SAN MARCOS 9:1 - Chatino Tataltepec

¹ Tya nchcui' la Jesús lo'o ngu' li': ―Chañi cha' nu nchcui' na' lo'o ma̱ ―nacui̱ yu―, cha' ntsu'u ngu' nu tya ndu̱ lo'o na chalyuu re juani, nu ca cuayá' ti' cha' cua nguxana cha' laca ycui' Ndyosi loo ne' cresiya ji'i̱ ñati̱ chalyuu, nu lo'o tya lyiji cajaa ngu'. Tlyu tsa chacuayá' ntsu'u ji'i̱ Ni lo'o caca Ni loo li'.

SAN MARCOS 9:1 ပူးပေါင်းရင်းမြစ်များ

SAN MATEO 16:28

Cha' liñi nchcui' na' lo'o ma̱ juani, cha' ntsu'u ngu' nu tya ndu̱ lo'o na chalyuu re juani, nu lo'o tya lyiji cajaa ngu' ca cuayá' ti' ngu' cha' cua nguxana cha' laca na' loo ne' cresiya ji'i̱ ñati̱, na' nu cua nda Ni 'na lijya̱a̱ cha' caca na' ñati̱.

SAN MATEO 24:30

Li' nde cua̱ tyu'u tucua cuayá' nu sta na' nu cua nda Ni 'na lijya̱a̱ cha' caca na' ñati̱. Lye tsa caca xñi'i̱ ti' lcaa ñati̱ chalyuu nu ndi'i̱ cua ña'a̱ ca quichi̱ tyi ngu', xi'ya tsa ngu' li'. Lo'o na' nu cua nda Ni 'na lijya̱a̱ cha' caca na' ñati̱ ni, ña'a̱ ngu' 'na cha' lijya̱ na' laja coo nu ndubi tsa ña'a̱; lye xi ña'a̱ caca li', cha' lo'o lcaa juersa 'na ca̱a̱ na' li'.

SAN MATEO 25:31

’Nu lo'o tya̱a̱ na' nu cua nda Ni 'na lijya̱a̱ cha' caca na' ñati̱, ca̱a̱ na' cha' caca na' loo tsiya' ti ji'i̱ ñati̱. Stu'ba ti ca̱a̱ na' lo'o lcaa ngu' xca̱ 'na, lo'o li' tyaca'a̱ na' su tlyu su cua cua̱ la xi, sca se'i̱ su ndubi tsa ña'a̱ laca bi'. Ca bi' cua'ni cuayá' na' ji'i̱ lcaa ñati̱ li'.

SAN MARCOS 13:26

Lo'o na' nu cua nda Ni 'na lijya̱a̱ cha' caca na' ñati̱ ni, ña'a̱ ngu' 'na, cha' ca̱a̱ na' laja coo nu ndubi tsa ña'a̱. Lye xi ña'a̱ caca li', cha' lo'o lcaa juersa 'na ca̱a̱ na'.

SAN MARCOS 13:30

Chañi cha' nu nchcui' na' lo'o ma̱, cha' lo'o bilya tye cha' ji'i̱ lcaa ñati̱ nu lu'ú chalyuu juani, li' caca lcaa cha' nde chalyuu ñi'ya̱ nu ndacha' na' ji'i̱ ma̱ tsa̱.

SAN LUCAS 2:26

ngua'ni Ni cha' ca cuayá' ti' yu cha' ná cajaa chca yu ña'a̱ cuayá' tyalaa tsa̱ nu ña'a̱ yu ji'i̱ nu Cristo, nu ta ycui' Ndyosi ji'i̱ cha' ca̱a̱ nde chalyuu.

SAN LUCAS 22:18

Chañi cha' nu ndacha' na' ji'i̱ ma̱, cha' nga'aa co'o na' vino lo'o ma̱ ña'a̱ cuayá' nu caca ycui' Ndyosi loo ji'i̱ lcaa ñati̱.

SAN LUCAS 22:30

Nga'a̱ cha' stu'ba ti cacu ma̱ co'o ma̱ lo'o na' ca su tlyu bi' su tyucua na'; nga'a̱ cha' stu'ba ti tyi'i̱ ma̱ lo'o na' nu lo'o cua'ni cuayá' na' ji'i̱ lcaa ñati̱; lo'o jua'a̱ cua'ni cuayá' ma̱ ji'i̱ tya'a ñati̱ ma̱, nu tii tyucuaa tya'a taju ngu' Israel tya'a na.

SAN LUCAS 9:27

Chañi cha' nu nchcui' na' lo'o ma̱, cha' ntsu'u ngu' nu ndu̱ lo'o na chalyuu re juani, nu tya lyiji cajaa ngu' lo'o ca cuayá' ti' ngu' cha' cua nguxana cha' laca ycui' Ndyosi loo nde chalyuu.

SAN JUAN 21:23

Lo'o ndyuna ngu' nu ndyaca tsa'a̱ ji'i̱ Jesús cha' bi', nchcui' tsa ngu' lo'o tya'a ngu' cha' nga'aa nscua cha' cajaa nu qui'yu bi' ngua ti' ngu'. Pana liñi la cha', ná nacui̱ Jesús cha' ná cajaa chca; tsa bi' ti cha' nacui̱ yu: “Ná culacua tsa ti' nu'u̱. Si nti' na' cha' tyanu yu chalyuu re ni jacua' nu tya̱a̱ na' chaca quiya', ná ntsu'u cha' cube ti' nu'u̱”. Tsa bi' ti cha' nda Jesús lo'o ngu'.

HEBREOS 2:9

Pana cua jlo ti' na ñi'ya̱ ngua ji'i̱ Jesús nu ngua li', cha' xti ti tyempo ngua lcaa xca̱ ji'i̱ ycui' Ndyosi loo la ji'i̱ ycui' Jesús. Ngujuii yu lo crusi cuentya ji'i̱ lcaa ñati̱ chalyuu, xqui'ya cha' xcui' tso'o tsa ndu'ni ycui' Ndyosi lo'o na. Lo'o jua'a̱ ndube tsa ti' na ñi'ya̱ ndyaca ji'i̱ yu juani, cha' tso'o tsa ndyu'ni chi̱ ngu' loo yu; ndyu'ni tlyu ngu' ji'i̱ yu xqui'ya cha' cua ngujuii yu, xqui'ya cha' ti'í tsa ngua ti' yu cuentya ji'na.