SAN MARCOS 7:37 - Chatino Tataltepec

³⁷ Ndube tsa ti' ngu' lo'o ndyuna ngu' ñi'ya̱ ngua cha' bi'. ―Tso'o tsa ndu'ni yu bi' ―nacui̱ ngu'―, lo'o ji'i̱ ngu' nu cu'u̱ jyaca̱ nchca ji'i̱ yu ndu'ni yu cha' ndyaca tso'o ngu'; hasta lo'o nchcui' ngu' quicha bi' chaca quiya' xqui'ya yu, masi ngua cu'u̱ tu'ba ngu'.

SAN MARCOS 7:37 ပူးပေါင်းရင်းမြစ်များ

SAN MATEO 9:32

Lo'o cua ndu'u ngu' bi' ndyaa ngu', li' ndyalaa chaca latya ñati̱, ya̱a̱ lo'o ngu' ji'i̱ sca yu cu'u̱; na cu'u̱ yu xqui'ya cui'i̱ cuxi nu ngusñi ji'i̱ yu.

SAN MARCOS 1:27

Ndyutsi̱i̱ tsa lcaa ngu' li'. Nchcui' ngu' lo'o tya'a ngu' ndi'ya̱: ―¿Ñi'ya̱ laca cha' re? ―nacui̱ ngu'―. ¿Ha xa' cha' nclyu'u nu jua ji'i̱ ñati̱? ―nacui̱ ngu'―. Nchca ji'i̱ yu jua culo yu cña, masi ji'i̱ cui'i̱ cuxi nclyo yu cña; hora ti nduna bi' cña nu ngulo yu ji'i̱, ndu'u nu cui'i̱ bi', ndyaa li'.

SAN MARCOS 2:12

Hora ti ndyatu̱ nu quicha bi', ngusñi catya̱ ji'i̱, ngutu'u ndyaa li'; na'a̱ lcaa ngu' nu lo'o ndu'u nu ngua quicha bi' ndyaa lo'o catya̱ ji'i̱. Ndube tsa ti' ngu', li' ngua'ni tlyu ngu' ji'i̱ ycui' Ndyosi xqui'ya cha' bi': ―Ni sca ya bilya ña'a̱ ya sca cha' tlyu ñi'ya̱ nu ngua'ni nu'u̱ juani ―nacui̱ ngu' ji'i̱ ycui' Ndyosi li'.

SAN MARCOS 4:41

Ndube tsa ti' ngu' ña'a̱ ngu' ji'i̱ Jesús li': ―¿Tilaca laca nu qui'yu re? ―nacui̱ ngu' ji'i̱ tya'a ngu'―, cha' lo'o cui'i̱ ndaquiya' ji'i̱ yu, lo'o jua'a̱ nduna clyoo' lo tayu' cha' nu nda yu ―nacui̱ ngu' ji'i̱ tya'a ndyaca tsa'a̱ ngu'.

SAN MARCOS 5:42

Hora ti ndyatu̱ nu cuna'a̱ piti quicha bi', nguxana ndya'a̱ li'. Tii tyucuaa ti yija̱ ntsu'u cho'. Ndube tsa ti' ngu' bi' li'.

SAN MARCOS 6:51

Li' ndyatí̱ Jesús ne' yaca ni'i̱ lo'o ngu', hora ti ngua ti̱ cui'i̱ li'. Ndube tsa ti' ngu' li', ngulacua tsa ti' ngu'.

SAN MARCOS 7:36

Li' ngulo Jesús cña ji'i̱ ngu' cha' ná cacha' ngu' ji'i̱ xa' ñati̱ ñi'ya̱ ngua ji'i̱ nu quicha bi'. Pana ná nduna ngu'; lye la nguañi cha' bi', masi lye ngulo Jesús cña ji'i̱ ngu' cha' ná cacha' ngu' ji'i̱ tya'a ngu'.

SAN MARCOS 8:1

Ngua chaca tsa̱. Tya tsubi' ndyu'u ti'i̱ quiña'a̱ tsa ñati̱ slo Jesús, bi' cha' nga'aa ntsu'u na cacu ngu' juani. Li' nchcui' Jesús lo'o nu ngu' nu ndyaca tsa'a̱ ji'i̱:

SAN LUCAS 23:41

Liñi tsa ntsu'u cha' nchcube' ngu' ji'na, cha' bi' laca caya' ji'i̱ cha' cuxi nu ngua'ni na; pana nu ñati̱ re ni, ná ntsu'u cha' cuxi nu ngua'ni yu.

LOS HECHOS 14:11

Quiña'a̱ ñati̱ cua na'a̱ ñi'ya̱ nu ngua ji'i̱ nu quicha bi', bi' cha' ndube tsa ti' ngu'. Li' nxi'ya lo'o tsa ngu' ji'i̱ tya'a ngu': ―Cua ndyalaa tucua tya'a jo'ó ca slo na juani ―nacui̱ ngu'―. Ñi'ya̱ ña'a̱ ñati̱, jua'a̱ ña'a̱ jo'ó re ―nacui̱ ngu' ji'i̱ tya'a ngu' cha'cña ji'i̱ ngu' Licaonia.