SAN MARCOS 8:29 - Chatino Tataltepec

²⁹ ―Lo'o cu'ma̱ ni ―nacui̱ Jesús―, ¿tilaca laca na' nti' ma̱? ―nacui̱ yu ji'i̱ nu ngu' nu ndyaca tsa'a̱ ji'i̱. Hora ti nguxacui̱ Pedro cha' ji'i̱ yu: ―Cristo laca nu'u̱ ―nacui̱ Pedro li'.

SAN MARCOS 8:29 ပူးပေါင်းရင်းမြစ်များ

SAN MARCOS 4:11

―Cua nda ycui' Ndyosi chacuayá' cha' ca cuayá' ti' ma̱ sca cha' nu ntsu'u yacu̱' ti, ñi'ya̱ nu caca lo'o laca ycui' Ni loo ne' cresiya ji'i̱ ñati̱ ―nacui̱ Jesús ji'i̱ ngu' bi'―. Xa' ñati̱ nu ná ngusñi cha' ji'i̱ ycui' Ndyosi ni, ná ta ngu' cuentya lo'o cuna ngu' sca cui̱i̱; tucui tsa cha' bi' nti' ngu'.

SAN LUCAS 9:20

―Cu'ma̱ ni ―nacui̱ Jesús ji'i̱ ngu' bi' li'―, ¿tilaca laca na' nti' cu'ma̱? Li' nacui̱ Pedro ji'i̱: ―Cristo nu nda ycui' Ndyosi ji'i̱ lijya̱ nde chalyuu, bi' laca nu'u̱ ―nacui̱ Pedro ji'i̱.

SAN JUAN 11:27

―Chañi cha' jlya ti' na', cusu' ―nacui̱ nu cuna'a̱ bi'―. Hasta juani jlya ti' na' cha' nu'u̱ laca Cristo nu ñati̱ tlyu bi', nu'u̱ laca nu sca ti Sñi' ycui' Ndyosi, lo'o jua'a̱ cua nda Ni jinu'u̱ lijya̱.

SAN JUAN 4:42

Li' nacui̱ ngu' bi' ji'i̱ nu cuna'a̱ bi': ―Si'i xqui'ya nu'u̱ ngusñi ya cha' ji'i̱ yu juani. Na cua nchcui' ycui' yu lo'o ya, bi' cha' jlya ti' ya cha' nu nchcui' yu; cua nda ya cuentya cha' chañi cha' laca nu cusu' re Cristo, nu ñati̱ tlyu nu cua ca̱a̱ ti cha' cua'ni lyaá ji'i̱ lcaa ñati̱ chalyuu.

SAN JUAN 6:68

Li' nguxacui̱ Simón Pedro cha' ji'i̱ Jesús: ―Cusu' ―nacui̱―, ¿ma nde ntsu'u chaca se'i̱ su tsaa ya cha' cuna ya lcaa ña'a̱ cha' liñi nu nchcui' nu'u̱? Ná nga'a̱ cha' tye chalyuu ji'i̱ ya si cua'a̱ jyaca̱ ya ji'i̱ cha' nu nchcui' nu'u̱ ―nacui̱―.

SAN JUAN 6:69

Jlya ti' ya jinu'u̱. Cua jlo ti' ya cha' ycui' Ndyosi laca nu cua ngusubi jinu'u̱, cha' sca ti nu'u̱ nu chañi cha' laca nu'u̱ Sñi' ycui' Ndyosi nu lijya̱ chalyuu.

LOS HECHOS 8:36

Nu lo'o ndyaa ngu' tyucui̱i̱ bi', li' ndyalaa ngu' ca su ntsu'u hitya. Li' nchcui' nu cusu' bi' lo'o Felipe: ―Nde nscua hitya ―nacui̱ yu―. ¿Ha ná cua'ni cha' tso'o ta chacuayá' tyucuatya nu'u̱ jna'?

LOS HECHOS 9:20

Hora ti nguxana Saulo ndya'a̱ yu lcaa ne' laa ji'i̱ ngu' judío quichi̱ bi', ngulu'u yu ji'i̱ ngu' cha' chañi cha' laca Jesús nu sca ti Sñi' ycui' Ndyosi.

1 PEDRO 2:7

Lo'o cu'ma̱ ni, ndulo tsa cha' ji'i̱ quee bi' cuentya ji'i̱ ma̱, cu'ma̱ nu ngusñi ma̱ cha' ji'i̱ ycui' Ndyosi; pana cuxi tsa cha' caca ji'i̱ ñati̱ nu ná jlya ti' ji'i̱ ycui' Ndyosi tsiya' ti. Ndi'ya̱ nscua cha' lo quityi cha' ji'i̱ quee bi': Cua nguxcua̱a̱ cuityi ni'i̱ quee tonu bi' clyo, cha' ná tso'o ña'a̱ quee bi' ngua ti' ngu'; pana juani cua ngujui cña nu cua'ni quee bi', cha' ndu̱ su ndulo la cha' ji'i̱ cuentya ji'i̱ ycui' Ndyosi.

1 JUAN 4:15

Ñati̱ nu tyaja'a̱ cacha' ji'i̱ tya'a ñati̱ cha' nu sca ti Sñi' ycui' Ndyosi laca Jesucristo, stu'ba ntsu'u tyiquee ycui' Ni lo'o ngu' bi' li'; jua'a̱ stu'ba ntsu'u tyiquee ngu' bi' lo'o ycui' Ni.

1 JUAN 5:1

Lcaa ñati̱ nu jlya ti' ji'i̱ Jesús, cha' laca yu Cristo nu cua nda ycui' Ndyosi ji'i̱ ya̱a̱ chalyuu, chañi cha' laca ngu' bi' sñi' ycui' Ndyosi. Ycui' Ndyosi laca Sti na, lo'o jua'a̱ ntsu'u tsa tyiquee na ña'a̱ na ji'i̱ Ni, bi' cha' ntsu'u tyiquee na ña'a̱ na ji'i̱ xa' la sñi' ycui' Ni, tya'a ngusñi na cha' ji'i̱ Jesús.