SAN MARCOS 9:29 - Chatino Tataltepec

²⁹ ―Sca lo ti cui'i̱ cuxi laca bi' ―nacui̱ Jesús―. Ná nchca ji'i̱ ma̱ culo ma̱ ji'i̱ sca cui'i̱ jua'a̱, si ná jña ma̱ chacuayá' ji'i̱ ycui' Ndyosi cha' caca.

SAN MARCOS 9:29 ပူးပေါင်းရင်းမြစ်များ

SAN MATEO 12:45

Hora ti tsaa cui'i̱ chaca quiya' tsaana ji'i̱ tya tyacati tya'a cui'i̱ nu xña'a̱ la, cha' stu'ba ti xñi lcaa cui'i̱ bi' ji'i̱ ñati̱ bi', cha' caja su tyi'i̱ cui'i̱ bi' lo'o ñati̱ nti'. Ca cuxi la cha' ji'i̱ ñati̱ bi' li', cha' quiña'a̱ la cui'i̱ xñi ji'i̱ li'. La cui' jua'a̱ cuxi la caca cha' ji'i̱ ñati̱ nu ndi'i̱ nde chalyuu juani, cha' xña'a̱ tsa ngu'.

SAN MATEO 17:20

Li' nguxacui̱ Jesús cha' ji'i̱ ngu' bi': ―Xti ti cha' jlya ti' ma̱ ji'i̱ ycui' Ni, bi' cha' ná ngua ji'i̱ ma̱ ―nacui̱ Jesús ji'i̱ ngu' bi'―. Cha' liñi nchcui' na' lo'o ma̱ juani, cha' si chañi ca cha' jlya ti' ma̱ cha' ji'i̱ ycui' Ndyosi, masi tsa lo cua sca si'yu cuxee ti nu piti tsa, si jua'a̱ ti jlya ti' ma̱ cha' ji'i̱ Ni, li' taca chcui' ma̱ lo'o ca'ya cua̱ nde: “Tyu'utsu' nu'u̱ tyaa nu'u̱ chaca se'i̱ cajua la”, ñacui̱ ma̱ ji'i̱. Lo'o li' taquiya' ca'ya bi' cha' nu nchcui' ma̱ lo'o, tyu'utsu' ca'ya bi' tsaa chaca se'i̱ li'. Ná ntsu'u cha' nu ná caca cua'ni ma̱ si chañi ca cha' jlya ti' ma̱ 'na.

SAN MATEO 17:21

Lo'o jua'a̱ cha' culo ma̱ ji'i̱ cui'i̱ cuxi bi' ni, ná ca culo ma̱ ji'i̱ cui'i̱ bi' si ná cua'a ma̱ xi ji'i̱ ycui' ca ma̱; tso'o si ná cacu ma̱ tyaja laja lo'o chcui' ma̱ lo'o ycui' Ndyosi cuentya ji'i̱ nu quicha bi'. Jua'a̱ cua'ni ma̱ ña'a̱ cuayá' nu tyu'u cui'i̱ bi' tyaa.

SAN MARCOS 9:28

Lo'o li' ndu'u Jesús ndyaa yu nde ne' ni'i̱. Li' nchcui' nu ngu' nu ndyaca tsa'a̱ ji'i̱ lo'o yu su ntucua ycui' ti ngu': ―¿Ni cha' ná ngua ji'i̱ ya culo ya ji'i̱ cui'i̱ nu ntsu'u ji'i̱ nu quicha bi'? ―nacui̱ ngu' ji'i̱ Jesús.

SAN MARCOS 9:30

Lo'o li' ndu'u ngu' bi' quichi̱ bi', nteje tacui ngu' tyu̱u̱ tya'a quichi̱ loyuu su cuentya Galilea bi'. Ná nti' Jesús cha' caja cha' ji'i̱ ngu' quichi̱ bi', cha' nteje tacui ycui' yu lo'o ngu' nu ndyaca tsa'a̱ ji'i̱ yu,

SAN LUCAS 11:26

Hora ti tsaa cui'i̱ chaca quiya', tsaana ji'i̱ chaca cati tya'a cui'i̱ cuxi nu xña'a̱ la, cha' stu'ba ti xñi lcaa cui'i̱ bi' ji'i̱ ñati̱ bi'; caja su tyi'i̱ cui'i̱ bi' lo'o ñati̱ bi' nti'. Caca cuxi la cha' ji'i̱ ñati̱ bi' li', cha' quiña'a̱ la cui'i̱ xñi ji'i̱ yu li'.

LOS HECHOS 14:23

Lo'o jua'a̱ ngusubi Pablo lo'o Bernabé ji'i̱ ñati̱ cha' caca ngu' loo ji'i̱ scaa taju ñati̱ ji'i̱ Jesucristo nu ndi'i̱ scaa quichi̱ tyi ngu'; ngua'ni Pablo lo'o Bernabé cña bi' lcaa quichi̱ su ndyaa ngu'. Tyu̱u̱ hora ná ndyacu ngu' tyaja tsa̱ nu lo'o nchcui' ngu' lo'o ycui' Ndyosi cha' subi ngu' ji'i̱ ñati̱ nu caca loo ji'i̱ taju tya'a ngu'. Ndijña ngu' ji'i̱ ycui' nu Xu'na na cha' cua'a Ni ji'i̱ ngu' bi', cha' ná caca cuxi ji'i̱ ngu', cha' tso'o tsa ngusñi lcaa ñati̱ bi' cha' ji'i̱ ycui' Ni.

1 CORINTIOS 9:27

Nchcube' na' ji'i̱ ycui' ca na', cha' talo chalyuu 'na, cha' ná xtyanu ti'i̱ Ni 'na tsiya' ti. Quiña'a̱ tsa cha' cua ngulu'u na' ji'i̱ xa' ñati̱ cuentya ji'i̱ ycui' Ni, lo'o jua'a̱ ntsu'u cha' taquiya' ycui' na' ji'i̱ cha' bi'.

2 CORINTIOS 11:27

Tucui tsa cña nu ndyacua 'na, ti'í tsa cña ndyacua 'na ca su ndya'a̱ na', ña'a̱ cuaya' tyu̱u̱ tsa quiya' ná ngua caja' na'; ntsu'u quiya' ntyute' na', jua'a̱ ntsu'u quiya' nguityi na' hitya, lo'o jua'a̱ ntsu'u tsa̱ nu ná ngujui tsiya' ti na cacu na', ntsu'u tsa̱ lo'o lye tsa nchca tlya' na', la cui' jua'a̱ ná ngujui late' cacu' na'. Lcaa cha' bi' ndyacua 'na ca su ndya'a̱ na'.

2 CORINTIOS 12:8

Cua ndya'a sna quiya' nchcui' na' lo'o ycui' Ndyosi; tya'na tsa nchcui' na' lo'o Ni cuentya ji'i̱ quicha bi' cha' tyu'utsu' bi' jna'.

2 CORINTIOS 6:5

Cua ngujui'i̱ juata ngu' ji'i̱ ya, jua'a̱ cua ngusu'ba ngu' ji'i̱ ya ne' chcua̱; cua ndyu'u ti'i̱ tsa tlyu ti ñati̱ ca slo ya cha' cua'ni lya' ti' ngu' ji'i̱ ya; lo'o jua'a̱ ntsu'u quiya' nteje tacui ya cuayá' cña nu ndyu'ni ya, ntsu'u quiya' ná nchca caja' ya, ntsu'u quiya' nu lye tsa ntyute' ya.

EFESIOS 6:18

Chcui' ma̱ lo'o ycui' Ndyosi nu lo'o nxu̱u̱ tya'a ma̱ lo'o nu cuxi, cha' jña ma̱ chacuayá' ji'i̱ Ni; lcaa tyempo xtyucua Xtyi'i ycui' Ndyosi ji'i̱ ma̱ cha' taca chcui' ma̱ lo'o Ni. Lo'o jua'a̱ chcui' ma̱ lo'o Ni cuentya ji'i̱ lcaa ñati̱ nu cua ngusñi cha' ji'i̱ Ni. Bi' cha' lacua, tii ti ti' ma̱ chcui' ma̱ lo'o Ni, cha' ná ca taja ti' ma̱.

SANTIAGO 5:15

Tyaca tso'o nu ñati̱ quicha bi' li', xqui'ya cha' jlya ti' ma̱ cha' nu cua nchcui' ma̱ lo'o ycui' Ndyosi; tya ta Ni chalyuu ji'i̱ nu quicha bi' chaca quiya', lo'o jua'a̱ cui'ya Ni cha' clyu ti' ji'i̱ yu ji'i̱ qui'ya nu ntsu'u ji'i̱ yu.