SAN MATEO 13:12 - Chatino Tataltepec

¹² Ñati̱ nu jlya ti' cha' nu nduna ngu' ji'i̱ ycui' Ndyosi, tya ta la Ni cha' lo'o ngu' bi', cha' jua'a̱ tso'o la xñi ngu' cha' ji'i̱ ycui' Ni; pana ñati̱ nu ná jlya ti' cha' bi', nu ná nti' taquiya' ngu' ji'i̱ cha' bi', cua'ni ycui' Ni cha' ná caca ji'i̱ ngu' xñi ngu' cha' ji'i̱ ycui' Ni tsiya' ti.

SAN MATEO 13:12 ပူးပေါင်းရင်းမြစ်များ

SAN MATEO 21:43

bi' cha' cacha' liñi na' ji'i̱ ma̱ juani, cha' nga'aa ta ycui' Ndyosi chacuayá' tyatí̱ cu'ma̱ cha' ji'i̱ Ni cha' caca Ni loo ne' cresiya ji'i̱ ma̱. Pana ta Ni chacuayá' tyalaa xa' la ñati̱ ca slo ycui' Ni, si tso'o ntsu'u tyiquee ngu' cha' cua'ni ngu' cña ji'i̱ Ni.

SAN MATEO 25:29

Jua'a̱ laca lo'o ñati̱ nu ntsu'u xi cha' ji'i̱, tya ta na' quiña'a̱ la cha' ji'i̱ ñati̱ bi', cha' quiña'a̱ la cha' tso'o tyu'u ji'i̱ ngu' bi'; pana ñati̱ nu xixi ca cha' ntsu'u ji'i̱, si ná nti' ngu' cua'ni ngu' cña lo'o, hasta xlyaá na' nu xti ti cha' nu ntsu'u ji'i̱ ngu' li'.

SAN MARCOS 12:9

Tya nchcui' la Jesús lo'o ngu', nchcuane yu sca cha' ji'i̱ ngu' li': ―¿Ñi'ya̱ cua'ni xu'na cña bi' li'? ―nacui̱ Jesús ji'i̱ ngu'―. Ná tyiquee' ndi'ya̱ cua'ni yu: tya̱a̱ ycui' xu'na cña bi' ca su ndu̱ yaca bi'; li' cujuii yu ji'i̱ lcaa ñati̱ nu lya' ti' bi', cuati ta yu ji'i̱ yaca si'yu bi' jña xa' la ñati̱ cha' cua'ni ngu' cña ndacua. Jua'a̱ cua'ni xu'na cña bi'.

SAN LUCAS 10:42

Pana tya lijyi sca cha' nu tso'o cua'ni nu'u̱, sca cha' nu ndulo la; bi' laca cha' nu cua nti' María cua'ni juani. Cua ndyu'ni cho' sca cña nu tso'o la, lo'o ná ntsu'u cha' xlyaá xa' ñati̱ cña bi' ji'i̱ cho'.

SAN LUCAS 12:48

Pana chaca msu nu ná ngua cuayá' ti' ni cña ngulo xu'na yu ji'i̱ yu, xti la cha' chcube' yu bi' li'; jo'o la xi quiji'i̱ xu'na yu ji'i̱ yu, masi ndacui cha' chcube' lye yu xqui'ya cña nu ná ngua'ni yu bi'. Nu lo'o ta ycui' Ndyosi tyu̱u̱ lo cha' ji'na, jua'a̱ tyu̱u̱ lo cña ndu'ni cha' cua'ni na cuentya ji'i̱ Ni; la cui' ti cha' lo'o xtyanu ñati̱ quiña'a̱ tsa cña ji'na, li' ndu'ni cha' cua'ni na quiña'a̱ la cña cuentya ji'i̱ ngu' bi'.

SAN LUCAS 16:2

Li' ngusi'ya xu'na ji'i̱ msu nu laca loo bi', cha' xcuane ji'i̱ msu bi': “¿Ni cha' ta laca nu nchcui' ngu' lo'o na' cha' jinu'u̱?”, nacui̱ yu. “¿Ni cña ndyu'ni nu'u̱ nu cua nchcui' ngu' lo'o na'? Tya nu'u̱ cuentya jna' juani, cuacha' clya nu'u̱ cha' jna', ña'a̱ cha' nu cua ngua'ni nu'u̱. Nga'aa caca nu'u̱ loo ji'i̱ msu 'na juani.”

SAN LUCAS 16:25

Li' nacui̱ jyo'o Abraham ji'i̱: “Sñi'”, nacui̱, “tso'o tsa ngua hi̱ lo'o nguti'i̱ nu'u̱ nde chalyuu. Lo'o Lázaro re ni, si'i jua'a̱ ngua ji'i̱ yu, cha' lye tsa nchcube' yu su nguti'i̱ yu chalyuu. Bi' cha' caja su tso'o tyi'i̱ yu ca nde juani; lo'o nu'u̱ ni, nga'a̱ cha' chcube' nu'u̱.

SAN LUCAS 8:18

’Bi' cha' cua'a̱ tso'o jyaca̱ ma̱. Nu ñati̱ nu jlya ti' cha' nu ndyaca tsa'a̱ ngu' ji'i̱ Ni ni, tya ta la ycui' Ndyosi cha' lo'o ngu' bi'; pana ñati̱ nu ná jlya ti', nu ná nti' ca tsa'a̱ ngu', cua'ni ycui' Ni cha' ná caca ji'i̱ ngu' bi' ca tsa'a̱ ngu' cha' ji'i̱ ycui' Ni tsiya' ti.

SAN LUCAS 9:26

Ca tyuju'u ti' na' nu cua nda Ni 'na lijya̱a̱ cha' caca na' ñati̱ lo'o ña'a̱ na' ji'i̱ ma̱, si cua ngua tyuju'u ti' ma̱ ña'a̱ ma̱ jna', masi ntyuju'u ti' ma̱ ji'i̱ cha' tso'o nu nchcui' ti na'; nu lo'o ca̱a̱ na' chaca quiya' nde loo la cha' caca na' loo ji'i̱ ñati̱, li' ca tyuju'u ti' na' lo'o ña'a̱ na' ji'i̱ ma̱. Ndubi tsa ña'a̱ loo na' caca xqui'ya xee ji'i̱ ycui' Ndyosi Sti na' li'; stu'ba ti ca̱a̱ na' lo'o lcaa xca̱ ji'i̱ ycui' Ni, xca̱ nu lubii tsiya' ti.

SANTIAGO 4:6

Tlyu la tsiya' ti cha' tso'o nu ndu'ni ycui' Ndyosi lo'o na, cha' xtyucua Ni ji'na. Ndi'ya̱ nscua chaca cha' lo quityi ji'i̱ ycui' Ndyosi: “Ná sca na ta ycui' Ni ji'i̱ ñati̱ nu xcui' tyiji̱loo ji'i̱ tya'a ñati̱ ngu', nti' ngu'; pana quiña'a̱ tsa cha' tso'o ndu'ni Ni lo'o ñati̱ nu tso'o ti ndi'i̱ chalyuu, nu ná ndyu'ni tyucuaa ti' lo'o xa' ñati̱”, nacui̱ quityi bi'.

APOCALIPSIS 2:5

Bi' cha' juani cua'ni clya ma̱ cha' tyi'u ti' ma̱ ñi'ya̱ nu tso'o tsa ntsu'u tyiquee ma̱ ña'a̱ ma̱ jna', nu lo'o ngusñi ma̱ cha' 'na tya clyo; lo'o juani ña'a̱ ti nga'a̱ cha' cua'ni ma̱ la cui' cha' tso'o bi' chaca quiya'. Si ná tyaja'a̱ ma̱ cua'ni ma̱ jua'a̱, li' ca̱a̱ na' ca̱qui'ya̱ ji'i̱ candyeru ji'i̱ ma̱ ca su ntucua bi', tyalo'o na' ji'i̱, nacui̱ Ni.