SAN MARCOS 7:4 - Chatino Tataltepec

⁴ Lo'o tsaa ngu' lcaya' cui'ya ngu' sca na cacu ngu', tya̱a̱ lo'o ngu' ji'i̱ toni'i̱ li'; pana ná ntsu'u chacuayá' cacu ngu' ji'i̱ si bilya cua'ni lubii ngu' ji'i̱ tyucui ña'a̱ ngu'. Quiña'a̱ tsa cña tacati jua'a̱ cua ngulu'u jyo'o cusu' ji'i̱ ngu' judío cha' cua'ni ngu'; ñi'ya̱ nu tyaati̱ tasa ji'i̱ ngu', ñi'ya̱ nu tyaati̱ castyu, ñi'ya̱ nu tyaati̱ quityu̱' chcua̱, ñi'ya̱ nu tyaati̱ ca'ña, cha' caca lubii scaa na bi' cuentya ji'i̱ ycui' Ndyosi, ngua ti' ngu'.)

SAN MARCOS 7:4 ပူးပေါင်းရင်းမြစ်များ

SAN MATEO 23:25

’¡Tya'na cu'ma̱ ngu' mstru cha' jo'ó, lo'o jua'a̱ cu'ma̱ ngu' fariseo, cha' tucua cha' ntsu'u tyiquee ma̱! Tso'o tsa ndyaati̱ loo ma̱, ndyaati̱ chu̱' cuaña' ma̱, ñi'ya̱ nti' ndyaati̱ sca tasa, ndyaati̱ sca ca'ña; pana nde ne' cresiya ji'i̱ ma̱ xcui' cha' cuxi ntsu'u, cha' nti' ma̱ xlyaá ma̱ na nu ntsu'u ji'i̱ xa' ñati̱, cha' lya' ti' ma̱ ji'i̱ ñati̱.

SAN MATEO 23:26

Na cuityi̱' ma̱, lcaa cu'ma̱ ngu' fariseo. Clyo cua'ni lubii ma̱ ne' cresiya ji'i̱ ycui' ca ma̱, cha' tyanu lubii tyucui ña'a̱ ma̱ li', ñi'ya̱ nti' ndyaati̱ sca tasa, sca ca'ña.

SAN MATEO 27:24

Li' na'a̱ Pilato cha' tyaala tsa ndi'i̱ loo ngu', cha' ñasi̱' tsa ngu'; jua'a̱ ná ntaja'a̱ ngu' cuna ngu' cha' nu nchcui' yu lo'o ngu' tsiya' ti. Bi' cha' ngulo yu cña cha' ca̱a̱ lo'o msu ji'i̱ sca tsi'yu ntsu'u hitya. Li' ndyaati̱ ya' yu slo lcaa ñati̱. ―Lubii tyanu ya' na', cha' si'i cha' jna' cajaa yu nu lubii tyiquee re ―nacui̱ Pilato ji'i̱ ngu'―, cha' ji'i̱ cu'ma̱ laca cha' bi'.

SAN MARCOS 7:8

Ná ndube ti' cu'ma̱ ñi'ya̱ nu ngulo ycui' Ndyosi cña ji'i̱ ñati̱ chalyuu; ji'i̱ cña nu ngulu'u jyo'o cusu' ji'na, bi' ti cña ndaquiya' ma̱ ji'i̱ ―nacui̱ Jesús ji'i̱ ngu' bi'.

SAN JUAN 2:6

Nde cua ti ndu̱ scuá tya'a quityu̱' hitya, quityu̱' tonu ndya' lo'o quee laca bi'. Lo'o ngutsa'á̱ quityu̱' bi', ntsu'u masi jacuayala litro, masi sca siyentu litro hitya, cha' cua laca cña nu ntsu'u ji'i̱ ngu' judío bi', cha' qui'í̱ quiya' ngu' lo'o tsaa ngu' ni'i̱.

SAN JUAN 3:25

Lo'o li' nda xi ngu' judío cha' cusu̱u̱ lo'o ngu' nu ndyaca tsa'a̱ ji'i̱ Juan; nguxlyú ngu' cha' hichu̱' tya'a ngu' ñi'ya̱ nu tso'o la cua'ni ngu' cha' caca lubii cresiya ji'i̱ ngu' cuentya ji'i̱ ycui' Ndyosi.

HEBREOS 9:10

Xcui' cha' nu nchcui' ñati̱ chalyuu ti laca, masi ñacui̱ ngu' cha' ná tso'o cacu na co'o na sca lo na, masi ñacui̱ ngu' ñi'ya̱ cua'ni na cha' caca lubii cresiya ji'na; cña nu ndatsaa ti ñati̱ chalyuu ji'na cha' cua'ni na, jua'a̱ laca cha' bi'. Xti ti tyempo talo cha' bi' ña'a̱ cuayá' xcutsa'a̱ ycui' Ndyosi lcaa cha'.

SANTIAGO 4:8

Tso'o tsa xñi ma̱ cha' ji'i̱ ycui' Ndyosi, lo'o li' tucuá Ni cha' ji'i̱ ma̱. Si ntsu'u tsa qui'ya ji'i̱ ma̱, nga'a̱ cha' xtyanu ma̱ lcaa cha' cuxi nu ntsu'u cha' ji'i̱ ma̱ lo'o; jua'a̱ cua'ni tye ma̱ ji'i̱ lcaa cha' cuiñi nu ntsu'u ne' cresiya ji'i̱ ma̱.

1 JUAN 1:7

Pana si lubii cresiya ji'na ñi'ya̱ lo'o lubii cresiya ji'i̱ ycui' Ni, ndu'ni na cha' tso'o li'; stu'ba ti caca tyiquee na lo'o tya'a ngusñi na cha' ji'i̱ Jesús li'. Lo'o jua'a̱ cuityi̱ Ni qui'ya nu ntsu'u ji'na, xqui'ya cha' cua ndyalú tañi Jesús Sñi' ycui' Ni lo'o ngujuii yu lo crusi.