SAN MARCOS 9:7 - Chatino Tataltepec

⁷ Lo'o li' ndu'u tucua sca coo nguxi̱i̱ tyucui ña'a̱ hichu̱' ngu' su ndu̱ ngu', li' nguañi nchcui' ycui' Ndyosi lo'o ngu' laja coo bi': ―La cui' yu re laca nu sca ti Sñi' na' ―nacui̱ Ni―, tyaca'a tsa yu 'na. Cua'a̱ jyaca̱ ma̱ ji'i̱ yu re lo'o chcui' yu lo'o ma̱.

SAN MARCOS 9:7 ပူးပေါင်းရင်းမြစ်များ

SAN MATEO 27:43

Ndu̱ ti' yu ji'i̱ ycui' Ndyosi cha' xtyucua Ni ji'i̱ yu, nacui̱ yu. Tso'o la si cua'ni lyaá ycui' Ndyosi ji'i̱ yu juani, si chañi cha' tyaca'a yu ji'i̱ Ni; “Sñi' ycui' Ndyosi laca na'”, ndu'ni yu re.

SAN MATEO 27:54

Lo'o nu sendaru nu nga'a̱ cua̱ ji'i̱ Jesús bi', lo'o nu capitán ji'i̱ sendaru bi', ngulacua tsa ti' ngu' bi' li'; tlyu tsa cha' ndyutsi̱i̱ ti' ngujui ji'i̱ ngu' bi' lo'o na'a̱ ngu' ñi'ya̱ ngua cha' bi', ñi'ya̱ ngua lo'o ngulacui̱ chalyuu. ―Chañi tsa cha' Sñi' ycui' Ndyosi laca jyo'o re ―nacui̱ nu ngu' sendaru bi'.

SAN MATEO 3:17

Li' nguañi nchcui' ycui' Ndyosi ca su ntucua Ni nde cua̱. Ndi'ya̱ nacui̱ Ni: ―Nu nde laca Sñi' na' ―nacui̱ Ni―. Tyaca'a tsa yu 'na, cha' tso'o tsa ntsu'u tyiquee na' ña'a̱ na' ji'i̱ yu.

SAN MARCOS 1:11

Lo'o li' nguañi nchcui' ycui' Ndyosi ca su ntucua Ni nde cua̱. Ndi'ya̱ nacui̱ Ni: ―Nu sca ca Sñi' na' laca nu'u̱, lo'o jua'a̱ ntsu'u tsa tyiquee na' ña'a̱ na' jinu'u̱ ―nacui̱ ycui' Ni ji'i̱ Jesús―. Tyaca'a tsa nu'u̱ 'na ―nacui̱ Ni.

SAN MARCOS 9:6

Ndyutsi̱i̱ tsa Pedro lo'o tya'a ndya'a̱, bi' cha' nga'aa jlo ti' ngu' ñi'ya̱ cha' nu chcui' ngu'.

SAN MARCOS 9:8

Hora ti nguxña'a̱ ngu' su ndu̱ jyo'o bi' tsa̱, pana na'a̱ ngu' cha' nga'aa ndu̱ nu ngu' bi'; sca ti Jesús ndu̱ lo'o nu sna tya'a ngu' nu ndyaca tsa'a̱ ji'i̱.

SAN LUCAS 3:22

Ngua'ya Xtyi'i ycui' Ndyosi su ndu̱ Jesús; ñi'ya̱ nu ndyacui sca tyupe', jua'a̱ ngua'ya Xtyi'i ycui' Ndyosi lo xlya hique Jesús. Li' nguañi nchcui' ycui' Ndyosi nde cua̱: ―Sñi' na', tso'o tsa ntsu'u tyiquee na' ña'a̱ na' jinu'u̱. Tyaca'a tsa nu'u̱ jna' ―nacui̱ ycui' Ndyosi ji'i̱ Jesús.

SAN JUAN 1:34

Ycui' ti na' cua na'a̱ na' ji'i̱ cha' bi'. Chañi cha' nu nchcui' na' lo'o cu'ma̱, cha' yu bi' laca nu sca ti Sñi' ycui' Ndyosi; na cua ngusubi Ni ji'i̱ yu bi'.

SAN JUAN 1:49

―Mstru ―nacui̱ Natanael―, chañi cha' nu'u̱ laca nu sca ti Sñi' ycui' Ndyosi, nu'u̱ laca Rey nu laca loo ji'i̱ ngu' Israel.

SAN JUAN 12:28

Li' nchcui' Jesús lo'o ycui' Ndyosi Sti yu: ―Sti na', tso'o la si caca tlyu ycui' nu'u̱. Li' nguañi nchcui' ycui' Ndyosi nde cua̱. Ndi'ya̱ nchcui' Ni: ―Cua laca ndu'ni tlyu ngu' ji'i̱ ycui' ca na', lo'o jua'a̱ tya caca tlyu la na' chaca quiya' xqui'ya nu'u̱.

SAN JUAN 19:7

Li' nguxacui̱ ngu' judío cha' ji'i̱ Pilato bi': ―Ntsu'u sca cha' ji'i̱ cuare ―nacui̱ ngu'―. Cuentya ji'i̱ ya ntsu'u qui'ya ji'i̱ yu, cha' nacui̱ yu cha' laca yu nu sca ti Sñi' ycui' Ndyosi; xqui'ya cha' bi' ntsu'u cha' cajaa yu.

SAN JUAN 20:31

Cha' nu nscua lo quityi re ni, nscua bi' cha' taca jlya ti' ma̱ cha' Jesús laca Cristo nu cua nda ycui' Ndyosi ji'i̱ lijya̱ chalyuu, cha' taca xñi ma̱ cha' ji'i̱ Jesús, cha' laca yu nu sca ti Sñi' ycui' Ndyosi. Li' caja chalyuu tso'o nu ná nga'a̱ cha' tye ji'i̱ ma̱ chacuayá' ji'i̱ ycui' Jesús.

SAN JUAN 5:18

Bi' cha' chi̱i̱ tsa ntsu'u tyiquee ngu' judío bi' ña'a̱ ngu' ji'i̱ Jesús, ntsu'u tsa ngu' bi' nu nti' cujuii ji'i̱ Jesús li'. Ti'í ti' ngu' bi' ña'a̱ ngu' ji'i̱ yu, cha' ná ndaquiya' yu tsa̱ ta'a ji'i̱ ngu', nacui̱ ngu'. Ná ndiya ti' ngu' tsiya' ti cha' nacui̱ Jesús cha' ycui' Ndyosi laca Sti yu, cha' stu'ba nti' ycui' ca yu lo'o ycui' Ndyosi.

SAN JUAN 5:37

Jua'a̱ ngulu'u liñi Sti na' cha' 'na ji'i̱ ma̱, cha' la cui' Sti na' laca nu cua nda jna' lijya̱a̱. Lo'o cu'ma̱ ni, bilya cuna ma̱ cha' nu nchcui' Ni, bilya ña'a̱ ma̱ ji'i̱ ycui' Ni.

SAN JUAN 6:69

Jlya ti' ya jinu'u̱. Cua jlo ti' ya cha' ycui' Ndyosi laca nu cua ngusubi jinu'u̱, cha' sca ti nu'u̱ nu chañi cha' laca nu'u̱ Sñi' ycui' Ndyosi nu lijya̱ chalyuu.

SAN JUAN 9:35

Li' ngujui cha' ji'i̱ Jesús, ndyuna yu cha' ngulo'o ngu' ji'i̱ nu qui'yu bi' ne' laa. Lo'o ngujyacua Jesús ji'i̱, nchcuane yu ji'i̱ li': ―¿Ha jlya ca ti' nu'u̱ ji'i̱ ycui' nu cua lijya̱ chalyuu cha' caca ñati̱? ―nacui̱ Jesús ji'i̱.

LOS HECHOS 1:9

Lo'o cua ndye nchcui' Jesús cha' bi', laja lo'o na'a̱ ngu' ji'i̱ ndyiqui'ya ycui' Ndyosi ji'i̱ yu ndyaa yu nde cua̱ li'. Ndyacu̱' sca coo hichu̱' yu cha' nga'aa tyaca̱' ña'a̱ ngu' ji'i̱ yu.

LOS HECHOS 7:37

La cui' Moisés ngua nu nchcui' lo'o ngu' bi' ndi'ya̱: “Cua ngulo ycui' Ndyosi cña jna' cha' ta na' cha' ji'i̱ Ni lo'o ma̱, la cui' jua'a̱ culo Ni cña ji'i̱ chaca ngu' tya'a na nde loo la”, nacui̱ nu Moisés bi' ji'i̱ ngu' nu ngua li'.

LOS HECHOS 8:36

Nu lo'o ndyaa ngu' tyucui̱i̱ bi', li' ndyalaa ngu' ca su ntsu'u hitya. Li' nchcui' nu cusu' bi' lo'o Felipe: ―Nde nscua hitya ―nacui̱ yu―. ¿Ha ná cua'ni cha' tso'o ta chacuayá' tyucuatya nu'u̱ jna'?

ROMANOS 1:4

lo'o jua'a̱ laca Jesús nu sca ti Sñi' nu ntsu'u ji'i̱ ycui' Ndyosi. Ndi'ya̱ caca cuayá' tso'o ti' na cha' bi': chacuayá' ji'i̱ ycui' Ndyosi Sti yu ndyu'ú Jesús chaca quiya' lo'o cua ngujuii yu, tlyu tsa cha' ngua'ni Ni li'. Nu lo'o nda ycui' Ndyosi Xtyi'i ycui' Ni ji'i̱ Jesús, nda Ni cha' lo'o na cha' Sñi' ycui' ca Ni laca nu Jesús bi'.

HEBREOS 2:1

Tlyu tsa cha' laca ji'i̱ Jesús juani lacua, bi' cha' nga'a̱ cha' xñi tso'o na lcaa cha' nu cua nchcui' Jesús lo'o na, cha' ná tyu'utsu' na ji'i̱ tyucui̱i̱ liñi nu ngusñi na.

2 PEDRO 1:17

ngua'ni tlyu ycui' Ndyosi Sti Jesús ji'i̱ yu, ndubi tsa ña'a̱ ngua tyucui ña'a̱ loo Jesús lo'o xee ji'i̱ ycui' Ni li'. Masi ná na'a̱ ya ji'i̱ ycui' Ndyosi nu laca loo ji'i̱ lcaa xu'na chalyuu, pana jlo ti' ya cha' nguti'i̱ Ni cacua ti tsa̱ bi', cha' li' ndyuna ya lo'o nchcui' Ni lo'o ngu'. Ndi'ya̱ nacui̱ Ni: “Nu nde laca Sñi' na' nu tyaca'a tsa 'na. Tso'o tsa ntsu'u tyiquee na' ña'a̱ na' ji'i̱ yu”, nacui̱ Ni.

1 JUAN 5:20

Cua jlo ti' na cha' cua ya̱a̱ nu sca ti Sñi' ycui' Ndyosi nde lo yuu chalyuu, lo'o jua'a̱ cua nda bi' chacuayá' cha' caca tyu'u cha' ji'na lo'o ycui' Ndyosi. Chañi cha' stu'ba ntsu'u tyiquee na lo'o ycui' Ndyosi juani, xqui'ya cha' stu'ba ntsu'u tyiquee na lo'o Jesucristo nu laca Sñi' ycui' ca Ni. Chañi cha' ycui' Ndyosi tsiya' ti laca nu Jesús bi', lo'o jua'a̱ chañi cha' ná nga'a̱ cha' tye chalyuu cucui nu ta Ni ji'na.

APOCALIPSIS 1:7

Cui'ya ma̱ cuentya, cha' tya tya̱a̱ Jesucristo nde chalyuu chaca quiya' laja coo. Ña'a̱ lcaa ñati̱ ji'i̱ yu li'; jua'a̱ nu ñati̱ nu liye' tsa ti' ña'a̱ ji'i̱ yu nu ngua tsubi', jua'a̱ nu ñati̱ nu cua ndyojo' chcua̱ ji'i̱ yu, lo'o ngu' bi' ña'a̱ ngu' ji'i̱ yu chaca quiya' li'. Xi'ya ñati̱ tyucui ña'a̱ chalyuu cha' xñi'i̱ ti' ngu' lo'o tya̱a̱ Jesús chaca quiya', cha' cua jlo ti' ngu' cha' ntsu'u qui'ya ji'i̱ ngu'. Jua'a̱ caca cha' bi' lacua.