SAN MARCOS 7:7 - Chatino Tataltepec

⁷ Na cuiñi tsa ngu' re; nacui̱ ngu' cha' ndyu'ni tlyu ngu' 'na, pana nclu'u ngu' cha nu' nchcui' ñati̱ ti ji'i̱ tya'a ngu', masi nacui̱ ngu' cha' nclyu'u ngu' cha' jna' ji'i̱ tya'a ngu', nacui̱ ycui' Ni. Jua'a̱ nscua lo quityi.

SAN MARCOS 7:7 ပူးပေါင်းရင်းမြစ်များ

SAN MATEO 15:9

Na cuiñi tsa ngu' re, cha' nacui̱ ngu' cha' ndyu'ni tlyu ngu' 'na, masi nclu'u ngu' cha' nu nchcui' ñati̱ ti ji'i̱ tya'a ngu'; pana nacui̱ ngu' cha' nclyu'u ngu' cha' jna' ji'i̱ tya'a ngu'. Jua'a̱ nguscua jyo'o Isaías bi' cuentya ji'i̱ ycui' Ndyosi.

SAN MATEO 6:7

’Nu lo'o chcui' ma̱ lo'o ycui' Ndyosi ni, ná chcui' ma̱ la cui' ti cha' quiña'a̱ tsa quiya', ni ná chcui' ma̱ quiña'a̱ tsa cha' nu ná nchca cuayá' ti' ycui' ca ma̱, ñi'ya̱ nu ndu'ni ngu' nu ná ntsu'u cha' ji'i̱ lo'o ycui' Ndyosi tsiya' ti. Nclacua ti' ngu' bi', cha' tso'o la taquiya' jo'ó ji'i̱ ngu' si quiña'a̱ tsa cha' chcui' ngu', jua'a̱ nti' ngu' bi'.

1 CORINTIOS 15:14

Na ñilo'o ngu' ji'na si jua'a̱, ni ná caja cha' nu ta ya lo'o ma̱ li', si cha' cuiñi laca cha' ndyu'ú Cristo chaca quiya'. Jua'a̱ ná caja cha' ji'i̱ Jesús nu xñi ma̱ si chañi cha' nga'aa ndyu'ú yu bi'.

1 CORINTIOS 15:58

Cu'ma̱ tya'a ngusñi na cha' ji'i̱ Jesús, ntsu'u tsa tyiquee na' ña'a̱a̱ ji'i̱ cu'ma̱. Ndi'ya̱ ñacui̱ na' ji'i̱ ma̱, cha' ña'a̱ ti xñi tso'o ma̱ cha' ji'i̱ ycui' Ndyosi, lcaa tsa̱ jlya ti' ma̱ ji'i̱ Ni; xcui' lye tsa cua'ni ma̱ cña ji'i̱ ycui' nu Xu'na na, ná ca taja ti' ma̱ lo'o cua'ni ma̱ cña bi'. Cua jlo ti' ma̱ cha' ná culiji jua'a̱ ti sca cña nu ndyu'ni ma̱ cuentya ji'i̱ ycui' Ndyosi.

COLOSENSES 2:22

Lcaa na bi' ni, na culiji ti laca na bi'; ya' nu cua nguliji bi', nga'aa ña'a̱ na ji'i̱ li'. Nu lo'o nchcui' ngu' jua'a̱, sca cña nu ndyu'ni ñati̱ chalyuu ti laca bi'.

TITO 3:9

pana ná tso'o chcui' ma̱ cha' laja ti, jua'a̱ ná tso'o si xlyú ma̱ cha' hichu̱' tya'a ma̱ xqui'ya jyo'o cusu' ji'na, masi xqui'ya sca cha' nu nguscua jyo'o Moisés nu ngua sa'ni la. Ná sca cha' tso'o ná taca cua'ni ma̱ jua'a̱. Chcuna' tyempo ji'i̱ ma̱ jua'a̱, cha' xcui' cha' nu ndacui lo cui'i̱ ti nchcui' ma̱ li'.

SANTIAGO 1:26

Ná tyiquee' ntsu'u xi ngu' tya'a ma̱ nu nti' cha' tacati tsa ndu'ni ycui' ca ngu'. Pana laja ti ndu'ni ngu' cha' tacati ngu', si ná ndube ti' ngu' ñi'ya̱ nchcui' ngu' lo'o ñati̱; na ñilo'o ngu' ji'i̱ ycui' ca ngu' cha' tacati ngu' li'.

SANTIAGO 2:20

Nga'a̱ cha' ca cuayá' ti' ma̱, cha' ná chañi cha' ngusñi na cha' ji'i̱ ycui' Ndyosi si ná lo'o cua'ni na cha' tso'o cha' xtyucua na ji'i̱ tya'a ñati̱ na.

APOCALIPSIS 22:18

Tsa lo cua ti cha' nda ycui' Ndyosi cha' scua na' lo quityi re, bi' cha' nga'aa scua ma̱ xi xa' la cha' lo quityi re. Si tya scua la ngu' xi xa' la cha', li' ta Ni cha' ti'í ji'i̱ ngu' bi', la cui' ña'a̱ cha' ti'í nu nscua lo quityi re. La cui' jua'a̱, ná cuityi̱ ma̱ ni tsaca cha' nu nscua re; nu lo'o cuityi̱ ngu' sca cha', li' xlyaá Ni chalyuu nu nga'a̱ cha' caja ji'i̱ ngu' bi'. Li' nga'aa caja chacuayá' cacu ngu' bi' si'yu nu ntsu'u lo yaca bi', nga'aa tyalaa ngu' bi' ca quichi̱ tlyu nu lubii tsa ña'a̱, ñi'ya̱ nu nchcui' quityi re. Jua'a̱ nchcui' na' lo'o lcaa ñati̱ nu ndyuna cha' nu nscua lo quityi re, la cui' cha' nu caca nde loo la laca bi'.