Li' nguxacui̱ Jesús cha' ji'i̱ ngu' bi': ―Na xña'a̱ tsa ma̱ ca ta'a ma̱, cha' xcui' ndijña ma̱ cha' cua'ni na' sca cha' tlyu cha' ña'a̱ cui'ya ma̱ ji'i̱; laca ma̱ ñati̱ nu ná jlya ti' ji'i̱ ycui' Ndyosi tsiya' ti ―nacui̱ Jesús ji'i̱ ngu'―. Pana ná cua'ni na' jua'a̱. Nga'a̱ cha' tyi'u ti' ma̱ na laca ngua ji'i̱ jyo'o Jonás nu ngua tu'ba ji'i̱ ycui' Ndyosi cua sa'ni la.
SAN MATEO 12:41 - Chatino Tataltepec41 Lo'o tyalaa tsa̱ nu cua'ni cuayá' ycui' Ndyosi ji'i̱ lcaa ñati̱, li' sta jyo'o ngu' Nínive qui'ya ji'i̱ cu'ma̱ nu lu'ú chalyuu juani. Cacha' ngu' jyo'o bi' lcaa ña'a̱ cha' nu ndyuna ngu', cha' nu nda jyo'o Jonás lo'o ngu' tyempo bi', cha' li' ngua tyuju'u ti' ngu' ji'i̱ lcaa cha' cuxi nu ngua'ni ngu'; nguxtyanu ngu' ji'i̱ cha' cuxi bi' xqui'ya cha' cua ngusñi ngu' cha' ji'i̱ ycui' Ni. Pana ná stu'ba cha' nu ngulu'u jyo'o Jonás bi' ji'i̱ ngu' sa'ni lo'o cha' nu nclyu'u na' ji'i̱ ma̱ juani; tlyu la cha' ji'i̱ ycui' Ndyosi laca nu nclyu'u na' ji'i̱ ma̱ juani, pana ná nduna cu'ma̱ cha' bi' tsiya' ti. အခန်းကိုကြည့်ပါ။ |
SAN MATEO 12:41
20 ပူးပေါင်းရင်းမြစ်များ
Lo'o caca cuayá' chalyuu ni, la cui' jua'a̱ tyatu̱ jyo'o reina nu ngua loo ji'i̱ ngu' nde Sur, cha' sta nu cuna'a̱ bi' qui'ya ji'i̱ cu'ma̱ nu lu'ú chalyuu juani. Li' chcui' ma' cusu' bi' ñi'ya̱ ngua lo'o ndyaa ycui' ma' slo jyo'o rey Salomón. Tyijyu' tsa quichi̱ tyi ma' reina bi'; pana cua ngujui cha' ji'i̱ ma' cha' ngua tsa ji'i̱ Salomón bi', cha' tso'o tsa cui̱i̱ nu nda yu. Bi' cha' ndyalaa ma' slo nu rey bi' cha' cuna ma' cui̱i̱ nu nda nu cusu' bi', masi xti la cha' ngulu'u jyo'o Salomón bi' que cha' nu nclyu'u na' ji'i̱ ma̱ juani. Tlyu la cha' ji'i̱ ycui' Ndyosi laca nu nclyu'u na' ji'i̱ ma̱ juani, pana ná nduna ma̱ tsiya' ti.
Hora ti tsaa cui'i̱ chaca quiya' tsaana ji'i̱ tya tyacati tya'a cui'i̱ nu xña'a̱ la, cha' stu'ba ti xñi lcaa cui'i̱ bi' ji'i̱ ñati̱ bi', cha' caja su tyi'i̱ cui'i̱ bi' lo'o ñati̱ nti'. Ca cuxi la cha' ji'i̱ ñati̱ bi' li', cha' quiña'a̱ la cui'i̱ xñi ji'i̱ li'. La cui' jua'a̱ cuxi la caca cha' ji'i̱ ñati̱ nu ndi'i̱ nde chalyuu juani, cha' xña'a̱ tsa ngu'.
Na xña'a̱ tsa tyiquee ma̱ ca ta'a ma̱ cha' xcui' nti' ma̱ cha' cua'ni na' sca cha' tlyu cha' ña'a̱ cui'ya ma̱ ji'i̱; laca ma̱ ñati̱ nu ná jlya ti' ji'i̱ ycui' Ndyosi tsiya' ti ―nacui̱ Jesús ji'i̱ ngu'―. Pana ná cua'ni na' jua'a̱. Nga'a̱ cha' tyi'u ti' ma̱ na laca nu ngua ji'i̱ jyo'o Jonás nu ngua tu'ba ji'i̱ ycui' Ndyosi cua sa'ni la. Nga'aa nchcui' la Jesús lo'o ngu' bi' li', ndu'u yu ndyaa.
Lo'o jua'a̱ lo'o ngu' jyo'o quichi̱ Nínive ni, sta ngu' qui'ya ji'i̱ cu'ma̱ tsa̱ bi' lo'o cua'ni cuayá' ycui' Ni ji'i̱ cu'ma̱. Cua ndyuna ngu' Nínive bi', nu lo'o nchcui' Jonás lo'o ngu' chacuayá' ji'i̱ ycui' Ndyosi; ngua tyuju'u ti' ngu' bi', nguxtyanu ngu' lcaa cha' cuxi nu ntsu'u ji'i̱ ngu' li'. Pana cu'ma̱ ni, ná ntaja'a̱ ma̱ cuna ma̱ cha' nu nda na' lo'o ma̱, masi tlyu la cña ndyu'ni ycui' Ndyosi juani; xti la cha' ngua lo'o ndyaa jyo'o Jonás ca Nínive tyempo bi'.
Chañi cha' ná ngua'a̱ cuayá' lo quiji̱ ngu' bi' jua'a̱; ná ntsu'u cha' bi' ji'i̱ ngu', cha' ngu' xa' tsu' laca ngu'. Pana si ndu'ni ngu' bi' lcaa cña nu nti' Ni cha' cua'ni ngu', ta ngu' cha' tyuju'u ti' ji'i̱ cu'ma̱ ngu' judío, cha' ná ndaquiya' ma̱ ji'i̱ cha' bi', masi cua ndyuna ma̱ cha' liñi ji'i̱ ycui' Ndyosi, masi cua ngua'a̱ cuayá' lo quiji̱ ma̱.
Jlya ti' jyo'o Noé ji'i̱ ycui' Ndyosi, bi' cha' ndyuna yu cha' nu nchcui' Ni lo'o yu, nu lo'o nacui̱ Ni ñi'ya̱ ña'a̱ cha' cuxi nu lijya̱ caca nde loo la, masi ycui' yu ná ngua tii yu ñi'ya̱ caca cha' bi'. Ngusñi yu cha' ji'i̱ ycui' Ndyosi, li' ngüiñá yu sca yaca ni'i̱ su tyi'i̱ yu lo'o lcaa tya'a ndi'i̱ yu; jua'a̱ ngua cha' ngulaá ngu' ji'i̱ tyo clyaa bi'. Jlo ti' na juani cha' cuxi tsa ngua chalyuu cusu' bi', cha' sca ti Noé jlya ti' yu cha' nu nchcui' Ni lo'o; ngua'ni ycui' Ndyosi cha' ngua tso'o cresiya ji'i̱ yu li'.
ကြော်ငြာတွေ