SAN MARCOS 9:17 - Chatino Tataltepec

¹⁷ Li' hora ti nguxana nchcui' sca ñati̱ nu ndu̱ laja ngu' bi': ―Mstru ―nacui̱ ji'i̱ Jesús―, na cua ya̱a̱ lo'o na' ji'i̱ sñi' na' slo nu'u̱. Na cu'u̱ yu xqui'ya cui'i̱ cuxi nu ngusñi ji'i̱ yu.

SAN MARCOS 9:17 ပူးပေါင်းရင်းမြစ်များ

SAN MATEO 12:22

Lo'o li' ndyaa lo'o ngu' ji'i̱ chaca nu quicha slo Jesús; cua ngusñi cui'i̱ xña'a̱ ji'i̱, bi' cha' ngua cu'u̱ tu'ba yu, jua'a̱ ngua cuityi̱' yu. Hora ti ngua'ni Jesús jo'o ji'i̱ nu quicha bi', cha' xa' nchcui' yu, xa' nda Jesús xee ndyu'u cloo yu.

SAN MATEO 17:15

―Cua'ni tya'na ti' nu'u̱ ji'i̱ sñi' na', cusu' ―nacui̱ yu bi' ji'i̱ Jesús―. Quicha tsa ti' sñi' na' cha' lu'ba tsa nxalú cui'i̱ cuxi ji'i̱ yu; ndu'ni cui'i̱ bi', cha' lu'ba tsa nclyú yu lo quii', lu'ba ti nxtyú ji'i̱ yu lo hitya.

SAN MATEO 9:32

Lo'o cua ndu'u ngu' bi' ndyaa ngu', li' ndyalaa chaca latya ñati̱, ya̱a̱ lo'o ngu' ji'i̱ sca yu cu'u̱; na cu'u̱ yu xqui'ya cui'i̱ cuxi nu ngusñi ji'i̱ yu.

SAN MARCOS 10:13

Lo'o li' ngua sca quiya' ñaa lo'o ngu' ji'i̱ tyu̱u̱ tya'a nu sube ca su nga'a̱ Jesús. Ngua ti' ngu' cha' sta ya' ycui' Jesús hique nu sube bi'. Pana ngua'ni tyaala nu ngu' nu ndyaca tsa'a̱ bi' ji'i̱ ngu', cha' ná ca̱a̱ lo'o ngu' ji'i̱ nu sube.

SAN MARCOS 5:23

Tya'na tsa nchcui' yu lo'o Jesús li': ―Cua cajaa ti sñi' na' ―nacui̱ yu ji'i̱―. Cua'ni nu'u̱ cha' tso'o tsaa nu'u̱ ca su ntsiya nu cuna'a̱ piti bi' 'na, cha' cua'ni nu'u̱ jo'o ji'i̱ cho'; sta ya' nu'u̱ chu̱' nu piti cha' cu'ú cho'.

SAN MARCOS 7:26

ngüijña ma' cha' clyu ti' ji'i̱ yu, cha' culo yu cui'i̱ cuxi nu ntsu'u ji'i̱ sñi', nti' ma'. Cha'cña ji'i̱ ngu' griego nchcui' nu cuna'a̱ bi', cha' ngu' xa' tsu' laca ma', ngu' sirofenicia.

SAN MARCOS 9:16

―¿Ñi'ya̱ cha' nchcui' ma̱ lo'o ngu' jua? ―nacui̱ Jesús ji'i̱ ngu' li'.

SAN MARCOS 9:18

Lcaa se'i̱ su nxalú cui'i̱ cuxi bi' ji'i̱ yu nclyú yu, li' ndyu'u ngo' tu'ba yu; lye ndyacu la'ya yu, lo'o li' lye ndyaca yaca cuaña' yu. Lo'o jua'a̱ cua ndijña na' ji'i̱ nu ngu' nu ndyaca tsa'a̱ jinu'u̱ jua si tyaja'a̱ ngu' cha' culo ngu' ji'i̱ cui'i̱ cuxi nu ntsu'u ji'i̱ nu quicha re. Pana ná ngua ji'i̱ ngu' ―nacui̱ sti nu quicha bi' li'.

SAN MARCOS 9:25

Lo'o na'a̱ Jesús cha' quiña'a̱ la ñati̱ cua tyu'u ti'i̱ ti ngu' slo, li' ngulo yu cña ji'i̱ cui'i̱ cuxi bi': ―Cui'i̱ cuxi nu'u̱ ni, la cui' nu'u̱ laca nu ngua'ni cu'u̱ ji'i̱ nu quicha re ―nacui̱ Jesús―. Culo na' cña jinu'u̱ juani cha' tyu'u nu'u̱ ji'i̱ yu cuañi' re. Nga'aa xlyú nu'u̱ ji'i̱ yu tsiya' ti ―nacui̱ Jesús ji'i̱ cui'i̱ cuxi.

SAN LUCAS 11:14

Ntsu'u sca nu qui'yu nu ngua cu'u̱ cha' cua ngusñi sca cui'i̱ cuxi ji'i̱ yu, pana ngulo Jesús ji'i̱ cui'i̱ cuxi nu ngusñi ji'i̱ yu, ndyaa bi' li'. Nu lo'o ngutu'u cui'i̱ nu ntsu'u ji'i̱ nu qui'yu cu'u̱ bi', ngua ji'i̱ yu nchcui' yu li'. Ndube tsa ti' ñati̱ lo'o na'a̱ ngu' cha' bi'.

SAN LUCAS 9:38

Ndi'i̱ sca nu qui'yu laja ñati̱ quiña'a̱ bi' nu cui̱i̱ nchcui' lo'o Jesús: ―Mstru ―nacui̱ yu ji'i̱―, cua'ni cha' tso'o ña'a̱ nu'u̱ xi ji'i̱ sñi' na', cha' sca ti bi' laca sñi' na' nu ntsu'u 'na.

SAN JUAN 4:47

Lo'o cua ndyuna nu laca cña bi', cha' ngutu'u Jesús loyuu su cuentya Judea ndyalaa yu sca quichi̱ cacua ti su ndi'i̱ nu cusu' bi', la cui' nde loyuu su cuentya Galilea, li' ndyaa nu cusu' bi' slo Jesús. Ndijña tsa cha' clyu ti' ji'i̱ Jesús cha' tsaa yu quichi̱ tyi nu cusu' bi', cha' tsaa yu cua'ni yu jo'o ji'i̱ nu piti quicha bi', cha' cua cajaa ti.