SAN MARCOS 8:5 - Chatino Tataltepec

⁵ ―¿Ni lcua tya'a xlyá ntsu'u ji'i̱ ma̱? ―nacui̱ Jesús ji'i̱ ngu' bi' li'. ―Cati tya'a ti xlyá teje' lo'o ji'i̱ ya ―nacui̱ ngu' ji'i̱.

SAN MARCOS 8:5 ပူးပေါင်းရင်းမြစ်များ

SAN MATEO 15:34

―¿Ni lcua tya'a xlyá ntsu'u ji'i̱ ma̱? ―nacui̱ Jesús ji'i̱ ngu' bi' li'. ―Cati tya'a ti xlyá teje' lo'o ji'i̱ ya ―nacui̱ ngu' ji'i̱―, lo'o ntsu'u xi cualya sube ―nacui̱ ngu'.

SAN MARCOS 6:38

―¿Ni lcua tya'a xlyá teje' ntsu'u ji'i̱ ma̱ lacua? ―nacui̱ Jesús―. Culacua ma̱ xi ji'i̱ ―nacui̱ ji'i̱ ngu'. Ngulana ngu' si lo'o xi na cacu ndya'a̱ ñati̱ bi', li' xa' nchcui' ngu' lo'o Jesús. ―Ca'yu tya'a ti xlyá teje' lo'o tucua tya'a ti cualya lo'o ji'i̱ ngu' nde ―nacui̱ ngu' ji'i̱ Jesús li'.

SAN MARCOS 8:4

―¿Ñi'ya̱ cua'ni na ca nde? ―nacui̱ ngu' bi' li'―, cha' ná ndi'i̱ ni sca ñati̱. Ná caja ñi'ya̱ ta na na cacu ngu' re ―nacui̱ nu ngu' nu ndyaca tsa'a̱ ji'i̱ bi'.

SAN MARCOS 8:6

Li' ngulo Jesús cña ji'i̱ nu ngu' quiña'a̱ bi', cha' tyaca'a̱ ngu' lo yuu. Ndaya' yu ji'i̱ nu cati tya'a xlyá teje' bi', ndya xlya'be ji'i̱ ycui' Ndyosi xqui'ya cha' ntsu'u na cacu ngu'. Li' ngusa'be yu xlyá bi', nda yu yu'be ji'i̱ nu ngu' nu ndyaca tsa'a̱ ji'i̱ cha' tacha ngu' ji'i̱ nu ngu' quiña'a̱ bi', cha' cacu ngu' ji'i̱.

SAN LUCAS 9:13

―Cu'ma̱ ta ma̱ na cacu ngu' quiña'a̱ jua ―nacui̱ Jesús ji'i̱ nu ngu' nu ndyaca tsa'a̱ ji'i̱ li'. ―Xti tsa na ntsu'u ji'i̱ ya re ―nacui̱ ngu'―. Ca'yu tya'a ti xlyá teje' lo'o tucua tya'a ti cualya lo'o ji'i̱ ya. Sca ti si tsaa ya tsaana ya scuaa cha' cacu lcaa ngu' re ―nacui̱ ngu' ji'i̱ Jesús li'.