SAN MARCOS 9:5 - Chatino Tataltepec

⁵ Li' nchcui' Pedro lo'o Jesús: ―Mstru ―nacui̱―, tso'o tsa cha' ndi'i̱ ya ca nde lo'o nu'u̱. Ta nu'u̱ chacuayá' cuiñá ya sna tya'a chcua'ya, tsaca laca su tyi'i̱ ycui' nu'u̱, chaca su tyi'i̱ La Moisés, chaca su tyi'i̱ La Elías ―nacui̱ Pedro ji'i̱ Jesús.

SAN MARCOS 9:5 ပူးပေါင်းရင်းမြစ်များ

SAN MATEO 17:4

Li' nchcui' Pedro lo'o Jesús: ―Xu'na ―nacui̱ Pedro ji'i̱―, tso'o tsa cha' nga'a̱ ya re ―nacui̱―. ¿Ha tso'o nti' nu'u̱ si cuiñá na' sna tya'a chcua'ya? Tsaca laca su tyi'i̱ ycui' nu'u̱, chaca su tyi'i̱ La Moisés, chaca su tyi'i̱ La Elías.

SAN MATEO 23:7

La cui' jua'a̱, si tyacua tya'a ñati̱ lo'o ngu' bi' nde calle, lo'o chcui' ñati̱ bi' lo'o ngu', na cua'ni chi̱ ñati̱ loo nti' ngu' fariseo bi'; jua'a̱ cua nti' ngu' cha' ñacui̱ ñati̱ ji'i̱, cha' mstru laca ngu'. Jua'a̱ nti' ngu' bi'.

SAN MATEO 23:8

’Pana cu'ma̱ ni, ná tso'o si ñacui̱ ngu' ji'i̱ ma̱ cha' mstru laca ma̱; tso'o la si sca ti cha' ntsu'u tyiquee ma̱ lo'o tya'a ma̱, cha' sca ti mstru ntsu'u ji'i̱ ma̱, bi' laca Cristo.

SAN MARCOS 9:4

Laja lo'o na'a̱ ngu', li' ndu'u tucua jyo'o Elías lo'o jyo'o Moisés, ndu̱ jyo'o bi' nchcui' ngu' lo'o Jesús.

SAN MARCOS 9:6

Ndyutsi̱i̱ tsa Pedro lo'o tya'a ndya'a̱, bi' cha' nga'aa jlo ti' ngu' ñi'ya̱ cha' nu chcui' ngu'.

SAN LUCAS 9:33

Nu lo'o cua tyaa ti tyucuaa ngu' bi', li' nacui̱ Pedro ji'i̱ Jesús: ―Xu'na ―nacui̱―, tso'o tsa cha' ndi'i̱ ya nde. Cuiñá ya sna tya'a chcua'ya: tsaca laca su tyi'i̱ ycui' nu'u̱, chaca su tyi'i̱ La Moisés, lo'o chaca su tyi'i̱ La Elías ―nacui̱. Pana nu Pedro bi' ni, ná ngua cuayá' ti' yu ñi'ya̱ ndyu'u cha' nu nchcui' ycui' ca yu.

SAN JUAN 4:31

Laja li' ndu̱ ñati̱ nu ndyaca tsa'a̱ ji'i̱, tya'na nchcui' ngu' lo'o Jesús cha' cacu yu xi tyaja. ―Mstru ―nacui̱ ngu'―, cacu nu'u̱ xi.

FILIPENSES 1:23

Tyucuaa lo cha' nti' na' cha' caca 'na lacua: Nti' tsa na' cha' xtyanu na' ji'i̱ chalyuu re, cha' li' taca tyi'i̱ na' lo'o Cristo, cha' bi' nu tso'o la nti' na';

1 JUAN 3:2

Cu'ma̱ ngu' tya'a na nu tyaca'a tsa ma̱ 'na, nu juani ti laca na sñi' ycui' Ndyosi; pana bilya caja cha' ji'na ñi'ya̱ nu tso'o la ña'a̱ na, nu lo'o tyi'i̱ na lo'o ycui' Ni nde loo la. Ñi'ya̱ laca ycui' Jesucristo, jua'a̱ caca na lo'o culu'u loo Jesucristo ji'na lo'o cua ndye chalyuu re; li' taca ña'a̱ na ji'i̱ Jesucristo ñi'ya̱ nu laca ycui'. Tsa bi' ti cha' nchca cuayá' ti' na juani.