SAN MARCOS 9:31 - Chatino Tataltepec

³¹ cha' nti' Jesús culu'u la ji'i̱ nu ngu' nu ndyaca tsa'a̱ ji'i̱ laja lo'o ndya'a̱ ycui' ti ngu'. ―Ntsu'u sca ñati̱ nu cujui' cresiya 'na ji'i̱ ngu' tisiya cha' cua'ni cuxi ngu' lo'o na', masi cua nda Ni 'na lijya̱a̱ cha' caca na' ñati̱ ―nacui̱ Jesús ji'i̱ ngu'―. Cujuii ngu' bi' jna' li'. Pana lo'o tyu'u scua sna tsa̱ tya lo'o cua ndyujuii ngu' 'na, li' tyu'ú na' chaca quiya' ―nacui̱ Jesús.

SAN MARCOS 9:31 ပူးပေါင်းရင်းမြစ်များ

SAN MATEO 16:21

Lo'o tyempo bi' nguxana Jesús ngulu'u yu ji'i̱ ngu' cha' ntsu'u cha' tsaa yu nde quichi̱ Jerusalén. Pana ca quichi̱ bi' tyacua cha' ti'í ji'i̱ yu xqui'ya cha' xcube' tsa ngu' cusu' bi' ji'i̱ yu; jua'a̱ sti jo'ó nu laca loo, lo'o mstru cha' jo'ó, lcaa ngu' bi' xcube' ngu' ji'i̱ yu ña'a̱ cuayá' nu cujuii ngu' ji'i̱ yu. Pana tyu'ú yu chaca quiya' tsa̱ nchca tyuna, nacui̱ yu.

SAN MATEO 20:28

Na' nu cua nda Ni 'na lijya̱a̱ cha' caca na' ñati̱, ná lijya̱ na' nde chalyuu cha' caja msu 'na; ycui' na' laca na' msu ji'i̱ ñati̱, bi' cha' lijya̱ na'. Na cua lijya̱ na' cha' cajaa na' cha' cati̱ qui'ya nu ntsu'u ji'i̱ ñati̱, cha' cua'ni lyaá na' ji'i̱ quiña'a̱ tsa ñati̱ li' ―nacui̱ Jesús ji'i̱ ngu'.

SAN MATEO 26:2

―Jlo ti' ma̱ cha' tucua ti tsa̱ lyiji cha' caca ta'a si̱i̱ ji'i̱ ta'a pascua, lo'o li' tejeya' ngu' xña'a̱ jna' nu cua nda Ni 'na lijya̱a̱ cha' caca na' ñati̱. Tyaa lo'o ngu' 'na cha' cujuii ngu' 'na lo crusi li'.

SAN MATEO 27:63

Nchcui' ngu' lo'o li': ―Cusu' ―nacui̱ ngu' ji'i̱ nu Pilato bi'―, ntsu'u ti' ya ji'i̱ cha' nu cua nchcui' nu cuiñi bi' lo'o tya lu'ú yu: “Tyu'u scua sna tsa̱, li' tyu'ú na' chaca quiya'”, nacui̱ yu.

SAN MARCOS 10:34

Li' xtyí lo'o ngu' bi' 'na, tyu'u hitya sañi' ngu' bi' loo na', quiji'i̱ ngu' bi' 'na lo'o reta. Li' cujui'i̱ ca'a̱ ngu' bi' 'na lo crusi cha' cajaa na'. Pana lo'o tyu'u scua sna tsa̱, li' tyu'ú na' chaca quiya'.

SAN MARCOS 8:31

Lo'o li' nguxana Jesús ngulu'u yu ji'i̱ ngu' ndi'ya̱: ―Ntsu'u cha' ca̱a̱ quiña'a̱ tsa cha' ti'í nu caca ji'i̱ ycui' na', masi ycui' Ndyosi cua nda Ni 'na lijya̱a̱ cha' caca na' ñati̱ ―nacui̱ Jesús ji'i̱ ngu'―. Nde loo la chcui' tsa ngu' cuentyu jna'; lo'o nu ngu' cusu', lo'o sti jo'ó nu laca loo, lo'o mstru cha' jo'ó ni, lcaa ngu' bi' chcui' ngu' cha' nu cuiñi laca na'. Lo'o jua'a̱ cujuii ngu' jna' li'; pana lo'o tyu'u scua sna tsa̱, li' tyu'ú na' chaca quiya'.

SAN MARCOS 9:12

―Chañi, ntsu'u cha' ca̱a̱ jyo'o Elías clyo cha' cua'ni cho'o ji'i̱ lcaa na ―nacui̱ Jesús―. Cacha' liñi na' ji'i̱ ma̱ juani cha' cua laca ndyalaa jyo'o Elías bi' nde chalyuu. Lo'o jua'a̱ cua ngua'ni ngu' lo'o yu ñi'ya̱ nu nscua lo quityi cha' caca ji'i̱ ―nacui̱ Jesús ji'i̱ ngu' bi'―. La cui' jua'a̱, cua nscua cha' jna' lo quityi ji'i̱ ycui' Ndyosi, cha' ntsu'u cha' chcube' na' nu cua nda Ni 'na lijya̱a̱ cha' caca na' ñati̱, lo'o jua'a̱ nscua cha' ntsu'u cha' chcui' ngu' cha' suba' jna'.

SAN LUCAS 24:26

¿Ha si'i na cua ntsu'u cha' chcube' nu laca Cristo bi' ñi'ya̱ nu ngua juani? Tiya' la li' tyalaa Cristo su tso'o tsa ña'a̱ su tyucua ycui' li'.

SAN LUCAS 9:44

―Cua'a̱ jyaca̱ ma̱ ji'i̱ cha' re, culacua xi ti' ma̱ ji'i̱: Ntsu'u sca ñati̱ nu cujui' cresiya 'na ji'i̱ ngu' tisiya cha' cua'ni cuxi ngu' lo'o na', masi na' nu cua nda Ni 'na lijya̱a̱ cha' caca na' ñati̱ ―nacui̱ Jesús.

SAN JUAN 10:18

Ná tucui xlyaá cresiya 'na, ycui' ca ti na' ntaja'a̱ na' caja̱a̱ ―nacui̱ Jesús―. Taca cua'ni na' jua'a̱, cha' cua nda ycui' Ndyosi Sti na' chacuayá' cajaa na', lo'o jua'a̱ cua nda Ni chacuayá' cha' tyu'ú na' chaca quiya'.

SAN JUAN 2:19

―Cuityi̱ ma̱ ni'i̱ re ―nacui̱ Jesús―, lo'o li' chu̱' sna tsa̱ xa' cuiñá na' ji'i̱ chaca quiya'.

SAN JUAN 3:14

Lo'o nguti'i̱ jyo'o Moisés nde nati̱' btyi bi' cua sa'ni la, ngusicua̱ yu ji'i̱ sca cuaña chcua̱ nu ndacui chu̱' yaca cha' ña'a̱ ngu' cuaña bi', cha' caca jo'o ji'i̱ quicha nu ntsu'u ji'i̱ ngu' bi' ―nacui̱ Jesús―. Ñi'ya̱ nu ngusicua̱ ji'i̱ cuaña bi', jua'a̱ nga'a̱ cha' sicua̱ ngu' jna' lo crusi, na' nu lijya̱a̱ cha' caca na' ñati̱.

2 TIMOTEO 2:12

Si talo na lo'o xcube' ngu' ji'na xqui'ya cha' ji'i̱ Ni, li' caja su tyi'i̱ na lo'o ycui' Jesús ca su laca Ni loo ca bi'. Si ñacui̱ na cha' ná ntsu'u cha' ji'na lo'o Jesucristo, jua'a̱ ycui' Ni, ñacui̱ Ni cha' ná ntsu'u cha' ji'i̱ Ni lo'o na.