SAN MATEO 11:5 - Chatino Tataltepec

⁵ Cacha' ma̱ cha' nu cua na'a̱ ma̱ ca nde ji'i̱ yu; cacha' ma̱ ji'i̱ cha' ndu'ni na' cha' ndyaca tso'o cloo ngu' nu ngua cuityi̱', cha' ndya'a̱ ngu' nu ngua quicha quiya', cha' ngua lubii cuaña' ngu' nu ndyatsu' cuaña', cha' nduna ngu' nu ngua cu'u̱ jyaca̱, cha' ndyu'ú ngu' chaca quiya' nu cua ngujuii, cha' nchca cuayá' ti' ngu' ti'i ñi'ya̱ nu cua'ni lyaá ycui' Ni ji'i̱ ñati̱ chalyuu ji'i̱ nu cuxi.

SAN MATEO 11:5 ပူးပေါင်းရင်းမြစ်များ

SAN MATEO 10:8

Cua'ni ma̱ cha' tyaca tso'o ngu' quicha, cua'ni ma̱ cha' chaca quiya' tyu'ú ngu' nu cua ngujuii; cua'ni ma̱ jo'o ji'i̱ ngu' nu ndyatsu' cuaña', cha' nu xa' caca lubii cuaña' ngu' quicha bi'; culo ma̱ ji'i̱ cui'i̱ cuxi nu ngusñi ji'i̱ xa' la ñati̱. Ná ngusñi na' cñi lo'o nda na' chacuayá' ji'i̱ ma̱ cha' cua'ni ma̱ jo'o ji'i̱ ngu' quicha, bi' cha' ná cui'ya ma̱ caya' lo'o cua'ni ma̱ jo'o ji'i̱ ngu'.

SAN MATEO 11:4

Li' nguxacui̱ Jesús cha' ji'i̱ ngu' bi': ―Yaa ma̱ cacha' ma̱ ji'i̱ Juan lcaa lo cha' nu nduna ma̱ slo na', lcaa cha' nu ña'a̱ ma̱ slo na' ―nacui̱ Jesús ji'i̱ ngu'―.

SAN MATEO 12:13

Lo'o li' nchcui' yu lo'o nu quicha bi': ―Xquiñi nu'u̱ ya' ―nacui̱ Jesús ji'i̱. Lo'o nchquiñi nu quicha bi' ya', hora ti ndyaca tso'o ya' nu quicha, stu'ba ngua bi' lo'o chaca tsu' ya'.

SAN MATEO 21:14

Li' ñaa xi ngu' cuityi̱' ca su ndu̱ Jesús ca ne' laa tonu bi', lo'o jua'a̱ ñaa xi ngu' nu quicha quiya'; ngua'ni Jesús cha' ndyaca tso'o ngu' quicha bi' li'.

SAN MATEO 5:3

―Tso'o ntsu'u tyiquee ñati̱ si jlo ti' cha' sca ti lo'o ycui' Ndyosi caca cua'ni ngu' cha' tso'o ―nacui̱ Jesús―. Caca ycui' Ndyosi loo ne' cresiya ji'i̱ ngu' bi', pana ná caca ji'i̱ ngu' si jua'a̱ ti ngu'.

SAN MATEO 9:30

Hora ti ngua tso'o si'yu cloo ngu', ña'a̱ tso'o ngu' li'. Lo'o li' lye nchcui' Jesús lo'o ngu' bi': ―Ná cacha' ma̱ ji'i̱ ni sca ñati̱, cha' ná caca cuayá' ti' ngu' ñi'ya̱ ngua cha' ngua tso'o cloo ma̱ ―nacui̱ Jesús ji'i̱ ngu' bi'.

SAN MARCOS 7:37

Ndube tsa ti' ngu' lo'o ndyuna ngu' ñi'ya̱ ngua cha' bi'. ―Tso'o tsa ndu'ni yu bi' ―nacui̱ ngu'―, lo'o ji'i̱ ngu' nu cu'u̱ jyaca̱ nchca ji'i̱ yu ndu'ni yu cha' ndyaca tso'o ngu'; hasta lo'o nchcui' ngu' quicha bi' chaca quiya' xqui'ya yu, masi ngua cu'u̱ tu'ba ngu'.

SAN MARCOS 9:25

Lo'o na'a̱ Jesús cha' quiña'a̱ la ñati̱ cua tyu'u ti'i̱ ti ngu' slo, li' ngulo yu cña ji'i̱ cui'i̱ cuxi bi': ―Cui'i̱ cuxi nu'u̱ ni, la cui' nu'u̱ laca nu ngua'ni cu'u̱ ji'i̱ nu quicha re ―nacui̱ Jesús―. Culo na' cña jinu'u̱ juani cha' tyu'u nu'u̱ ji'i̱ yu cuañi' re. Nga'aa xlyú nu'u̱ ji'i̱ yu tsiya' ti ―nacui̱ Jesús ji'i̱ cui'i̱ cuxi.

SAN LUCAS 4:18

Cua ngulacua̱ ycui' Ndyosi nu Xu'na na jna', nacui̱ lo quityi bi'. Cua ngua'a̱ loo Ni jna', bi' cha' cua ndi'i̱ Xtyi'i ycui' Ndyosi lo na', cha' chcui' na' cha' tso'o lo'o ngu' ti'i. Cua nda Ni jna' lijya̱a̱ cha' cua'ni cho'o na' tyiquee ñati̱ nu xñi'i̱ tsa ti', nacui̱ lo quityi bi'. Ntsu'u cha' chcui' na' lo'o ngu' nu laca preso ji'i̱ nu xña'a̱, cha' cua tyu'u ti ngu' ya' nu xña'a̱ bi'. Ta na' xee nu tyu'u ne' cresiya ji'i̱ ñati̱ nu ndyacu̱' hique ngu'. Lo'o lya' tsa ti' ngu' ji'i̱ tya'a ngu' ni, li' ta na' chacuayá' ji'i̱ ngu' cha' tyu'u ngu' laja ti.

SAN JUAN 10:25

―Jua'a̱ ni na' tsaca quiya' ji'i̱ ma̱ ―nacui̱ Jesús ji'i̱ ngu' bi' li'―, lo'o ná jlya ti' ma̱ cha' nu nchcui' na' lo'o ma̱ tsiya' ti ―nacui̱―. Lo'o ña'a̱ ma̱ cha' ndu'ni na' cña tonu bi' chacuayá' ji'i̱ Sti na', ndyiji cha' liñi ji'i̱ ma̱ li';

SAN JUAN 10:38

Pana nu lo'o ndu'ni na' cña ji'i̱ ycui' Ndyosi, li' caca jlya ti' ma̱ jna' xqui'ya cña nu ndu'ni na' bi', masi ná jlya ti' ma̱ cha' nu nchcui' na'. Lo'o li' caca cuayá' ti' ma̱, caca jlo ti' ma̱, cha' stu'ba ntsu'u cha' ji'i̱ Sti na' lo'o na', stu'ba ntsu'u cha' jna' lo'o Sti na'.

SAN JUAN 2:23

Lo'o ndi'i̱ Jesús Jerusalén ta'a pascua bi', li' nxana quiña'a̱ ñati̱ jlya ti' ngu' cha' ji'i̱ ycui' yu, nu lo'o cua na'a̱ ngu' lcaa cha' tlyu nu ngua'ni yu.

SAN JUAN 3:2

Ndyaa nu cusu' bi' sca talya su nga'a̱ Jesús: ―Mstru Jesús ―nacui̱―, jlo ti' ngu' cha' nu'u̱ laca sca mstru nu nda ycui' Ndyosi ji'i̱ lijya̱ chalyuu, cha' ná ngua jinu'u̱ cua'ni ni sca cha' tlyu si ná nxtyucua ycui' Ndyosi jinu'u̱. Ná nchca ji'i̱ ñati̱ chalyuu cua'ni ngu' jua'a̱ ―nacui̱ Nicodemo ji'i̱ Jesús.

SAN JUAN 5:36

Pana xti ti cha' 'na nchcui' Juan lo'o ma̱; cua quiña'a̱ la cha' caca ña'a̱ ma̱ juani cuentya jna', nu lo'o ña'a̱ ma̱ cña tonu nu nda Sti na' 'na cha' cua'ni na'. Tya cua'ni na' cña bi' ña'a̱ cuayá' tye bi'. Xqui'ya cña bi' caca cuayá' ti' ma̱ cha' ycui' Sti na' ngulo cña jna' cha' ca̱a̱ na' nde chalyuu re ―nacui̱ Jesús―.

SAN JUAN 9:7

Li' nacui̱ Jesús ji'i̱: ―Yaa nu'u̱, caata chcu nde tojo'o Siloé ―tojo'o bi' naa Siloé cha'cña ji'i̱ ngu', ñi'ya̱ nti' si ñacui̱ na cha'cña ji'na: tojo'o “su nacui̱ ji'i̱ ngu' cha' tsaa ngu'”. Bi' cha' ndyaa nu quicha bi' ndyaata tojo'o bi' li'. Lo'o ñaa li', cua ndyaca tso'o cloo.

LOS HECHOS 2:22

’Cu'ma̱ ngu' Israel ―nacui̱ yu―, cua'a̱ jyaca̱ ma̱ ji'i̱ cha' nu chcui' na' lo'o ma̱ juani: Ngu' Nazaret laca Jesús. Nguxtyucua ycui' Ni ji'i̱ yu lo'o ngua'ni yu xcui' cña tonu ca slo ma̱. Ngulacua tsa ti' ma̱ lo'o na'a̱ ma̱ cña tonu bi', lo'o ngua cuayá' ti' ma̱ cha' xcui' cña ji'i̱ ycui' Ndyosi ngua.

SANTIAGO 2:5

Cu'ma̱ ngu' tya'a na nu tyaca'a tsa ma̱ 'na, cui'ya ma̱ cuentya ji'i̱ cha' re: Cua ngusubi ycui' Ndyosi ji'i̱ ñati̱ ti'i cha' taca xñi tso'o ngu' cha' ji'i̱ ycui' Ni; ta Ni chalyuu tso'o ji'i̱ ngu' bi' li', la cui' chalyuu nu nacui̱ Ni cha' caja ji'i̱ ñati̱ nu ntsu'u tsa tyiquee ña'a̱ ji'i̱ ycui' Ni. Masi ti'i tsa ñati̱ bi' nde chalyuu, pana culiya' ngu' cuentya ji'i̱ ycui' Ndyosi.