SAN MARCOS 9:22 - Chatino Tataltepec

²² Tyu̱u̱ tsa quiya' cua nguxlyú bi' ji'i̱ yu lo quii', nguxtyú ji'i̱ yu lo hitya cha' ngua ti' cui'i̱ cha' cujuii ji'i̱ yu. Cua'ni tya'na ti' nu'u̱ ji'i̱ ya, cua'ni nu'u̱ sca cha' tso'o, cua'ni nu'u̱ jo'o ji'i̱ yu si nchca jinu'u̱ ―nacui̱ sti nu quicha bi' ji'i̱ Jesús.

SAN MARCOS 9:22 ပူးပေါင်းရင်းမြစ်များ

SAN MATEO 14:31

Hora ti ngusñi Jesús ya' Pedro. ―Xti tsa tyempo ndalo nu'u̱ cha' jlya ti' nu'u̱ 'na ―nacui̱ Jesús ji'i̱ Pedro bi'―. ¿Ni cha' ná jlya tso'o ti' 'na?

SAN MATEO 17:15

―Cua'ni tya'na ti' nu'u̱ ji'i̱ sñi' na', cusu' ―nacui̱ yu bi' ji'i̱ Jesús―. Quicha tsa ti' sñi' na' cha' lu'ba tsa nxalú cui'i̱ cuxi ji'i̱ yu; ndu'ni cui'i̱ bi', cha' lu'ba tsa nclyú yu lo quii', lu'ba ti nxtyú ji'i̱ yu lo hitya.

SAN MATEO 20:34

Tya'na tsa ti' Jesús ña'a̱ yu ji'i̱ ngu' bi'. Ngusta sne ya' yu chu̱' si'yu cloo ngu' bi' li', lo'o hora ti tyaca̱' tso'o xee loo ngu', ña'a̱ ngu' chaca quiya'. Li' ndu'u ngu' bi' ndyaa ngu', nguta'a̱ ngu' bi' lo'o Jesús.

SAN MATEO 8:2

Lo'o li' ndu'u tucua sca nu quicha slo. Ndyatu̱ sti̱' yu slo ycui' Jesús, cha' nti' yu cuane yu ji'i̱ Jesús cha' cua'ni jo'o ji'i̱ yu, cha' ngusñi quicha ndyatsu' cuaña' ji'i̱ yu bi'. ―Xu'na ―nacui̱ nu quicha bi' ji'i̱ Jesús―, cua'ni jo'o 'na. Jlo ti' na' cha' nchca jinu'u̱ cua'ni nu'u̱ cha' caca lubii cuaña' na'.

SAN MATEO 9:28

Lo'o cua ndyalaa Jesús ndyatí̱ ni'i̱ ji'i̱, lo'o nu ngu' cuityi̱' bi' lijya̱ ngu' cacua la slo yu. Nchcui' Jesús lo'o ngu' bi' li': ―¿Ha jlya ti' ma̱ cha' caca jna' cua'ni na' cha' tyaca tso'o ma̱? ―nacui̱ yu ji'i̱ ngu'. ―Jlya ti' ya, cusu' ―nacui̱ nu ngu' cuityi̱' bi' ji'i̱.

SAN MARCOS 5:19

Pana ná nda Jesús chacuayá' ji'i̱. ―Xa' xtyu̱u̱ nu'u̱ tyaa nu'u̱ to' tyi ―nacui̱ Jesús ji'i̱―. Ta nu'u̱ cha' lo'o lcaa ngu' tya'a nu'u̱ ñi'ya̱ ngua cha' tlyu nu ngua'ni ycui' Ndyosi nu Xu'na na cha' ngua'ni Ni cha' ndyaca tso'o nu'u̱, cha' ngua'ni tya'na tsa ti' ycui' Ni jinu'u̱.

SAN MARCOS 9:21

Nchcuane Jesús ji'i̱ sti nu quicha li': ―¿Ni jacua' nguxana quicha bi'? ―nacui̱ Jesús. ―Tya lo'o cuañi' yu, tya li' ngusñi quicha bi' ji'i̱ yu ―nacui̱ sti nu quicha bi'―.

SAN MARCOS 9:23

―¿Ni cha' laca nacui̱ nu'u̱ 'na jua'a̱, si nchca 'na? ―nacui̱ Jesús ji'i̱―. Lcaa lo cña nchca ji'i̱ sca ñati̱ nu jlya ti' ji'i̱ ycui' Ndyosi ―nacui̱.

SAN LUCAS 7:13

Lo'o na'a̱ Jesús nu Xu'na na ji'i̱ jyo'o bi', ngua tya'na ti' yu ji'i̱ nu cuna'a̱ ti'i xtya'a̱ jyo'o bi'. Li' nchcui' yu lo'o ma': ―Ná xi'ya nu'u̱ ―nacui̱.