SAN MARCOS 9:27 - Chatino Tataltepec

²⁷ Li' ngusñi Jesús ya' nu quicha bi', nguxatu̱u̱ Jesús ji'i̱. Ndatu̱ nu quicha bi', cha' ngua tso'o hora ti.

SAN MARCOS 9:27 ပူးပေါင်းရင်းမြစ်များ

SAN MATEO 9:25

pana ngulo'o Jesús ji'i̱ ngu' cha' caja su tyatí̱ ycui' yu ne' ni'i̱ ca slo nu piti bi'. Li' ngusñi yu ya' nu piti bi', ndaca'a̱ nu piti li'.

SAN MARCOS 1:31

Li' ndyaa Jesús slo nu quicha bi', ngusñi yu ya' ma' cha' xtyucua yu ji'i̱ ma' tyatu̱ ma'. Hora ti ndyu'u tyique' ji'i̱ ma' bi'. Lo'o ti nguxana ma' ngua'ni cho'o xi scuaa cacu ngu' li'.

SAN MARCOS 1:41

Ngua tya'na ti' Jesús ji'i̱ nu quicha bi' li', ndyala' yu cuaña' yu quicha bi' su ngutsu'. ―Tyaja'a̱ na', cua'ni na' jo'o jinu'u̱ ―nacui̱ Jesús ji'i̱ yu quicha bi'―. Tyanu lubii cuaña' nu'u̱ juani.

SAN MARCOS 5:41

Li' ngusñi Jesús ya' nu piti bi': ―Talita, cumi ―nacui̱ Jesús ji'i̱, cha'cña ji'i̱ ngu' bi'. (Ndi'ya̱ ndyu'u cha' bi': Mbixu̱', nde cha' chcui' na' lo'o nu'u̱ juani: Tyatu̱ nu'u̱.)

SAN MARCOS 8:23

Bi' cha' ndaya' Jesús ya' nu cuityi̱', ndyaa lo'o yu ji'i̱ ca to' quichi̱. Ngutu'u hitya sañi' Jesús cloo nu quicha, ngusta ya' yu cloo nu cuityi̱' bi' li'. ―¿Ha cua ña'a̱ nu'u̱ sca na? ―nacui̱ Jesús ji'i̱ nu quicha.

SAN MARCOS 9:26

Ngua'ni bi' cha' cui̱i̱ ngusi'ya nu quicha, xa' lye tsa nguxalú cui'i̱ ji'i̱ nu quicha bi' lo'o ndu'u cui'i̱ ji'i̱ li'. Nclyú nu quicha bi', ntsiya nguliji ti'. Cua quiña'a̱ tsa ngu' na'a̱ ji'i̱. ―Cua ngujuii yu ―nacui̱ ngu' li'.

SAN MARCOS 9:28

Lo'o li' ndu'u Jesús ndyaa yu nde ne' ni'i̱. Li' nchcui' nu ngu' nu ndyaca tsa'a̱ ji'i̱ lo'o yu su ntucua ycui' ti ngu': ―¿Ni cha' ná ngua ji'i̱ ya culo ya ji'i̱ cui'i̱ nu ntsu'u ji'i̱ nu quicha bi'? ―nacui̱ ngu' ji'i̱ Jesús.

LOS HECHOS 23:19

Ntejeya' xu'na sendaru ya' yu cuañi' bi' li', ndyaa lo'o ji'i̱ su ná cuna xa' ñati̱ cha' nu chcui': ―¿Ha ntsu'u sca cha' nu nti' nu'u̱ chcui' lo'o na'? ―nacui̱ xu'na sendaru ji'i̱ yu cuañi' bi' li'.

LOS HECHOS 3:7

Li' ngusñi Pedro ya' yu tsu' cui̱ cha' xatu̱ ji'i̱ yu li'. Hora ti ngua tso'o quiya' yu, lo'o yane quiya' yu ngua tso'o.

LOS HECHOS 9:41

Ngusñi Pedro ya' ma', nguxatu̱ yu ji'i̱ ma'; li' ngusi'ya yu ji'i̱ ngu' nu ndi'i̱ nde liya'. Hora ti ñaa nu ñati̱ ji'i̱ Jesucristo bi' nde ni'i̱ lo'o lcaa nu cuna'a̱ ti'i bi', na'a̱ ngu' ji'i̱ Tabita cha' cua ndyu'ú ma' chaca quiya'.