SAN MARCOS 8:8 - Chatino Tataltepec

⁸ Lo'o ndyacu ngu' ji'i̱, nguaala' tsa ji'i̱ ngu' li'. Lo'o li' nguxuti'i̱ ngu' lcaa satya nu tya'a ndyanu su ndyacu ngu', ngutsa'á̱ cati tya'a chcubi lo'o yu'be bi'.

SAN MARCOS 8:8 ပူးပေါင်းရင်းမြစ်များ

SAN MATEO 14:20

Jua'a̱ ngua cha' ndyacu lcaa ngu', ña'a̱ cuayá' nu nguaala' ji'i̱ ngu'. Li' nxuti'i̱ ngu' lcaa yu'be nu ndyanu, lo'o jua'a̱ ngutsa'a̱ tii tyucuaa tya'a chcubi lo'o yu'be bi'.

SAN MATEO 15:37

Li' ndyacu lcaa ngu' xlyá bi' ña'a̱ cuayá' nu nguaala' ji'i̱ ngu'. Lo'o nxuti'i̱ ngu' lcaa yu'be nu tya'a ndyanu su ndyacu ngu', li' ngutsa'a̱ cati tya'a chcubi lo'o yu'be bi'.

SAN MATEO 16:10

Jua'a̱ nu cati tya'a xlyá teje' nu ndyacu nu jacua mil tya'a ñati̱ ni, la cui' ti cha'; tyu̱u̱ tya'a chcubi ngutsa'á̱ lo'o yu'be xlyá tya'a nu ndyanu lo'o ndyacu ngu' li'.

SAN MARCOS 8:9

La cui' tsa̱ bi' cua ndyacu jacua mil tya'a ñati̱. Lo'o nchcui' salya' Jesús lo'o nu ngu' quiña'a̱ bi',

SAN LUCAS 1:53

Cua ngua'ni Ni cha' tyaala' ti' ñati̱ nu lyiji tsa cha' tso'o ji'i̱, pana ngulo Ni cña cha' nga'aa caja la cha' culiya' ji'i̱ ngu' culiya'.

SAN JUAN 6:27

Tso'o la ―nacui̱ Jesús li'―, si cua'ni cña ti' ma̱ cha' caja sca cha' nu talo ji'i̱ ma̱; chañi cha' tyaala' ti' ma̱ li', si caja chalyuu nu ná nga'a̱ cha' tye ji'i̱ ma̱. Nu na cacu na ni, xtyi'i ti talo na bi', yala ti quiñu'u̱ na bi'. Pana na' nu lijya̱a̱ cha' caca na' ñati̱, ta na' sca cha' tso'o ji'i̱ ma̱ nu cua'ni cha' tyaala' ti' ma̱, lo'o ná tye tsiya' ti cha' bi' ji'i̱ ma̱ ―nacui̱―. Na cua nda ycui' Ndyosi Sti na' chacuayá' jna' cha' ta na' cha' tso'o bi' ji'i̱ ma̱.