SAN MARCOS 7:34 - Chatino Tataltepec

³⁴ Li' nguxña'a̱ Jesús nde cua̱, lye tsa ñaa xtyi'i li'. ―Efata ―nacui̱ Jesús ji'i̱ nu quicha bi' li'. (Ndi'ya̱ ndyu'u cha' bi' cha'cña ji'i̱ yu: Tyaala tyuu jyaca̱ nu'u̱, jua'a̱ nti' ñacui̱ cha' bi'.)

SAN MARCOS 7:34 ပူးပေါင်းရင်းမြစ်များ

SAN MARCOS 1:41

Ngua tya'na ti' Jesús ji'i̱ nu quicha bi' li', ndyala' yu cuaña' yu quicha bi' su ngutsu'. ―Tyaja'a̱ na', cua'ni na' jo'o jinu'u̱ ―nacui̱ Jesús ji'i̱ yu quicha bi'―. Tyanu lubii cuaña' nu'u̱ juani.

SAN MARCOS 15:34

Pana lo'o ngua hora cua sna nde ngusi̱i̱, li' cui̱i̱ ngusi'ya Jesús: ―Eloi, Eloi, ¿lama sabactani? ―nacui̱. (Ndi'ya̱ nti' ñacui̱ cha' bi' cha'cña ji'na: Ndyosi 'na, Ndyosi 'na, ¿ni cha' laca ngulaya' nu'u̱ 'na?)

SAN MARCOS 5:41

Li' ngusñi Jesús ya' nu piti bi': ―Talita, cumi ―nacui̱ Jesús ji'i̱, cha'cña ji'i̱ ngu' bi'. (Ndi'ya̱ ndyu'u cha' bi': Mbixu̱', nde cha' chcui' na' lo'o nu'u̱ juani: Tyatu̱ nu'u̱.)

SAN MARCOS 6:41

Li' ndaya' Jesús ji'i̱ nu ca'yu tya'a xlyá teje' lo'o nu tucua tya'a cualya bi', nguxña'a̱ yu nde cua̱ cha' tya yu xlya'be ji'i̱ ycui' Ndyosi xqui'ya xlyá, lo'o jua'a̱ xqui'ya cualya. Ndya'be xlyá li', nda yu xlyá yu'be ji'i̱ nu ngu' nu ndyaca tsa'a̱ ji'i̱ cha' tacha ngu' ji'i̱ nu ngu' quiña'a̱ bi'; la cui' jua'a̱ ngusa'be yu ji'i̱ cualya cha' cacu ngu'.

SAN MARCOS 7:35

Hora ti ndyaala tyuu jyaca̱ yu li'; nduna tso'o yu, ngua tso'o ltse' yu cha' tso'o ti nda yu cha' lo'o ngu'.

SAN MARCOS 8:12

Li' nda xtyi'i Jesús hasta ca ne' cresiya ji'i̱. ―Lcaa ñati̱ nu lu'ú nde chalyuu tyempo juani ni, ¿ni cha' laca xcui' na nti' ngu' cha' cua'ni na' sca cha' tlyu chacuayá' ji'i̱ ycui' Ni cha' ña'a̱ ngu' ji'i̱? ―nacui̱ Jesús―. Cha' liñi nchcui' na' lo'o ma̱, cha' ná ta ycui' Ni chacuayá' ña'a̱ ma̱ ni sca cha' tlyu ―nacui̱ Jesús ji'i̱ ngu' bi'.

SAN LUCAS 18:42

―Caca tso'o cloo nu'u̱ lacua ―nacui̱ Jesús ji'i̱―. Xqui'ya cha' jlya ti' nu'u̱ cha' 'na, bi' cha' tyaca tso'o nu'u̱ juani ―nacui̱ Jesús.

SAN LUCAS 19:41

Lo'o cua ndyalaa Jesús cacua ti to' quichi̱ Jerusalén, ngusi'ya tsa yu lo'o na'a̱ yu quichi̱ bi'. Li' nacui̱ yu ji'i̱ ngu':

SAN LUCAS 7:14

Li' ya̱a̱ Jesús cacua la slo ngu' bi', ngusta ya' yu chu̱' caju̱. Li' ndatu̱ ngu' nu ndyi'ya ji'i̱ jyo'o bi', nchcui' Jesús lo'o nu jyo'o bi': ―Yu cuañi' nu'u̱ ―nacui̱―. Tyaca'a̱ clya nu'u̱.

SAN JUAN 11:33

Xñi'i̱ tsa ñaa xtyi'i Jesús li', ndube tsa ti' yu cha' ndyunaa María, lo'o jua'a̱ ngusi'ya tsa ngu' judío tya'a ndya'a̱ María.

SAN JUAN 11:35

Lo'o Jesús ngusi'ya li'.

SAN JUAN 11:38

Ca chaca quiya' xñi'i̱ tsa ñaa xtyi'i Jesús, lo'o li' ndyaa yu ca to' cuaá. Sca tyuquee laca, lo'o ndu̱ sca quee tlyu ndyacu̱' tu'ba tyuquee bi'.

SAN JUAN 11:41

Li' ngulotsu' ngu' quee nu ndyacu̱' tu'ba tyuquee bi'. Li' nguxña'a̱ Jesús nde cua̱. ―Sti na' ―nacui̱ Jesús li'―, tsa xlya'be hi̱ cha' cua ndyuna nu'u̱ cha' nu nchcui' na' lo'o nu'u̱.

SAN JUAN 11:43

Li' cui̱i̱ tsa nchcui' Jesús: ―Lázaro, tyu'u nu'u̱ su ntsu'u nu'u̱ ndacua, tya̱a̱ nu'u̱ nde liya' re.

SAN JUAN 17:1

Lo'o ndye nchcui' Jesús cha' bi', li' nguxña'a̱ yu nde cua̱, lo'o jua'a̱ cui̱i̱ tsa nchcui' yu lo'o ycui' Ndyosi Sti yu: ―Chcui' na' lo'o nu'u̱, cha' nu'u̱ laca Sti na' ―nacui̱―. Cua ndyalaa hora 'na cha' caja̱a̱. Lo'o juani cua'ni nu'u̱ cha' caca tlyu la na', cha' laca na' Sñi' nu'u̱, cha' li' taca cua'ni na' cha' caca tlyu la ycui' nu'u̱.

LOS HECHOS 9:34

Li' nchcui' Pedro lo'o yu quicha bi': ―Eneas ―nacui̱― cua ngua'ni Jesucristo cha' ndyaca tso'o nu'u̱ juani ―nacui̱―. Bi' cha' tyatu̱ nu'u̱, xcua tso'o late' lo qui'ña cua. Hora ti ndatu̱ Eneas li'.

LOS HECHOS 9:40

Nchcui' Pedro lo'o ngu' li': ―Tyu'u ma̱ xi nde liya' ―nacui̱ yu ji'i̱ ngu'. Nu lo'o ndye ndu'u ngu' nde liya', li' ndyatu̱ sti̱' Pedro nchcui' yu lo'o ycui' Ndyosi. Nu lo'o ndye nchcui' yu lo'o ycui' Ndyosi, li' ndyaa yu nde su nscua jyo'o bi', nchcui' yu lo'o jyo'o bi' li': ―Tabita ―nacui̱ yu―, tyatu̱ nu'u̱ juani. Lo'o li' tsa tsiya' ca nguxuti'i̱ Tabita bi' cloo; li' nguxña'a̱ ji'i̱ Pedro, hora ti ndaca'a̱ li'.

HEBREOS 4:15

Laca Jesús sti jo'ó nu laca loo la cuentya ji'na, lo'o jua'a̱ tya'na tsa ti' Jesús ña'a̱ yu ji'na. Cua jlo ti' yu cha' ntsu'u tsa quiya' lo'o cua cua'ni ti nu cuxi ngana ji'na, cha' nu lo'o tya ndi'i̱ Jesús lo yuu chalyuu, la cui' jua'a̱ lye tsa ngua'ni cuayá' nu xña'a̱ ji'i̱ yu, si cua'ni yu cha' cuxi. Pana nu Jesús bi' ni, ni sca cha' cuxi ná ngua'ni yu, bi' cha' taca caca yu sti jo'ó nu laca loo la cuentya ji'na, cha' jlo ti' Jesús ñi'ya̱ nñilo'o tsa nu xña'a̱ ji'na.