SAN MATEO 11:20 - Chatino Tataltepec

²⁰ Lo'o li' lye xi nchcui' Jesús cha' ji'i̱ quichi̱ su lu'ba ti ndya'a̱ yu, cha' quiña'a̱ cha' tlyu cua ngua'ni yu slo ngu' ca tyi bi', pana ná ngua tyuju'u ti' ngu' ji'i̱ cha' cuxi nu ntsu'u ne' cresiya ji'i̱ ngu'; ná nguxtyanu ngu' ji'i̱ cha' cuxi bi'.

SAN MATEO 11:20 ပူးပေါင်းရင်းမြစ်များ

APOCALIPSIS 2:21

Cua ntajatya tsa na' ji'i̱ nu cuna'a̱ bi', ni jacua' culochu̱' ji'i̱ cha' cuxi nu ntsu'u ji'i̱; pana ná ntaja'a̱ ma' bi' xtyanu ma' cha' suba' nu ndu'ni ma'.

APOCALIPSIS 16:11

Ña'a̱ ti tya nda ngu' qui'ya ji'i̱ ycui' Ndyosi nu laca loo nde cua̱, cha' nda Ni cha' ti'í bi' ji'i̱ ngu', nda Ni quichu' bi' ntyucua hichu̱' ngu'; pana ná ntaja'a̱ ngu' xtyanu ngu' ji'i̱ cha' cuxi nu ndu'ni ngu'.

APOCALIPSIS 16:9

Tyu̱u̱ tya'a ñati̱ ngua quicha li', cha' nguula tsa tyique' nda bi'. Li' nguxana ngu', lye tsa nxlyú ngu' cha' hichu̱' ycui' Ndyosi, cha' ycui' Ni laca nu ngulo cña cha' ya̱a̱ quicha bi'; pana ná ntaja'a̱ ngu' tsiya' ti culochu̱' ngu' ji'i̱ cha' cuxi nu ntsu'u ji'i̱ ngu', cha' li' cua'ni tlyu ngu' ji'i̱ ycui' Ndyosi.

SANTIAGO 1:5

Si ntsu'u quiya' nu lo'o ná jlo ti' ma̱ tsiya' ti ñi'ya̱ nu cua'ni ma̱, li' tso'o chcui' ma̱ lo'o ycui' Ndyosi, cha' ta Ni sca cha' nu ca'ya hique ma̱ ñi'ya̱ nu cua'ni ma̱ li'. Tso'o tsa cha' xlya'be nda Ni ji'i̱ lcaa ñati̱, cuati ná ndu'ni tyaala Ni ji'na lo'o nda Ni sca cha' tso'o ji'na.

LOS HECHOS 17:20

bilya cuna ya cha' bi', tya lyiji ta ya cuentya ―nacui̱ ngu'―. Bi' cha' juani, ta nu'u̱ cha' lo'o ya ¿ñi'ya̱ ndyu'u cha' bi'?

SAN MARCOS 16:14

Ca ngusi̱i̱ la xi, li' ndyu'u tucua Jesús slo nu tii chaca tya'a ngu' nu ndyaca tsa'a̱ ji'i̱ su nga'a̱ ngu' ndyacu ngu' to' mesa. Lye nchcui' yu lo'o ngu' bi' ni cha' laca ná jlya tso'o ti' ngu', ni cha' laca ndyacu̱' hique ngu'. Lo'o jua'a̱ nchcui' yu lo'o ngu' ni cha' laca ná ndaquiya' ngu' ji'i̱ ngu' tya'a ngu', nu cua na'a̱ ji'i̱ yu clyo lo'o ndyu'ú ca ti yu chaca quiya'.

SAN MARCOS 9:19

―Ná jlya ti' cu'ma̱ tsiya' ti ―nacui̱ Jesús ji'i̱ ngu' bi'―. Cuxi tsa cresiya ji'i̱ ma̱. Nga'aa tso'o tyanu na' slo cu'ma̱, nga'aa talo na' ji'i̱ ma̱ tsiya' ti. Pana ca̱a̱ lo'o ma̱ ji'i̱ nu quicha jua slo na' juani.

SAN MATEO 12:41

Lo'o tyalaa tsa̱ nu cua'ni cuayá' ycui' Ndyosi ji'i̱ lcaa ñati̱, li' sta jyo'o ngu' Nínive qui'ya ji'i̱ cu'ma̱ nu lu'ú chalyuu juani. Cacha' ngu' jyo'o bi' lcaa ña'a̱ cha' nu ndyuna ngu', cha' nu nda jyo'o Jonás lo'o ngu' tyempo bi', cha' li' ngua tyuju'u ti' ngu' ji'i̱ lcaa cha' cuxi nu ngua'ni ngu'; nguxtyanu ngu' ji'i̱ cha' cuxi bi' xqui'ya cha' cua ngusñi ngu' cha' ji'i̱ ycui' Ni. Pana ná stu'ba cha' nu ngulu'u jyo'o Jonás bi' ji'i̱ ngu' sa'ni lo'o cha' nu nclyu'u na' ji'i̱ ma̱ juani; tlyu la cha' ji'i̱ ycui' Ndyosi laca nu nclyu'u na' ji'i̱ ma̱ juani, pana ná nduna cu'ma̱ cha' bi' tsiya' ti.

2 CORINTIOS 12:21

Nu lo'o tyalaa na' chaca quiya' ca slo ma̱ juani ti, si quije cha' jna' cha' jua'a̱ ndu'ni ma̱, ná tyiquee' quiña'a̱ tsa cha' tyuju'u ti' caca 'na cuentya ji'i̱ ycui' Ndyosi nu laca Xu'na na', nu lo'o ña'a̱ na' ji'i̱ cu'ma̱. Xi'ya tsa na' li', ña'a̱ cuayá' xñii hitya cloo na'; xi'ya na' xqui'ya ngu' nu ngua'ni cha' cuxi bi' tya tsubi' la, cha' bilya ca tyuju'u ti' ngu' bi' ji'i̱ cha' suba' nu ngua'ni ngu', cha' ntsu'u tsa cha' cuxi nu ndyu'ni ngu' lo'o tya'a ngu', cha' ná lubii cresiya ji'i̱ ngu' bi' tsiya' ti.