u ti'i̱ lcaa ñati̱ nu cua ngusñi cha' ji'i̱ Jesucristo ca quichi̱ bi'; sca siyento ntucua calaa tya'a ñati̱ ntsu'u nu ngutu'u ti'i̱ tsa̱ bi'. Li' ndatu̱ Pedro cha' chcui' yu lo'o ngu' bi':

LOS HECHOS 21:20

Nu lo'o cua ndyuna ngu' cha' bi', li' ngua'ni tlyu ngu' ji'i̱ ycui' Ndyosi. Nchcui' ngu' lo'o Pablo li': ―Tso'o tsa lacua ―nacui̱ ngu' ji'i̱ yu―. Juani ni, jlo ti' nu'u̱ cha' cua ntsu'u tyu̱u̱ mil tya'a ngu' judío tya'a na nu ngusñi cha' ji'i̱ Jesús tya tsubi' la. Nacui̱ ngu' cha' ntsu'u cha' taquiya' lcaa na lo'o tya'a na cua ña'a̱ ca cha' cusu' nu nguxtyanu jyo'o Moisés ji'na cua sa'ni la ―nacui̱ ngu'―.

APOCALIPSIS 11:15

Li' cua ndya'a cati quiya' nguañi ngula'á xca̱ lo'o cui'chcua̱ ji'i̱. Nguañi nda xtyi'i tyu̱u̱ tya'a ñati̱ nde cua̱ li', nu ndi'ya̱ nchcui': Ca juani ndyanu tachaa cha' ji'i̱ ycui' nu Xu'na na, jua'a̱ ji'i̱ Cristo, cha' caca Ni loo ji'i̱ tyucui ña'a̱ chalyuu, nacui̱ ngu'. Lo'o juani ná nga'a̱ cha' tye cha' culo Ni cña chalyuu.