SAN MARCOS 8:6 - Chatino Tataltepec

⁶ Li' ngulo Jesús cña ji'i̱ nu ngu' quiña'a̱ bi', cha' tyaca'a̱ ngu' lo yuu. Ndaya' yu ji'i̱ nu cati tya'a xlyá teje' bi', ndya xlya'be ji'i̱ ycui' Ndyosi xqui'ya cha' ntsu'u na cacu ngu'. Li' ngusa'be yu xlyá bi', nda yu yu'be ji'i̱ nu ngu' nu ndyaca tsa'a̱ ji'i̱ cha' tacha ngu' ji'i̱ nu ngu' quiña'a̱ bi', cha' cacu ngu' ji'i̱.

SAN MARCOS 8:6 ပူးပေါင်းရင်းမြစ်များ

SAN MATEO 26:26

Laja lo'o ndyacu ngu', li' ngusñi Jesús sca xlyá, ndya xlya'be ji'i̱ ycui' Ndyosi, ngusa'be ji'i̱ xlyá bi'. Li' nda Jesús yu'be xlyá bi' ji'i̱ ngu' nu ndyaca tsa'a̱ ji'i̱. ―Cacu ma̱ xlyá re, cha' ñi'ya̱ nti' cuaña' na', jua'a̱ nti' nu nde ―nacui̱ Jesús ji'i̱ ngu' bi'.

SAN MARCOS 8:20

―La cui' jua'a̱ lo'o ngusa'be na' cati tya'a xlyá teje' ndyacu nu jacua mil tya'a ñati̱ bi', ¿ni lcua tya'a chcubi ntsu'u yu'be xlyá nu cua nguxuti'i̱ ma̱ li'? ―nacui̱ yu ji'i̱ ngu'. ―Cati tya'a chcubi ―nacui̱ ngu' ji'i̱.

SAN MARCOS 8:5

―¿Ni lcua tya'a xlyá ntsu'u ji'i̱ ma̱? ―nacui̱ Jesús ji'i̱ ngu' bi' li'. ―Cati tya'a ti xlyá teje' lo'o ji'i̱ ya ―nacui̱ ngu' ji'i̱.

SAN MARCOS 8:7

Lo'o xi cualya sube ntsu'u ji'i̱ ngu'; bi' cha' lo'o ngulacua̱ Jesús ji'i̱ cualya bi', li' ngulo yu cña cha' tacha ngu' yu'be cualya bi' ji'i̱ nu ngu' quiña'a̱ bi', cha' cacu ngu' ji'i̱.

SAN LUCAS 12:37

Tso'o tsa caca ji'i̱ msu bi', si tya tii ngu' nu lo'o tyalaa xu'na ngu' cha' cua'ni clya ngu' cña ji'i̱ xu'na ngu'. Cha' liñi ta na' lo'o ma̱, cha' ndi'ya̱ ñacui̱ xu'na ni'i̱ bi' ji'i̱ ngu' msu ji'i̱: “Cua'a̱ clya ma̱ to' mesa”. Li' cua'ni cña ti' ycui' xu'na ngu' cha' xacu ji'i̱ ngu'.

SAN LUCAS 24:30

Pana nu lo'o cua nga'a̱ yu lo'o ngu' to' mesa, li' ngusñi yu sca xlyá, ndya yu xlya'be ji'i̱ ycui' Ndyosi; lo'o li' ngusa'be yu xlyá bi', cha' ta yu ji'i̱ ngu'.

SAN JUAN 2:5

Masi jua'a̱ nchcui' yu, ndi'ya̱ nchcui' xtya'a̱ yu lo'o msu li': ―Cua'ni ma̱ ñi'ya̱ nu ñacui̱ yu cha' cua'ni ma̱ ―nacui̱.

SAN JUAN 6:23

Lo'o li' ngulaa xi xa' la yaca ni'i̱ nu ngutu'u nde quichi̱ Tiberias, ndyacui to' hitya cacua ti su ndyacu ngu' xlyá nu cua nda ycui' nu Xu'na na xlya'be ji'i̱ ycui' Ndyosi cuentya ji'i̱.

ROMANOS 14:6

Si tacati tsa sca tsa̱ cuentya ji'i̱ tsaca ngu', bi' laca tsa̱ nu nga'a̱ cha' cua'ni chi̱ ngu' bi' loo ycui' Ndyosi lacua; lo'o jua'a̱ taca cua'ni chi̱ nu xa' la ñati̱ loo ycui' Ndyosi, masi ná ntsu'u cha' tacati ji'i̱ ngu' lo'o tsa̱ bi'. La cui' jua'a̱ ndyu'u cha' lo'o ñati̱ nu ná ntsi̱i̱ cacu cuaña' bi'; xqui'ya cha' ngusñi ngu' cha' ji'i̱ ycui' Ndyosi, bi' cha' ná ntsi̱i̱ ngu' bi'. Ndya ngu' xlya'be ji'i̱ ycui' Ni lo'o ndacu ngu' ji'i̱. Lo'o nu ntsi̱i̱ cacu cuaña' bi' ni, la cui' ti xqui'ya ycui' Ndyosi ntsi̱i̱ ngu' cacu ngu' ji'i̱; lo'o ngu' bi' ndya ngu' xlya'be ji'i̱ ycui' nu Xu'na na cha' nda Ni na cacu ngu'.

COLOSENSES 3:17

Lcaa ña'a̱ cña nu nti' ma̱ cha' cua'ni ma̱, lcaa ña'a̱ cha' nu nti' ma̱ chcui' ma̱ lo'o ñati̱, chacuayá' ji'i̱ Jesús nu Xu'na na cua'ni ma̱ ji'i̱ lacua. Lo'o jua'a̱ la cui' hora bi' tya ma̱ xlya'be ji'i̱ ycui' Ndyosi Sti na xqui'ya Jesús.