SAN MARCOS 8:23 - Chatino Tataltepec

²³ Bi' cha' ndaya' Jesús ya' nu cuityi̱', ndyaa lo'o yu ji'i̱ ca to' quichi̱. Ngutu'u hitya sañi' Jesús cloo nu quicha, ngusta ya' yu cloo nu cuityi̱' bi' li'. ―¿Ha cua ña'a̱ nu'u̱ sca na? ―nacui̱ Jesús ji'i̱ nu quicha.

SAN MARCOS 8:23 ပူးပေါင်းရင်းမြစ်များ

SAN MARCOS 5:23

Tya'na tsa nchcui' yu lo'o Jesús li': ―Cua cajaa ti sñi' na' ―nacui̱ yu ji'i̱―. Cua'ni nu'u̱ cha' tso'o tsaa nu'u̱ ca su ntsiya nu cuna'a̱ piti bi' 'na, cha' cua'ni nu'u̱ jo'o ji'i̱ cho'; sta ya' nu'u̱ chu̱' nu piti cha' cu'ú cho'.

SAN MARCOS 7:33

Ndyaa lo'o Jesús ji'i̱ nu quicha bi' sca se'i̱ cacua ti su ná ndi'i̱ ñati̱. Li' ndyojo' sne ya' Jesús tyuu jyaca̱ nu quicha bi', ngutu'u hitya sañi' Jesús, cuati ngusta sne ya' lo ltse' nu quicha.

SAN MARCOS 8:24

Cua ngulane ña'a̱ nu quicha cacua ti li'. ―Cua nchca ña'a̱ na' xi ―nacui̱ nu quicha―. Tsa lyiji tsa tyaca̱' ña'a̱ na', ñi'ya̱ ña'a̱ yaca ña'a̱ ngu' lo'o ndya'a̱ ngu' ―nacui̱ nu quicha bi' ji'i̱ Jesús.

SAN MARCOS 8:26

Pana ngulo Jesús cña ji'i̱ cha' tyaa to' tyi: ―Ná tsaa nu'u̱ nde lquichi̱ juani, ná cacha' nu'u̱ ji'i̱ ñati̱ na ca nu ngua jinu'u̱ ―nacui̱ Jesús ji'i̱ nu ngua quicha bi'.

LOS HECHOS 23:19

Ntejeya' xu'na sendaru ya' yu cuañi' bi' li', ndyaa lo'o ji'i̱ su ná cuna xa' ñati̱ cha' nu chcui': ―¿Ha ntsu'u sca cha' nu nti' nu'u̱ chcui' lo'o na'? ―nacui̱ xu'na sendaru ji'i̱ yu cuañi' bi' li'.

LOS HECHOS 9:8

Li' ndatu̱ Saulo, ngusaala yu cloo yu; pana nga'aa ngua ña'a̱ yu, ngua talya loo yu tsiya' ti. Li' ntejeya' chaca ñati̱ ya' yu cha' nga'aa ngua ña'a̱ yu, ndyaa lo'o ngu' ji'i̱ yu nde quichi̱ Damasco.

HEBREOS 8:9

Si'i la cui' cha' ñi'ya̱ nu cua ngüiñi 'na lo'o jyo'o cusu' ji'i̱ ngu' bi' nu ngua sa'ni, nacui̱ Ni. Nu ngua li' ntejeya' na' ji'i̱ ngu' cha' ngutu'u ngu' ca quichi̱ tyi ngu' Egipto, ndyaa ngu'. Pana ná ndaquiya' ngu' ji'i̱ cha' nu cua ngüiñi 'na lo'o ngu'; ña'a̱ ti ngua'ni tsa ngu' cha' cuxi, bi' cha' nga'aa ntucuá na' cha' ji'i̱ ngu', nacui̱ ycui' Ndyosi nu Xu'na na.

APOCALIPSIS 3:18

Ta na' sca cui̱i̱ lo'o ma̱ lacua, bi' cha' cua'a̱ jyaca̱ ma̱ ji'i̱ cha' nu chcui' na' lo'o ma̱, cha' chañi taca culu'u cha' bi' ji'i̱ ma̱ ñi'ya̱ caca xutacui cha' cuxi nu ntsu'u ji'i̱ ma̱: Nga'a̱ cha' cua'ni ma̱ cha' caja sca chalyuu cucui ji'i̱ ma̱ su nga'aa cua'ni ma̱ cha' cuxi, cha' nga'aa ntsu'u cha' ca tyuju'u la ti' ma̱ li'. Cua'ni ma̱ cha' culacua tso'o xi ti' ma̱ lacua, cha' ca cuayá' ti' ma̱ scaa cha'.