SAN MATEO 12:34 - Chatino Tataltepec

³⁴ Pana, ¡ñi'ya̱ nti' cuaña tyaala, jua'a̱ nti' cu'ma̱! Ná nchca chcui' ma̱ cha' tso'o laja lo'o ntsu'u tsa cha' cuxi tyiquee ma̱; ñi'ya̱ nu ntsu'u tyiquee scaa na, jua'a̱ ndyu'u cha' nu nchcui' na.

SAN MATEO 12:34 ပူးပေါင်းရင်းမြစ်များ

SAN MATEO 12:35

Cua ña'a̱ ca ñati̱ nu tso'o tyiquee ni, tso'o tsa nchcui' ngu' bi'; lo'o cua ña'a̱ ca ñati̱ nu cuxi tyiquee, cuxi ti nchcui' ngu' bi' li'.

SAN MATEO 15:18

Pana sca cha' nu nchcui' ngu' ni, stu'ba laca bi' lo'o cha' nu ntsu'u ne' cresiya ji'i̱ ngu'; xqui'ya cha' nu nchcui' ngu', bi' cha' nchca cuayá' ti' xa' la ñati̱ si cua ngunu'u̱ tyiquee ngu' bi'.

SAN MATEO 23:33

’¡Ñi'ya̱ nti' cuaña, jua'a̱ nti' cu'ma̱! Tajua' tsa ndyu'ni ma̱ cha' cuxi. ¿Ha nti' ma̱ cha' clyaá ma̱ ji'i̱ ycui' Ndyosi cha' ná chcube' ma̱ ca bilyaa? Ná taca ji'i̱ ma̱ jua'a̱.

SAN MATEO 3:7

Lo'o ngua sca tsa̱ na'a̱ Juan ji'i̱ tyu̱u̱ tya'a ngu' fariseo lo'o ngu' saduceo; tacati tsa ndu'ni ycui' ngu' ngua ti' ngu', lye tsa ndu'ni tyucuaa ti' ngu' ji'i̱ tya'a ngu'. Lo'o xi ngu' bi' lijya̱ ngu' cha' tyucuatya Juan ji'i̱ ngu', pana ná ndiya ti' Juan jua'a̱. ―Ñi'ya̱ nti' cuaña tyaala, jua'a̱ nti' cu'ma̱ ―nacui̱ Juan ji'i̱ ngu' bi'―. ¿Ha cua nchcutsi̱i̱ ngu' ji'i̱ ma̱ lacua? ¿Ha juani ndube ti' ma̱ cha' ca ñasi̱' tsa ycui' Ndyosi lo'o xcube' Ni ji'i̱ ma̱ nu lo'o tye chalyuu? ―nacui̱ yu―.

SAN LUCAS 3:7

Quiña'a̱ ñati̱ ndyalaa su ndu̱ Juan cha' tyucuatya ngu'. Li' nchcui' Juan lo'o ngu' quiña'a̱ bi': ―Ñi'ya̱ nti' cuaña tyaala, jua'a̱ nti' cu'ma̱ ―nacui̱ Juan―. ¿Ha cua nchcutsi̱i̱ ngu' ji'i̱ ma̱ lacua? ¿Ha juani ndube ti' ma̱ cha' xcube' ycui' Ndyosi ji'i̱ ma̱ lo'o tye chalyuu? ―nacui̱―.

SAN LUCAS 6:45

Cua ña'a̱ ca ñati̱ nu tso'o tyiquee ni, tso'o tsa nchcui' ngu' bi'; lo'o cua ña'a̱ ca ñati̱ nu cuxi tyiquee ni, cuxi ti nchcui' ngu' bi' li'. Cua ña'a̱ ca cha' nu ntsu'u ne' cresiya ji'i̱ scaa ngu', jua'a̱ nchcui' ngu'.

SAN JUAN 8:44

Ycui' nu xña'a̱ laca sti cu'ma̱, lo'o jua'a̱ nti' ma̱ cua'ni ma̱ la cui' cña nu ngulo nu bi' ji'i̱ ma̱. Tya lo'o nguxana chalyuu, tya li' nguxana ndyu'ni ñu'u̱ nu bi' ji'i̱ cresiya ji'i̱ ñati̱ ―nacui̱ Jesús―. Ná ngutu'u nu bi' ca su ntsu'u su̱u̱ cha' liñi, ná ntsu'u cha' liñi ji'i̱ nu bi' tsiya' ti ―nacui̱―. Lo'o ñilo'o nu bi' ji'i̱ ñati̱, xquicha' ycui' ca laca cha' cuiñi nu nda nu bi' lo'o ngu'. Sca nu cuiñi laca nu xña'a̱, bi' laca sti lcaa nu cuiñi.

EFESIOS 4:29

Ná chcui' ma̱ cha' ti'í lo'o tya'a ñati̱ ma̱; clyana ma̱ cha' tso'o nu chcui' ma̱ lo'o tya'a ma̱; clyana ma̱ ñi'ya̱ nu caca xtyucua ma̱ ji'i̱ ngu' cha' tyatí̱ la ti' ngu' ji'i̱ ycui' Ndyosi, cha' tyanu sca cha' tso'o ne' cresiya ji'i̱ ngu' nu lo'o cuna ngu' cha' nu chcui' ma̱.

EFESIOS 5:4

Nga'aa ntsu'u cha' tyu'u cha' suba' tu'ba ma̱. La cui' ti ná chcui' ma̱ cha' tonto, ná chcui' ma̱ sca cha' nguna' ti lo'o tya'a ñati̱ ma̱. Tso'o la si tya ma̱ xlya'be ji'i̱ ycui' Ndyosi.

SANTIAGO 3:2

Chañi laca cha' ntsu'u quiya' lcaa na ndyu'u tsaa tu'ba na lo'o nchcui' na lo'o tya'a ñati̱ na; ná ntsu'u ni sca ñati̱ nu bilya tyu'u tsaa tu'ba tsiya' ti, nu lo'o nchcui' ngu' lo'o tya'a ñati̱ ngu'. Si ntsu'u ñati̱ nu nchca ji'i̱ cua'a ji'i̱ cha' nu nchcui' ycui' ca ngu', ñati̱ nu tyucui tyiquee tsiya' ti laca ngu' bi'. Ná tyiquee' taca cua'a ngu' bi' ji'i̱ ña'a̱ tsaca ngu', si jua'a̱; pana tucui tsa laca cha' cua'a na ji'i̱ ycui' ca na, cha' ná chcui' na cha' cuxi.

1 JUAN 3:10

Bi' cha' nchca cuayá' ti' ma̱ juani ñi'ya̱ laca ñati̱ nu laca sñi' ycui' Nydosi, lo'o jua'a̱ nchca cuayá' ti' ma̱ ñi'ya̱ ndu'ni ñati̱ nu laca sñi' ycui' nu xña'a̱. Si'i sñi' ycui' Ndyosi laca ñati̱ nu ndu'ni cha' cuxi lcaa tsa̱, ni si'i sñi' ycui' Ndyosi laca ñati̱ nu ná ntsu'u tyiquee ña'a̱ ji'i̱ tya'a ñati̱.