La cui' ti cha', masi ndiya tsa ti' ma̱ sca cha' cuxi nu ña'a̱ ma̱ ji'i̱, nga'a̱ cha' xtyanu ma̱ cha' bi' tsiya' ti, ñi'ya̱ si culo ma̱ ji'i̱ ycui' cloo ma̱ cha' nga'aa taquiya' ma̱ ji'i̱ cha' cuxi bi' tsiya' ti. Tso'o la xana chalyuu nu ná nga'a̱ cha' tye ji'i̱ ma̱, masi ná lo'o cha' cuxi bi' nu tiji̱' tsa ti' ma̱ ji'i̱, cha' li' ná tsaa ma̱ nde ca bilyaa su ná tye tsiya' ti cha' tyaqui̱ quii'.
SAN MARCOS 9:47 - Chatino Tataltepec47 La cui' ti cha', masi ndiya tsa ti' ma̱ sca cha' cuxi nu ña'a̱ ma̱ ji'i̱, nga'a̱ cha' xtyanu ma̱ ji'i̱ cha' bi' tsiya' ti, ñi'ya̱ si na culo ma̱ ji'i̱ ycui' cloo ma̱. Tso'o la si xana chalyuu nu ná nga'a̱ cha' tye ji'i̱ ma̱, masi ná lo'o cha' cuxi bi' nu ndulo tsa ji'i̱ ma̱ nquicha', cha' li' ná tyalaa ma̱ su cuxi tsa ca bilyaa. အခန်းကိုကြည့်ပါ။ |
SAN MARCOS 9:47
14 ပူးပေါင်းရင်းမြစ်များ
Pana quiña'a̱ la cha' chcui' na' lo'o ma̱ juani: masi ca ti'í ti' ngu' ji'i̱ tya'a ñati̱, li' ntsu'u cha' chcube' ngu' bi'; masi na chcui' ti ngu' cha' cuxi ji'i̱ tya'a ñati̱, ntsu'u cha' tsaa ngu' bi' slo ngu' nu laca loo ca Jerusalén, cha' caca cuayá' ji'i̱ ngu' cajua li'. Lo'o jua'a̱ si ñacui̱ ngu' ji'i̱ tya'a ñati̱: “¡Na ple tsa nu'u̱! ¡Na tonto tsa hique nu'u̱!” lo'o ñasi̱' tsa ngu' ji'i̱ tya'a ñati̱, li' nga'a̱ cha' tsaa ngu' bi' ca bilyaa su ná tye cha' tyaqui̱ quii'.
Nga'a̱ cha' xtyanu ma̱ tsiya' ti ji'i̱ sca cha' cuxi nu ndiya tsa ti' ma̱ ji'i̱, masi ndulo tsa cha' bi' ji'i̱ ma̱, nti' ma̱, ñi'ya̱ si laca ya' ma̱. Tso'o la si xana chalyuu nu ná nga'a̱ cha' tye ji'i̱ ma̱, masi ná lo'o cha' cuxi nu ndulo tsa ji'i̱ ma̱ nquicha', cha' li' ná tyalaa ma̱ su cuxi tsa ca bilyaa. Ná ntsu'u cha' tye cha' ndyaqui̱ quii' ca bi', tsa cu' ti ndyaqui̱.
―¿Ha nti' ma̱ tya'a̱ ma̱ lo'o na'? Ná caca ji'i̱ ma̱ xñi ma̱ cha' jna' si lye la ntsu'u tyiquee ma̱ ji'i̱ sti ma̱, masi ji'i̱ xtya'a̱ ma̱, masi ji'i̱ clyo'o ma̱, masi ji'i̱ sñi' ma̱, masi ji'i̱ tya'a ngula ma̱ masi qui'yu masi cuna'a̱; masi lye la ntsu'u tyiquee ma̱ ji'i̱ ycui' ca ti ma̱ cha' ña'a̱si̱i̱ ma̱ ji'i̱ ycui' ca ma̱, ná taca caca ma̱ ñati̱ jna' jua'a̱.
―Ta na' sca cha' liñi lo'o nu'u̱ juani ―nacui̱ Jesús―. Ñati̱ laca nu nclya lo'o ndu'ni cala ñati̱ chalyuu ji'i̱, pana Xtyi'i ycui' Ndyosi laca nu ndu'ni cha' cha'a̱ cresiya ji'i̱ ngu' ―nacui̱ Jesús―. Ntsu'u cha' caca cucui cresiya ji'i̱ ma̱ si cua nti' ma̱ cha' culo ycui' Ndyosi cña ji'i̱ ma̱. Ntsu'u cha' tyu'u ma̱ lo hitya, lo'o jua'a̱ ntsu'u cha' tyanu Xtyi'i ycui' Ndyosi ne' cresiya ji'i̱ ma̱ ―nacui̱ Jesús ji'i̱ Nicodemo―.
ကြော်ငြာတွေ