SAN MARCOS 9:3 - Chatino Tataltepec

³ Na'a̱ ngu' cha' ndubi tsa ña'a̱ ste' Jesús, ngati̱ tsa ña'a̱. Ná nchca ji'i̱ sca ñati̱ chalyuu qui'í̱ ji'i̱ ste' ngu' jua'a̱, masi jlo tsa ti' ngu' ñi'ya̱ nu tyaati̱ late' ji'i̱ ngu'.

SAN MARCOS 9:3 ပူးပေါင်းရင်းမြစ်များ

SAN MATEO 28:3

Ñi'ya̱ ndubi xee tyi'yu, jua'a̱ ña'a̱ loo xca̱ bi', lo'o jua'a̱ ngati̱ tsa ste' yu ñi'ya̱ nu ngati̱ tlya'.

SAN MARCOS 9:4

Laja lo'o na'a̱ ngu', li' ndu'u tucua jyo'o Elías lo'o jyo'o Moisés, ndu̱ jyo'o bi' nchcui' ngu' lo'o Jesús.

SAN LUCAS 9:29

Nu lo'o ndu̱ Jesús nchcui' lo'o ycui' Ndyosi Sti yu, li' hora ti ngutsa'a̱ ña'a̱ tyucui ña'a̱ loo Jesús; ñi'ya̱ ña'a̱ sca xee nu ngati̱ tsa, jua'a̱ ngati̱ tsa ña'a̱ ste' yu.

LOS HECHOS 10:30

Nguxacui̱ Cornelio cha' ji'i̱ Pedro li': ―Cua ngua jacua tsa̱ nchcui' na' lo'o ycui' Ndyosi su nga'a̱ na' ni'i̱ re ―nacui̱ ji'i̱ Pedro―, lo'o hora ti ndyalaa sca ñati̱ slo na' nu lacu' late' ngati̱, hasta ntyiji'i̱ xee ndubi lo late' bi'. Hora cua sna nde ngusi̱i̱ ndyalaa yu bi', nu lo'o bilya cacu na' li'.

APOCALIPSIS 19:18

Cua̱a̱ clya ma̱ cha' cacu ma̱ cuaña' lcaa jyo'o ñati̱, masi rey, masi capitán, masi sendaru, masi cuaña' cuayu, masi cuaña' ñati̱ nu cua ntyucua hichu̱' ni' bi'; lo'o jua'a̱ cuaña' lcaa lo ñati̱, masi msu nu ngüi'ya ñati̱ ti, masi msu nu nguti'i̱ tso'o ti, masi ngu' cusu', masi ngu' cuañi', cua̱a̱ clya ma̱ cha' cacu ma̱ ji'i̱.

APOCALIPSIS 7:14

―Ná jlo ti' na', Cusu'. Culu'u nu'u̱ xi jna' ―ni na' ji'i̱. Nchcui' nu cusu' lo'o na' li': ―Cua nteje tacui ca ti cha' lye tsa nchcube' ñati̱ bi', xqui'ya cha' ngusñi ngu' cha' ji'i̱ Jesús ―nacui̱ nu cusu' jna'―. Cua laca lacu' ngu' late' ngati̱; cua ngua lubii ne' cresiya ji'i̱ ngu' laca cha' bi', xqui'ya cha' cua ngujuii nu ñi'ya̱ ña'a̱ xlya' bi' lo crusi cuentya ji'i̱ ngu'.

APOCALIPSIS 7:9

Tiya' la li' na'a̱ na' ndu̱ tsa tlyu ti ñati̱ nu cua ngua'ni lyaá Jesús ji'i̱; quiña'a̱ tsa ñati̱ nga'a̱, bi' cha' ná tucui ngua ji'i̱ culacua ji'i̱ ñati̱ bi'. Tyucui ña'a̱ chalyuu mala su ndi'i̱ ñati̱ ngutu'u ngu' ya̱a̱ ngu'; lcaa lo ñati̱ chalyuu ya̱a̱, cha' cua ña'a̱ ca quichi̱ tyi ngu' ngutu'u ngu', cua ña'a̱ ca lo cha'cña nu nchcui' ñati̱ chalyuu nchcui' ngu' bi'. Ndyatu̱ ngu' nde loo su ntucua yaca xlya tlyu, nde loo su ndu̱ nu ñi'ya̱ ña'a̱ xlya' bi'. Late' ngati̱ lacu' ngu', ntucua laca' nguiña ya' ngu' ndu̱ ngu'.