SAN MATEO 10:18 - Chatino Tataltepec

¹⁸ Ntsu'u ngu' nu tsaa lo'o ji'i̱ ma̱ slo ngu' nu laca loo cha' ñasi̱' ti ngu', hasta tyalaa ma̱ ca slo ycui' rey. Lo'o xcube' ngu' ji'i̱ ma̱ xqui'ya na', li' caja xi tyempo cha' ta ma̱ xi cha' jna' lo'o ngu' bi', masi lo'o ngu' xa' tsu'.

SAN MATEO 10:18 ပူးပေါင်းရင်းမြစ်များ

SAN MATEO 10:17

Pana cua'ni tii ti ti' ma̱ lo'o ñati̱; ná tyiquee' tsaa lo'o ngu' ji'i̱ ma̱ slo ngu' tisiya, masi ná tyaala ma̱ ji'i̱ ngu'. Lo'o jua'a̱ quiji'i̱ ngu' ji'i̱ ma̱ ne' laa ji'i̱ ngu'.

SAN MATEO 10:19

Nu lo'o tsaa lo'o ngu' ji'i̱ ma̱ slo ngu' tisiya ni, ná culacua tsa ti' ma̱ ñi'ya̱ caca cha' nu chcui' ma̱ lo'o ngu' bi', ñi'ya̱ caca xacui̱ ma̱ cha' ji'i̱ ngu' bi'. Cua'ni ycui' Ndyosi cha' quije cha' liñi nu chcui' ma̱ lo'o ngu' bi',

SAN MATEO 8:4

Xa' nchcui' Jesús lo'o yu li': ―Yaa clya nu'u̱ slo sti jo'ó ―nacui̱―. Cajua ta nu'u̱ msta̱ nu nacui̱ jyo'o Moisés cha' ta na ji'i̱ ycui' Ndyosi lo'o ndyaca tso'o na ji'i̱ quicha nu ntsu'u ji'na. Ná cacha' nu'u̱ ji'i̱ xa' ñati̱. Taca ca cuayá' ti' lcaa ñati̱ cha' cua ngua tso'o nu'u̱, nu lo'o cuna ngu' cha' cua ngusñi sti jo'ó msta̱ nu nda nu'u̱.

SAN MARCOS 13:9

’Lo'o cu'ma̱ ni, tii ti ti' ma̱ tyi'i̱ ma̱ li' ―nacui̱ Jesús―. Tejeya' ñati̱ cuxi ji'i̱ ma̱, jua'a̱ sta ngu' qui'ya ji'i̱ ma̱ slo ngu' tisiya; quiji'i̱ ngu' bi' ji'i̱ ma̱, masi ca ne' laa ji'i̱ ngu'. Nga'a̱ cha' tsatu̱ ma̱ slo ngu' gobierno, slo ngu' nu laca loo; cuentya jna' cacha' ma̱ lcaa cha' tso'o jna' ji'i̱ ngu' bi'.

2 TIMOTEO 1:8

Ná ca tyuju'u ti' nu'u̱; ta nu'u̱ cha' lo'o ngu', ñi'ya̱ nu ngusñi nu'u̱ cha' ji'i̱ ycui' nu Xu'na na. La cui' ti ná ca tyuju'u ti' nu'u̱ cha' ntsu'u na' ne' chcua̱. Nchcube' ngu' jna' xqui'ya cha' nchcui' na' cha' ji'i̱ ycui' nu Xu'na na, bi' cha' ná quiña'a̱ tsa culacua ti' nu'u̱ si lo'o jinu'u̱ xcube' ngu' cha' nchcui' nu'u̱ cha' tso'o ji'i̱ Jesucristo lo'o ngu'. Ta ycui' Ndyosi juersa ji'na cha' talo na,

APOCALIPSIS 1:9

Juan laca na', tya'a ntsu'u cha' ji'na lo'o Jesús laca na'. Ñi'ya̱ nu ndyaca ji'i̱ cu'ma̱, la cui' jua'a̱ ndyaca jna', cha' stu'ba ti ndyiji cha' ti'í ji'na cuentya ji'i̱ Jesús; pana jlya ti' na cha' Cristo laca loo ji'na juani, bi' cha' ndalo na ji'i̱ cha' ti'í nu tyacua ji'na. Nde cha' nu ngua 'na lo'o ndi'i̱ na' loyuu su naa Patmos, sca yuu piti ti nu nscua cla'be hitya. Ca bi' ntsu'u na' ne' chcua̱, xqui'ya cha' ná ntsi̱i̱ na' nchcui' na' cha' ji'i̱ ycui' Ndyosi lo'o ñati̱; nchcui' na' lcaa cha' tso'o nu cua nda Jesús lo'o na.

APOCALIPSIS 11:7

Lo'o tye cña nu cua'ni tyucuaa ñati̱ bi' nde chalyuu, li' xana nu na'ni xña'a̱ nu ntsu'u ca tyuquee bi', xu̱u̱ tya'a ni' lo'o tyucuaa ñati̱ nu ndu̱ bi' li'; tyiji̱loo nu bi' ji'i̱ ngu' bi' li', cuati cujuii ji'i̱ ngu'.

APOCALIPSIS 6:9

Lo'o li' nu nchca ca'yu quiya' ngusuu nu ñi'ya̱ ña'a̱ xlya' bi' nguiña' nu nga'a̱ tu'ba quityi bi'. Li' na'a̱ na' sca mesa tlyu nde loo su ntucua ycui' Ndyosi, mesa bi' laca nu tyucua msta̱ lo. Nde ne' mesa bi' ntsiya tyu̱u̱ tya'a ngu' nu ngujuii; cua ndyujuii ñati̱ ji'i̱ ngu' bi' xqui'ya cha' nu nda ycui' Ndyosi lo'o ngu' bi', cha' ná ntsi̱i̱ ngu' bi' nchcui' ngu' cha' bi' lo'o tya'a ñati̱ ngu' li'.