SAN MARCOS 9:25 - Chatino Tataltepec

²⁵ Lo'o na'a̱ Jesús cha' quiña'a̱ la ñati̱ cua tyu'u ti'i̱ ti ngu' slo, li' ngulo yu cña ji'i̱ cui'i̱ cuxi bi': ―Cui'i̱ cuxi nu'u̱ ni, la cui' nu'u̱ laca nu ngua'ni cu'u̱ ji'i̱ nu quicha re ―nacui̱ Jesús―. Culo na' cña jinu'u̱ juani cha' tyu'u nu'u̱ ji'i̱ yu cuañi' re. Nga'aa xlyú nu'u̱ ji'i̱ yu tsiya' ti ―nacui̱ Jesús ji'i̱ cui'i̱ cuxi.

SAN MARCOS 9:25 ပူးပေါင်းရင်းမြစ်များ

SAN MATEO 12:22

Lo'o li' ndyaa lo'o ngu' ji'i̱ chaca nu quicha slo Jesús; cua ngusñi cui'i̱ xña'a̱ ji'i̱, bi' cha' ngua cu'u̱ tu'ba yu, jua'a̱ ngua cuityi̱' yu. Hora ti ngua'ni Jesús jo'o ji'i̱ nu quicha bi', cha' xa' nchcui' yu, xa' nda Jesús xee ndyu'u cloo yu.

SAN MATEO 17:18

Li' ngulo Jesús cña ji'i̱ cui'i̱ cuxi bi', cha' tyu'utsu' tsiya' ti ji'i̱ nu quicha bi'.

SAN MARCOS 9:15

Ndube tsa ti' nu ngu' quiña'a̱ lo'o na'a̱ ngu' ji'i̱ Jesús lijya̱. Nxna ngu' slo yu cha' chcui' ngu' lo'o yu li'.

SAN MARCOS 9:24

Hora ti nchcui' sti nu quicha bi' li': ―Jlya ti' na' jinu'u̱ ―nacui̱―, xtyucua nu'u̱ 'na cha' jlya la ti' na' jinu'u̱ hora nu lo'o nga'aa jlya tso'o ti' na' ―nacui̱ ji'i̱ Jesús.

SAN MARCOS 9:26

Ngua'ni bi' cha' cui̱i̱ ngusi'ya nu quicha, xa' lye tsa nguxalú cui'i̱ ji'i̱ nu quicha bi' lo'o ndu'u cui'i̱ ji'i̱ li'. Nclyú nu quicha bi', ntsiya nguliji ti'. Cua quiña'a̱ tsa ngu' na'a̱ ji'i̱. ―Cua ngujuii yu ―nacui̱ ngu' li'.

SAN LUCAS 11:14

Ntsu'u sca nu qui'yu nu ngua cu'u̱ cha' cua ngusñi sca cui'i̱ cuxi ji'i̱ yu, pana ngulo Jesús ji'i̱ cui'i̱ cuxi nu ngusñi ji'i̱ yu, ndyaa bi' li'. Nu lo'o ngutu'u cui'i̱ nu ntsu'u ji'i̱ nu qui'yu cu'u̱ bi', ngua ji'i̱ yu nchcui' yu li'. Ndube tsa ti' ñati̱ lo'o na'a̱ ngu' cha' bi'.

SAN LUCAS 4:35

Ngua'a Jesús cha' ji'i̱ nu quicha li'; ngulo yu cña ji'i̱ cui'i̱ cuxi bi', cha' nga'aa cua'ni cuxi lo'o yu quicha bi'. ―Chca'a̱ ti̱ nu'u̱ ―nacui̱ Jesús―. Nga'aa cua'ni xña'a̱ cui'i̱ lo'o nu'u̱. Li' nguxlyú nu cui'i̱ cuxi bi' ji'i̱ yu quicha nde loo su ndi'i̱ ngu' quiña'a̱ bi'. Lo'o li' ndu'u nu cui'i̱ cuxi bi' ndyaa, nga'aa ngua'ni cuxi lo'o nu quicha bi' li'.

SAN LUCAS 4:41

Lo'o jua'a̱ ngutu'u cui'i̱ cuxi ji'i̱ tyu̱u̱ tya'a ngu' quicha bi' li'. Ndu'u si'ya cui'i̱ bi' lo'o ndu'u ji'i̱ ngu': ―Sca ti nu'u̱ laca Sñi' ycui' Ndyosi ―nacui̱ cui'i̱ bi' ji'i̱ Jesús. Li' ngua'a Jesús chacuayá' ji'i̱ cui'i̱ cuxi cha' nga'aa chcui' bi' tsiya' ti. Cua ndyuloo cui'i̱ bi' ji'i̱ Jesús, cha' la cui' Cristo nu cua nda ycui' Ndyosi ji'i̱ lijya̱ chalyuu laca yu bi'.

SAN LUCAS 8:29

Jua'a̱ nacui̱ yu cha' cua ngulo Jesús cña ji'i̱ cui'i̱ xña'a̱ bi', cha' nga'aa xñi cui'i̱ bi' ji'i̱ yu. Tya tsubi' la quiña'a̱ quiya' cua nguxalú cui'i̱ bi' ji'i̱ yu; bi' cha' nguti'i̱ ngu' cua̱ ji'i̱ yu, ndyaaca̱' ya' yu, ndyaaca̱' quiya' yu lo'o cadena chcua̱. Pana ná ngüi'ya yu cuentya ji'i̱ cadena bi', yala ti ngusi'yu cu' chcua̱ bi'. Li' ngujolaqui cui'i̱ xña'a̱ bi' ji'i̱ yu, ngusna yu ca ne' quixi̱' su ná ndi'i̱ ñati̱.

SAN LUCAS 9:42

Pana nu lo'o ñaa nu quicha bi' cacua la, li' nguxlyú cui'i̱ cuxi bi' ji'i̱ yu quicha bi' nde lo yuu, lo'o li' lye tsa nguxalú cui'i̱ ji'i̱ yu. Li' ngulo Jesús cña ji'i̱ cui'i̱ cuxi nu ntsu'u ji'i̱ yu cha' tyu'u bi' tyaa, cua ndyaca tso'o yu quicha bi' li'. Cuati nacui̱ ji'i̱ sti yu cha' ca̱a̱ qui'ya ji'i̱ sñi', lo'o li' ndya Jesús ji'i̱ yu nu ngua quicha bi' ji'i̱ sti yu chaca quiya'.

LOS HECHOS 16:18

Tyu̱u̱ tsa̱ lca'a̱ nu cuna'a̱ bi' ji'i̱ ya, lo'o la cui' jua'a̱ nxi'ya tsa. Li' nga'aa ndiya ti' Pablo cha' nxi'ya cho'. Nguxtyacui yu nde chu̱' yu tyucui̱i̱ su ndyaa yu, nchcui' yu lo'o nu cuna'a̱ quicha bi' cha' ji'i̱ cui'i̱ nu ngusñi ji'i̱ cho', cha' tyu'u cui'i̱ bi' tyaa li': ―Chacuayá' ji'i̱ Jesucristo nchcui' na' ―nacui̱ Pablo ji'i̱. ―Tyu'u cui'i̱ nu ntsu'u laja cuaña' nu'u̱ juani, tyaa nde liya'. Hora ti ngutu'u cui'i̱ bi' ndyaa li'. Ngua tso'o nu cuna'a̱ bi' li'.

JUDAS 1:9

Pana si'i jua'a̱ ngua'ni Miguel nu laca loo ji'i̱ xca̱ ji'i̱ ycui' Ndyosi; nu lo'o ngusu̱u̱ tya'a nu Miguel bi' lo'o nu xña'a̱ xqui'ya jyo'o Moisés, ná nchcui' ni sca cha' cuxi lo'o nu xña'a̱ bi'. Ndi'ya̱ ti nchcui' lo'o: “Ycui' nu Xu'na na' ntsu'u cha' cua'a jinu'u̱”, nacui̱ Miguel ji'i̱ nu xña'a̱ bi' li'.