SAN MARCOS 9:9 - Chatino Tataltepec

⁹ Li' ndu'u ngu' ñaa ngu'. Laja lo'o ngua'ya ngu' lo xlya ca'ya, ngulo Jesús cña ji'i̱ ngu' cha' ná cacha' ngu' ji'i̱ xa' ñati̱ ñi'ya̱ ngua cha' nu cua na'a̱ ngu' lo xlya ca'ya. ―Nu lo'o cajaa ycui' na' nu cua nda Ni 'na lijya̱a̱ cha' caca na' ñati̱, lo'o li' tyu'ú na' chaca quiya', li' taca cacha' ma̱ cha' bi' ji'i̱ xa' ñati̱ ―nacui̱ Jesús ji'i̱ ngu' bi'.

SAN MARCOS 9:9 ပူးပေါင်းရင်းမြစ်များ

SAN MATEO 12:19

Ná xu̱u̱ tya'a yu, ni ná xi'ya yu cui̱i̱; ná cañi xtyi'i yu laja calle ti.

SAN MATEO 12:40

Ñi'ya̱ ndyanu nu Jonás bi' nde ne' cualya tonu bi' sna tsa̱ lo'o sna talya, jua'a̱ na' nu cua nda Ni 'na lijya̱a̱ cha' caca na' ñati̱, tyanu na' ne' tyuu sna tsa̱ lo'o sna talya.

SAN MATEO 16:21

Lo'o tyempo bi' nguxana Jesús ngulu'u yu ji'i̱ ngu' cha' ntsu'u cha' tsaa yu nde quichi̱ Jerusalén. Pana ca quichi̱ bi' tyacua cha' ti'í ji'i̱ yu xqui'ya cha' xcube' tsa ngu' cusu' bi' ji'i̱ yu; jua'a̱ sti jo'ó nu laca loo, lo'o mstru cha' jo'ó, lcaa ngu' bi' xcube' ngu' ji'i̱ yu ña'a̱ cuayá' nu cujuii ngu' ji'i̱ yu. Pana tyu'ú yu chaca quiya' tsa̱ nchca tyuna, nacui̱ yu.

SAN MATEO 27:63

Nchcui' ngu' lo'o li': ―Cusu' ―nacui̱ ngu' ji'i̱ nu Pilato bi'―, ntsu'u ti' ya ji'i̱ cha' nu cua nchcui' nu cuiñi bi' lo'o tya lu'ú yu: “Tyu'u scua sna tsa̱, li' tyu'ú na' chaca quiya'”, nacui̱ yu.

SAN MATEO 8:4

Xa' nchcui' Jesús lo'o yu li': ―Yaa clya nu'u̱ slo sti jo'ó ―nacui̱―. Cajua ta nu'u̱ msta̱ nu nacui̱ jyo'o Moisés cha' ta na ji'i̱ ycui' Ndyosi lo'o ndyaca tso'o na ji'i̱ quicha nu ntsu'u ji'na. Ná cacha' nu'u̱ ji'i̱ xa' ñati̱. Taca ca cuayá' ti' lcaa ñati̱ cha' cua ngua tso'o nu'u̱, nu lo'o cuna ngu' cha' cua ngusñi sti jo'ó msta̱ nu nda nu'u̱.

SAN MARCOS 5:43

Lye nchcui' Jesús lo'o ngu' bi', cha' ná chcui' ngu' lo'o xa' ñati̱ ñi'ya̱ ngua cha' ndyaca tso'o nu piti bi'. Li' ngulo yu cña ji'i̱ ngu' cha' ta xi na cacu nu piti bi'.

SAN MARCOS 7:36

Li' ngulo Jesús cña ji'i̱ ngu' cha' ná cacha' ngu' ji'i̱ xa' ñati̱ ñi'ya̱ ngua ji'i̱ nu quicha bi'. Pana ná nduna ngu'; lye la nguañi cha' bi', masi lye ngulo Jesús cña ji'i̱ ngu' cha' ná cacha' ngu' ji'i̱ tya'a ngu'.

SAN MARCOS 9:10

Ndaquiya' ngu' ji'i̱ cha' nu nchcui' yu, masi ndube tsa ti' ngu' ji'i̱ cha' nu nchcui' yu, nu lo'o cua nacui̱ yu cha' tyu'ú ycui' yu chaca quiya' lo'o ngujuii yu.

SAN MARCOS 9:8

Hora ti nguxña'a̱ ngu' su ndu̱ jyo'o bi' tsa̱, pana na'a̱ ngu' cha' nga'aa ndu̱ nu ngu' bi'; sca ti Jesús ndu̱ lo'o nu sna tya'a ngu' nu ndyaca tsa'a̱ ji'i̱.

SAN LUCAS 24:46

Nacui̱ yu ji'i̱ ngu': ―Cua sa'ni nscua cha' cajaa ycui' na' nu laca na' nu Cristo bi', lo'o tsa̱ nchca tyuna lo'o cua ngujuii na', li' nscua cha' tyu'ú na' chaca quiya'.

SAN LUCAS 9:36

Lo'o cua ndyuna ngu' ña'a̱ cha' nu nchcui' ycui' Ndyosi ji'i̱ Jesús, li' na'a̱ ngu' cha' sca ti Jesús ndu̱ bi'. Cuaana tya ndyaa ti'i̱ ngu'; ni sca cha' nga'aa nchcui' ngu' lo'o xa' ñati̱, ñi'ya̱ ngua cha' nu na'a̱ ngu' sii' ca'ya bi'.