Cha' liñi nchcui' na' lo'o ma̱, cha' nu lo'o tyalaa tsa̱ nu cua'ni cuayá' ycui' Ndyosi ji'i̱ lcaa ñati̱, li' xcube' tsa Ni ji'i̱ ngu' quichi̱ su ná ntaja'a̱ ngu' cuna ngu' cha' nu culu'u ma̱ ji'i̱ ngu'; tsa̱ bi' ca tso'o la cha' ji'i̱ ngu' cuxi nu nguti'i̱ quichi̱ Sodoma, nu nguti'i̱ quichi̱ Gomorra nu ngua sa'ni.
SAN MATEO 11:23 - Chatino Tataltepec23 Lo'o cu'ma̱ ngu' Capernaum ni, ¿ha tso'o tsa quichi̱ tyi ma̱ nti' ma̱? ¿Ha laca quichi̱ tyi ma̱ loo ji'i̱ xa' quichi̱ nti' ma̱? Pana nde loo la quiñu'u̱ tsiya' ti quichi̱ tyi ma̱, tyaa ycui' ma̱ ca bilyaa li'. Quiña'a̱ tsa cha' tlyu ngua'ni na' slo cu'ma̱, lo'o ná jlya ti' ma̱ 'na tsiya' ti. La cui' jua'a̱ nu ngua sa'ni, xña'a̱ tsa ngua ngu' quichi̱ Sodoma; pana ná na'a̱ jyo'o ngu' bi' cha' tlyu ñi'ya̱ nu cua na'a̱ cu'ma̱ ngu' Capernaum. Si cua na'a̱ ngu' cha' bi', cua ngua tyuju'u ti' ngu' ji'i̱ cha' cuxi nu ngua'ni ngu' li', cua ngulochu̱' ngu' ji'i̱ cha' cuxi bi'; tya nscua quichi̱ tyi ngu' bi' juani lacua. အခန်းကိုကြည့်ပါ။ |
SAN MATEO 11:23
30 ပူးပေါင်းရင်းမြစ်များ
Pedro naa nu'u̱, lo'o jua'a̱ caca nu'u̱ ñi'ya̱ laca sca quee quiya' ni'i̱. Nu lo'o nchcui' nu'u̱ tsa̱, cha' liñi laca nu nchcui' nu'u̱; bi' laca su̱u̱ cha' ji'i̱ ñati̱ 'na, cha' tso'o tsa ndyanu tachaa cha' nu nchcui' nu'u̱ jua'a̱. Ná taca ji'i̱ cuiñaja, ni cui'i̱ cuxi, ni jyo'o, ni tsaca ñati̱, ná taca ji'i̱ ngu' tsiya' ti tyiji̱loo ngu' ji'i̱ ñati̱ 'na, masi cajaa ñati̱ 'na xqui'ya cha' cuxi.
Li' nguxacui̱ Jesús cha' ji'i̱ ngu' bi': ―Ná tyiquee' tiya' la xi ta ma̱ cha' re lo'o na': “Si nu jo'o laca nu'u̱, cua'ni nu'u̱ jo'o ji'i̱ ycui' ca lacua”. Lo'o jua'a̱ ná tyiquee' ñacui̱ ma̱ jna': “Cua ndyuna ya cha' ji'i̱ lcaa cña tonu nu ngua'ni nu'u̱ nde quichi̱ Capernaum bi'”, ñacui̱ ma̱. “La cui' jua'a̱ cua'ni nu'u̱ nde quichi̱ tyi na lacua, cha' ña'a̱ ya xi”, ñacui̱ ma̱ 'na li'.
Lo'o jua'a̱ tyi'u ti' ma̱ ji'i̱ quichi̱ Sodoma lo'o quichi̱ Gomorra lo'o xa' la quichi̱ nu ndi'i̱ cacua ti; ñi'ya̱ ngua'ni ngu' xca̱ bi' cha' cuxi, jua'a̱ lye tsa ngua'ni cuxi nu jyo'o cusu' nu nguti'i̱ quichi̱ bi', hasta nu ngua'ni suba' ngu' lo'o tya'a qui'yu ti ngu'. Cua ndyujuii ycui' Ndyosi ji'i̱ lcaa ngu' quichi̱ bi' lo'o quii' tlyu ji'i̱ Ni li'. Jua'a̱ ca cuayá' ti' lcaa ñati̱ ña'a̱ cha' tlyu nu nchca ji'i̱ ycui' Ndyosi ndu'ni Ni; la cui' lo'o sca quii' tlyu nu ná nga'a̱ cha' tyubi' tsiya' ti, jua'a̱ xcube' Ni ji'i̱ lcaa ñati̱ nu ndu'ni cha' cuxi.
Li' tyanu tyucuaa jyo'o bi' ca su ntsiya ngujuii to' calle quichi̱ tlyu bi', la cui' quichi̱ su ngujui'i̱ ca'a̱ ngu' ji'i̱ ycui' nu Xu'na na lo crusi. Xña'a̱ tsa ngu' quichi̱ bi', bi' cha' ntsu'u sca cha' nu nchcui' ñati̱ ji'i̱, cha' ñi'ya̱ ngua ngu' quichi̱ Sodoma cua sa'ni, la cui' ñi'ya̱ ngua ngu' quichi̱ Egipto cua sa'ni, jua'a̱ laca ngu' quichi̱ tlyu bi' juani.
Li' chaca quiya' ndyu'ú ñati̱ nu cua ngujuii lo hitya tyujo'o, jua'a̱ chaca quiya' ndyu'ú ñati̱ nu ndyalo'o La Muerte ji'i̱, jua'a̱ chaca quiya' ndyu'u xa' la jyo'o ca su nga'a̱ cha' tsaa ngu' lo'o ndyijii ngu'; lcaa ngu' bi' ndu'u ngu' lijya̱ ngu'. Li' ngua cuayá' ji'i̱ lcaa ngu' cuentya ji'i̱ lcaa cña nu ngua'ni ngu' lo'o ya̱a̱ ngu' chalyuu.
Li' na'a̱ na' cha' ndu̱ sca cuayu nu ngatsi ña'a̱. La Muerte naa nu ntucua hichu̱' cuayu bi', cha' bi' laca nu ndyaa ndyujuii ji'i̱ ñati̱; nde chu̱' bi' ngutu'u lca'a̱ tsa tlyu ti cresiya ji'i̱ ngu' jyo'o. Ntsu'u chacuayá' ji'i̱ yu bi', cha' cujuii yu ji'i̱ ña'a̱ tsaca yu'be ñati̱ nu ndi'i̱ chalyuu; lcaa ni'i̱ su ndi'i̱ jacua tya'a ñati̱ ni, cujuii yu ji'i̱ tsaca tya'a ngu' li', masi lo'o caca cha' cusu̱u̱ ji'i̱ ngu', masi lo'o caca jbi'ña ji'i̱ ngu', masi lo'o quicha ngu', masi lo'o cua'ni xña'a̱ na'ni tyaala lo'o ngu'.
ကြော်ငြာတွေ