SAN MATEO 10:5 - Chatino Tataltepec

⁵ Ngulo Jesús cña ji'i̱ nu tii tyucuaa tya'a ngu' bi' ndi'ya̱: ―Ná tsaa ma̱ tyucui̱i̱ nde xa' tsu' su ndi'i̱ ngu' nu ná ntsu'u cha' ji'i̱ lo'o ycui' Ndyosi tsiya' ti, ni ná tsaa ma̱ quichi̱ tyi ngu' Samaria ―nacui̱ Jesús ji'i̱ ngu' bi'―.

SAN MATEO 10:5 ပူးပေါင်းရင်းမြစ်များ

SAN MATEO 22:3

Ngulo cña ji'i̱ msu ji'i̱ cha' tsaa ngu', tsaa chcui' ngu' lo'o lcaa ñati̱ nu ntsu'u cha' ji'i̱ lo'o rey, cha' cua ndyalaa tsa̱ nu caca ta'a bi'; pana ná ntaja'a̱ ñati̱ bi' ca̱a̱ ngu' slo rey nu ngua tsa̱ ta'a bi'.

SAN MATEO 4:15

Ntsu'u loyuu su cuentya Zabulón lo'o su cuentya Neftalí ca chaca tsu' sta'a̱ Jordán. Tyeje tacui na loyuu bi', li' tyalaa na to' tyujo'o, cha' loyuu bi' laca Galilea su ndi'i̱ ñati̱ nu si'i ngu' judío laca.

SAN MARCOS 6:7

Lo'o li' ngusi'ya Jesús ji'i̱ nu tii tyucuaa tya'a ngu' nu ndyaca tsa'a̱ ji'i̱ bi', cha' chcui' yu lo'o ngu'. Ngulo yu cña ji'i̱ ngu' bi', cha' tyu'u ngu' tsaa ngu' cuentya latya ti ngu'; stu'ba ti tsaa tucua tya'a ngu' scaa quichi̱. Li' nda Jesús chacuayá' ji'i̱ ngu' cha' culo ngu' ji'i̱ cui'i̱ cuxi nu ntsu'u ji'i̱ ñati̱.

SAN LUCAS 10:1

Nu lo'o cua nteje tacui cha' bi', li' ngusubi Jesús chaca snayala tyii tya'a ngu' cha' tsaa ngu' nde loo ji'i̱ yu; cuentya tucua tya'a ti ngu' tsaa ngu' lcaa se'i̱ lo'o lcaa quichi̱ su nga'a̱ cha' tsaa yu nti' yu.

SAN LUCAS 10:33

Lo'o la cui' tyucui̱i̱ bi' ndya'a̱ sca nu qui'yu ngu' Samaria, sca ngu' xa' chalyuu. Lo'o na'a̱ ji'i̱ yu quicha bi', hora ti ngua tya'na ti' ji'i̱ yu.

SAN LUCAS 17:16

Li' ndyatu̱ sti̱' yu slo Jesús, ndyaa stii yu lo yuu nde loo yu cha' ndya yu xlya'be ji'i̱ Jesús. Ngu' Samaria laca yu bi', ngu' xa' tsu' laca yu.

SAN LUCAS 9:1

Nguxuti'i̱ Jesús ji'i̱ nu tii tyucuaa tya'a ngu' nu ndyaca tsa'a̱ bi', cha' ta yu chacuayá' ji'i̱ ngu' cha' culo ngu' ji'i̱ lcaa lo cui'i̱ cuxi nu ntsu'u ji'i̱ ñati̱, lo'o jua'a̱ cua'ni ngu' jo'o ji'i̱ lcaa lo quicha nu ntsu'u ji'i̱ ñati̱.

SAN LUCAS 9:2

Ngulo yu cña ji'i̱ nu tii tyucuaa tya'a ngu' bi', cha' ta ngu' cha' tso'o ji'i̱ ycui' Ndyosi lo'o ngu' quichi̱ su tsaa ngu', lo'o li' cua'ni ngu' cha' tyaca tso'o ngu' quicha.

SAN JUAN 17:18

Ñi'ya̱ nda nu'u̱ 'na cha' lijya̱a̱ nde chalyuu ―nacui̱ Jesús ji'i̱ ycui' Ndyosi Sti yu―, jua'a̱ cua nda na' ji'i̱ ngu' bi', cha' tsaa ngu' culu'u ngu' cha' jinu'u̱ nde lo tyucui ña'a̱ chalyuu.

SAN JUAN 20:21

Chaca quiya' nchcui' Jesús lo'o ngu' li': ―Ti̱ ti tyi'i̱ tyiquee ma̱, ná culacua tsa ti' ma̱ ―nacui̱ yu ji'i̱ ngu'―. Ñi'ya̱ lo'o nda Sti na' 'na lijya̱a̱ chalyuu, jua'a̱ ta na' ji'i̱ ma̱ cha' tsaa ma̱ tyucui ña'a̱ chalyuu.

SAN JUAN 4:20

Ca'ya cua̱ cua ni, tacati tsa ca'ya cua̱ cua ji'i̱ jyo'o cusu' ji'i̱ ya, cha' nde bi' ti ngua'ni tlyu ngu' jyo'o bi' ji'i̱ ycui' Ndyosi; pana xa' cha' nti' cu'ma̱ ngu' judío, cha' nacui̱ ma̱ cha' ntsu'u cha' cua'ni tlyu na ji'i̱ ycui' Ndyosi sca ti ca ne' laa tlyu ca Jerusalén.

SAN JUAN 4:5

Li' ndyalaa yu quichi̱ Sicar, sca quichi̱ su ndi'i̱ ngu' Samaria. Ndi'i̱ quichi̱ bi' lo yuu nu nda jyo'o Jacob ji'i̱ jyo'o José sñi'.

SAN JUAN 4:9

―Ngu' judío laca nu'u̱ ―nacui̱ nu cuna'a̱ bi'―, lo'o na', ngu' Samaria laca na'. ¿Ni cha' laca ndijña nu'u̱ hitya jna' cha' co'o nu'u̱? ―nacui̱ nu cuna'a̱ bi'. Nacui̱ jua'a̱ cha' ná ntsu'u cha' ji'i̱ ngu' Samaria lo'o ngu' judío tyempo bi'.

SAN JUAN 7:35

―¿Macala tsaa yu jua, su ná taca quije yu ji'na? ―nacui̱ nu ngu' judío bi' ji'i̱ tya'a ngu'―. ¿Ha tsaa yu tyijyu' la ca su ndi'i̱ xa' la ngu' judío tya'a na? ¿Ha tsaa yu cha' culu'u yu cha' ji'i̱ ycui' Ndyosi ji'i̱ xa' ñati̱ nu ndi'i̱ ca bi'? ―nacui̱ ngu'―.

SAN JUAN 8:48

Li' nguxtyacui ngu' judío cha' lo'o Jesús: ―Liñi cha' nu nchcui' ya jinu'u̱ juani, cha' ngu' Samaria laca nu'u̱. Ñi'ya̱ nti' sca nu xña'a̱, jua'a̱ nti' nu'u̱ ―nacui̱ ngu' li'.

LOS HECHOS 1:8

Juani xa' chcui' na' lo'o ma̱, cha' caja ñi'ya̱ cua'ni ma̱ nu lo'o tyanu Xtyi'i ycui' Ndyosi ne' cresiya ji'i̱ ma̱, cha' li' taca chcui' ma̱ cha' tso'o lo'o lcaa ñati̱, nu cha' ji'i̱ ycui' na'. Chcui' ma̱ lo'o ngu' nde quichi̱ Jerusalén, jua'a̱ lo'o ngu' loyuu su cuentya Judea, jua'a̱ lo'o ngu' loyuu cacua ti nu naa Samaria bi'; chcui' ma̱ lo'o ngu' lcaa quichi̱ su ndi'i̱ ngu' chalyuu.

LOS HECHOS 10:45

Ndube tsa ti' ñati̱ ji'i̱ Jesucristo tya'a ndya'a̱ Pedro. Ngu' judío laca ngu' bi', bi' cha' ndube tsa ti' ngu' cha' lo'o ngu' xa' tsu', cua nda ycui' Ndyosi Xtyi'i ycui' Ni cha' tyanu ne' cresiya ji'i̱ ngu'.

LOS HECHOS 8:1

Tso'o tsa ngua ti' nu Saulo bi', cha' cua ndyujuii ngu' ji'i̱ Esteban. La cui' tsa̱ bi' nguxana yu, ti'í tsa nchcube' yu ji'i̱ ngu' nu ntsu'u cha' ji'i̱ lo'o Jesucristo ca quichi̱ Jerusalén. Lya' tsa ti' yu ji'i̱ ngu' bi'; bi' cha' ngusñi ngu' tyucui̱i̱, ndyaa ngu' xa' la quichi̱ nde loyuu su cuentya Judea, lo'o jua'a̱ loyuu su cuentya Samaria. Pana nu tii tyucuaa tya'a ngu' nu ngua tsa'a̱ ji'i̱ Jesucristo tya clyo ni, ndyanu ngu' bi' nde Jerusalén.

1 TESALONICENSES 2:16

Ná nda ngu' judío cuxi bi' chacuayá' ji'i̱ ya cha' chcui' ya cha' ji'i̱ Jesucristo lo'o ngu' xa' tsu', cha' cua'ni lyaá Ni ji'i̱ ngu' xa' tsu' bi' li'; bi' cha' jua'a̱ nchca tlyu la qui'ya nu ntsu'u ji'i̱ ngu' judío cuxi bi', ña'a̱ cuayá' nchca ñasi̱' tsa ycui' Ndyosi ji'i̱ ngu' bi'. Ntsu'u cha' xcube' tsa Ni ji'i̱ ngu' bi' nde loo la.