SAN MATEO 11:6 - Chatino Tataltepec

⁶ Tso'o tsa caca tyiquee ñati̱ nu ña'a̱ ti tya nxñi cha' 'na, masi ná nchca cuayá' tso'o ti' lcaa cha'.

SAN MATEO 11:6 ပူးပေါင်းရင်းမြစ်များ

SAN MATEO 13:21

Pana si lya' ti' xa' ñati̱ ji'i̱ ngu' bi', si xtyí lo'o ñati̱ ji'i̱ ngu' xqui'ya cha' tso'o nu cua ndyuna ngu' bi', ná talo ngu' li'. Laca ngu' bi' ñi'ya̱ laca lo'o ná ngusñi tso'o su̱u̱ si'yu nu ntyucua lo yuu lati tu'ba chu̱' quee bi', cha' ná ndalo calya bi', ndyanaa bi' li'.

SAN MATEO 18:7

¡Tya'na tsa ñati̱ chalyuu re! Ntsu'u tsa cha' cuxi nu ndu'ni ñu'u̱ ji'i̱ tyiquee ñati̱. Lcaa hora ntsu'u cha' cuxi jua'a̱ nde chalyuu, pana tlyu tsa cha' caca ji'i̱ ñati̱ nu ndatsaa ji'i̱ tya'a cha' cua'ni ngu' cha' cuxi; tlyu tsa cha' ti'í tyacua ji'i̱ ñati̱ bi' nde loo la.

SAN MATEO 24:10

bi' cha' tyu̱u̱ tya'a ngu' tya'a ma̱ caca taja ti' ngu' jna', nga'aa talo ngu' cha' xñi la ngu' cha' 'na li'. Lo'o jua'a̱ ntsu'u ngu' tya'a ma̱ nu cujuii cuañi' ngu' ji'i̱ tya'a ma̱ ya' ngu' cuxi, jua'a̱ ntsu'u ngu' tya'a ma̱ nu caca ti'í ti' ngu' ña'a̱ ngu' ji'i̱ xa' la ngu' tya'a ma̱ li'.

SAN MATEO 26:31

Lo'o li' nchcui' Jesús lo'o ngu' bi': ―Caca tyuju'u ti' lcaa cu'ma̱ ña'a̱ ma̱ 'na talya ndyi. Caca bi' ñi'ya̱ nu nscua lo quityi ji'i̱ ycui' Ndyosi cua sa'ni la. Ndi'ya̱ nchcui' cha' bi': “Lo'o cujuii na' ji'i̱ nu ña'a̱si̱i̱ ji'i̱ xlya', li' xna lcaa xlya' bi', tyaa ni'”, nacui̱ quityi bi'.

SAN MATEO 5:29

’Tso'o la si culo ma̱ si'yu cloo ma̱ la'a tsu' cui̱, xcua̱a̱ ma̱ ji'i̱ li', si si'yu cloo ma̱ ndacui qui'ya cha' ndu'ni ma̱ cha' cuxi. Masi cuityi̱' ma̱, tyanu lubii cresiya ji'i̱ ma̱ li', cha' ná tsaa ma̱ su lye ndyaqui̱ quii' ca bilyaa.

SAN MARCOS 6:3

¿Ha si'i cuityi yaca laca yu re? ―nacui̱ ngu'―. La cui' sñi' María laca re; tya'a Jacobo, tya'a José, tya'a Judas, tya'a Simón laca yu re. Nde quichi̱ tyi na ndi'i̱ ngu' cuna'a̱ tya'a yu re ―nacui̱ ngu' ji'i̱ tya'a ngu'. Chi̱i̱ nti' ngu' ña'a̱ ngu' ji'i̱ Jesús,

SAN LUCAS 2:34

Lo'o li' ngulacua̱ nu cusu' Simeón ji'i̱ ngu' bi'. Nde laca cha' nu nda nu cusu' lo'o María xtya'a̱ Jesús li': ―Quiña'a̱ tsa cha' tso'o caca ji'i̱ ngu' Israel xqui'ya cubi' re ―nacui̱ nu cusu' bi'―, masi ntsu'u ñati̱ nu chi̱i̱ ntsu'u tyiquee ngu' ña'a̱ ngu' ji'i̱, pana ntsu'u ñati̱ nu caja chalyuu cucui ji'i̱ xqui'ya cubi' re. Culo tu̱ cubi' re lcaa cha' nu ntsu'u yacu̱' ne' cresiya ji'i̱ ñati̱; caca cubi' re sca cha' tlyu nu cua nda ycui' Ndyosi ji'i̱ ñati̱, masi ná tyaja'a̱ lcaa ñati̱ tucuá cha' ji'i̱ ―nacui̱ Simeón ji'i̱ María xtya'a̱ cubi' bi'―. Lo'o jua'a̱ jinu'u̱ ―nacui̱ nu cusu' bi'―, tyacua sca cha' xñi'i̱ ti' jinu'u̱ xqui'ya cha' ná taquiya' ngu' ji'i̱ sñi' nu'u̱.

SAN LUCAS 7:23

Taca caca tso'o tyiquee ma̱ si ná caca tyuju'u ti' ma̱ ña'a̱ ma̱ jna' ―nacui̱ Jesús ji'i̱ ngu'.

SAN JUAN 16:1

’Yala la nchcui' na' lcaa cha' bi' lo'o ma̱, cha' ná xtyanu ma̱ cha' jna' lo'o cua'ni lya' ti' ngu' ji'i̱ ma̱,

SAN JUAN 6:66

Lo'o jua'a̱ ngua li', ngua tyuju'u ti' tyu̱u̱ tya'a ngu' nu ndyaca tsa'a̱ ji'i̱ Jesús; nga'aa ntaja'a̱ ngu' bi' tya'a̱ lo'o yu.

1 CORINTIOS 2:14

Pana ñati̱ nu ná stu'ba cha' ji'i̱ lo'o ycui' Ndyosi ni, ná taca ca cuayá' ti' ngu' bi' ni sca cña nu ndu'ni ycui' Ndyosi cuentya ji'i̱ Xtyi'i ycui' Ni; ná nchca ca cuayá' ti' ngu' bi' ji'i̱ cha' bi' tsiya' ti. Sca ti si ntsu'u Xtyi'i ycui' Ndyosi ne' cresiya ji'na, li' caca cuayá' ti' na ni cha' laca bi', bi' cha' ná sca cha' laca nti' ngu' bi'.

GÁLATAS 5:11

Cu'ma̱ tya'a ngusñi na cha' ji'i̱ Cristo, jlo ti' ma̱ cha' nga'aa cua'ni lya' ti' ngu' judío 'na si cacha' na' ji'i̱ ma̱ cha' culacua̱ ma̱ ñi'ya̱ ndu'ni ngu' bi'; pana ña'a̱ ti ti'í ti' ngu' bi' jna', xqui'ya cha' ná nda na' cha' bi' lo'o ma̱, cha' sca ti nchcui' na' lo'o cu'ma̱ ñi'ya̱ ndyu'u cha' lo'o ngujuii Jesús lo crusi.

1 PEDRO 2:8

Ndi'ya̱ nscua chaca cha' nu nchcui' ji'i̱ quee bi' chaca se'i̱ lo quityi: Tyeje sna quiya' ngu' chu̱' quee bi', clyú ngu' tyucui̱i̱ su lijya̱ ngu' lo'o tyucua quee bi' quiya' ngu'. Jua'a̱ nscua cha' lo quityi bi'; na nclyú ngu' tyucui̱i̱ cha' ná ndaquiya' ngu' ji'i̱ cha' nu nchcui' ycui' Ndyosi. Ngua'ni ycui' Ndyosi jua'a̱ cha' ná taca tya'a̱ ngu' tyucui̱i̱ ji'i̱ Ni si ná xñi ngu' cha' ji'i̱ ycui' Ni.