SAN MATEO 11:4 - Chatino Tataltepec

⁴ Li' nguxacui̱ Jesús cha' ji'i̱ ngu' bi': ―Yaa ma̱ cacha' ma̱ ji'i̱ Juan lcaa lo cha' nu nduna ma̱ slo na', lcaa cha' nu ña'a̱ ma̱ slo na' ―nacui̱ Jesús ji'i̱ ngu'―.

SAN MATEO 11:4 ပူးပေါင်းရင်းမြစ်များ

SAN MATEO 11:3

cha' xcuane ngu' bi' ji'i̱ Jesús cuentya ji'i̱ Juan ndi'ya̱: ―¿Ha chañi cha' nu'u̱ laca ycui' nu cua ca̱a̱ ti? ―nacui̱ ngu' bi' ji'i̱ Jesús li'―. ¿Ha tya ca̱a̱ la chaca nu caca ycui' Cristo?

SAN MATEO 11:5

Cacha' ma̱ cha' nu cua na'a̱ ma̱ ca nde ji'i̱ yu; cacha' ma̱ ji'i̱ cha' ndu'ni na' cha' ndyaca tso'o cloo ngu' nu ngua cuityi̱', cha' ndya'a̱ ngu' nu ngua quicha quiya', cha' ngua lubii cuaña' ngu' nu ndyatsu' cuaña', cha' nduna ngu' nu ngua cu'u̱ jyaca̱, cha' ndyu'ú ngu' chaca quiya' nu cua ngujuii, cha' nchca cuayá' ti' ngu' ti'i ñi'ya̱ nu cua'ni lyaá ycui' Ni ji'i̱ ñati̱ chalyuu ji'i̱ nu cuxi.

SAN MATEO 15:30

Quiña'a̱ tsa ñati̱ ndyalaa slo yu li'; ndya'a̱ lo'o ngu' ji'i̱ quiña'a̱ tsa ngu' quicha, lo'o ngu' nu quicha quiya', lo'o ngu' cuityi̱', lo'o ngu' cu'u̱, lo'o nu cu' ya', nu cu' quiya', lcaa lo nu quicha. Nsta ngu' ji'i̱ ngu' quicha bi' lo yuu slo Jesús, lo'o ngua'ni Jesús cha' ndyaca tso'o ngu' li'.

SAN MATEO 21:14

Li' ñaa xi ngu' cuityi̱' ca su ndu̱ Jesús ca ne' laa tonu bi', lo'o jua'a̱ ñaa xi ngu' nu quicha quiya'; ngua'ni Jesús cha' ndyaca tso'o ngu' quicha bi' li'.

SAN MATEO 8:3

Li' ngutacui ya' Jesús lo nu quicha bi', ngusta ya' su ndyatsu' cuaña' yu. ―Cua'ni na' jo'o jinu'u̱ ―nacui̱ Jesús ji'i̱ nu quicha bi'―. Tyanu lubii cuaña' nu'u̱ juani ―nacui̱. Hora ti ngua tso'o nu quicha bi', ngua lubii cuaña' yu.

SAN JUAN 14:11

Xñi ma̱ cha' jna' lacua, cha' nu nacui̱ na' ji'i̱ ma̱ cha' stu'ba ntsu'u cha' 'na lo'o ycui' Ndyosi Sti na'. Si ná caca jlya ti' ma̱ 'na jua'a̱, li' tso'o masi xqui'ya cña tonu nu ndu'ni na', bi' cha' jlya ti' ma̱ jna' ―nacui̱ Jesús―.

SAN JUAN 5:36

Pana xti ti cha' 'na nchcui' Juan lo'o ma̱; cua quiña'a̱ la cha' caca ña'a̱ ma̱ juani cuentya jna', nu lo'o ña'a̱ ma̱ cña tonu nu nda Sti na' 'na cha' cua'ni na'. Tya cua'ni na' cña bi' ña'a̱ cuayá' tye bi'. Xqui'ya cña bi' caca cuayá' ti' ma̱ cha' ycui' Sti na' ngulo cña jna' cha' ca̱a̱ na' nde chalyuu re ―nacui̱ Jesús―.