SAN MATEO 13:14 - Chatino Tataltepec

¹⁴ Lo'o ña'a̱ na ji'i̱ ngu' bi', li' caca cuayá' ti' na cha' chañi tsa cha' ji'i̱ ycui' Ndyosi nu nguscua jyo'o Isaías cua sa'ni la. Ndi'ya̱ nacui̱ cha' bi': Ná tyiquee' cuna ma̱ cha' bi', pana ná caca cuayá' ti' ma̱ ñi'ya̱ nti' ñacui̱ cha' nu cua ndyuna ma̱, nacui̱ ycui' Ni. Ná tyiquee' ña'a̱ ma̱ cha' bi', pana ná ta ma̱ cuentya tsiya' ti ni cha' laca nu cua na'a̱ ma̱.

SAN MATEO 13:14 ပူးပေါင်းရင်းမြစ်များ

SAN MARCOS 4:12

Bi' cha' nda na' cui̱i̱ bi' lo'o ngu', cha' masi ña'a̱ ngu', ná ta ngu' cuentya ñi'ya̱ nu tyu'u cha' bi'; masi cuna ngu', ná ca cuayá' ti' ngu' ñi'ya̱ nu tyu'u cha' bi'. Jlo ta̱' cha' ná ntaja'a̱ ngu' culochu̱' ngu' ji'i̱ cha' cuxi nu ntsu'u ji'i̱ ngu', bi' cha' ná nchca jna' cui'ya na' cha' clyu ti' ji'i̱ ngu' ji'i̱ qui'ya nu ntsu'u ji'i̱ ngu'.

SAN LUCAS 8:10

Ndi'ya̱ nguxacui̱ Jesús cha' ji'i̱ ngu': ―Cu'ma̱ nu ndya'a̱ ma̱ lo'o na', ntsu'u tsa cha' nu nxtyucua ycui' Ndyosi ji'i̱ ma̱ cha' caca cuayá' ti' ma̱ scaa cha' nu ntsu'u yacu̱' ti cua sa'ni la; bi' cha' taca ca cuayá' ti' ma̱ ñi'ya̱ culo Ni cña ji'i̱ ñati̱. Pana lo'o xa' ñati̱ ni, xcui' lo'o cña cua̱ nchcui' na' lo'o ngu' cha' ta na' sca cui̱i̱ lo'o ngu', cha' jua'a̱ ná caca cuayá' ti' ngu', masi na'a̱ ngu' nquicha'; ná sca cha' tyanu hique ngu', masi cua ndyuna ngu' nquicha'.

ROMANOS 10:16

Ná ndyuna tso'o lcaa ñati̱ cha' nu nda na lo'o ngu', nu lo'o ndacha' na ji'i̱ ngu' ñi'ya̱ cua'ni lyaá Ni ji'i̱ ñati̱. La cui' jua'a̱ ngua lo'o jyo'o Isaías cua sa'ni. “Ndyosi Xu'na ya, ná tucui ndu̱ tsiya' ti nu ngusñi cha' jinu'u̱ nu nchcui' ya lo'o ngu'”, nacui̱ jyo'o bi'.

2 CORINTIOS 3:14

Ndyacu̱' tsa cha' hique ngu' Israel nu ngua li', cha' ná ngua cuayá' ti' ngu' cha' ji'i̱ ycui' Ndyosi tsiya' ti. Masi chalyuu juani, jua'a̱ laca lo'o quityi cha' jo'ó nu nguscua jyo'o Moisés, la cui' cña nu ngulo ycui' Ndyosi ji'i̱ ñati̱ nu ngua sa'ni bi'; nu lo'o chcui' ti ngu' judío lo quityi cha' jo'ó bi', ña'a̱ ti ná nchca ca'ya cha' bi' hique ngu' bi'. Tsiya' ti taca ca'ya cha' bi' hique ngu' lo'o xñi ngu' bi' cha' ji'i̱ Jesús; li' saala Ni hique ngu' cha' cuna tso'o ngu' cha' ji'i̱ Ni.