SAN MARCOS 7:20 - Chatino Tataltepec

²⁰ Tya nchcui' la Jesús lo'o ngu' bi' li': ―Sca cha' nu nchcui' ñati̱, sca cha' nu ndyu'ni ñati̱, jua'a̱ caca cuayá' ti' na si ntsu'u cha' cuxi ne' cresiya ji'i̱ ngu' bi'.

SAN MARCOS 7:20 ပူးပေါင်းရင်းမြစ်များ

SAN MATEO 15:18

Pana sca cha' nu nchcui' ngu' ni, stu'ba laca bi' lo'o cha' nu ntsu'u ne' cresiya ji'i̱ ngu'; xqui'ya cha' nu nchcui' ngu', bi' cha' nchca cuayá' ti' xa' la ñati̱ si cua ngunu'u̱ tyiquee ngu' bi'.

SAN MATEO 4:4

Lo'o li' nguxacui̱ Jesús cha' ji'i̱: ―Cua nscua sca cha' lo quityi ji'i̱ ycui' Ndyosi ―nacui̱ Jesús ji'i̱―. Ndi'ya̱ nchcui' cha' bi': “Si'i na cu'ú ñati̱ chalyuu lo'o cacu ngu' tyaja ti, masi lo'o cuna ngu' lcaa cha' nu nchcui' ycui' Ndyosi, li' chañi cha' tyu'ú ngu'”. Jua'a̱ nscua lo quityi.

SAN MARCOS 7:15

Ná ntsu'u na ndacu ngu' nu cua'ni cha' caca cuxi tyiquee ngu' ―nacui̱ yu―. Lo'o nchcui' ngu' sca cha', lo'o ndyu'ni ngu' sca cña, jua'a̱ caca cuayá' ti' na si cuxi tyiquee ngu' bi'.

SAN MARCOS 7:21

Si chañi cha' ntsu'u cha' cuxi ne' cresiya ji'i̱ ñati̱, quiña'a̱ tsa cha' cuxi taca cua'ni ñati̱ bi' li': masi culacua cuxi ti' ngu', masi cua'ni suba' ngu' lo'o xa' ñati̱, masi tyu'u cha' ji'i̱ ngu' lo'o clyo'o xa' ñati̱, masi cujuii ngu' ji'i̱ tya'a ngu',

SAN MARCOS 7:23

Na cua ntsu'u tyiquee ñati̱ ji'i̱ lcaa cha' cuxi bi', bi' cha' ndiya ti' ngu' cua'ni ngu' ji'i̱. Bi' laca cha' nu ndu'ni cha' ná lubii cresiya ji'i̱ ñati̱ chalyuu.

HEBREOS 7:6

Pana nu cusu' Melquisedec bi' ni, si'i tya'a ngu' Leví ngua Melquisedec bi' tsiya' ti, masi ngusñi yu msta̱ nu cua nda Abraham ji'i̱ ycui' Ndyosi; li' ngulacua̱ nu cusu' bi' ji'i̱ Abraham, xqui'ya cha' cua ngüiñi cha' ji'i̱ ycui' Ndyosi lo'o Abraham tya clyo la.

SANTIAGO 3:6

Ñi'ya̱ laca sca quii', jua'a̱ laca sca cha' nu chcui' na; xqui'ya bi' taca xana chaca chalyuu nu cuxi tsa ji'na, nu lo'o cua ndyatí̱ nu cha' cuxi bi' ndyaa nde ne' cresiya ji'na. Xana cañi cha' cuxi bi' tyucui ña'a̱ na li'. Xqui'ya sca cha' nu chcui' ti na, ndyaca'a̱ quii' li'; lo'o nu quii' bi' ni, nde ca bilyaa tsiya' ti ndyu'u bi' lijya̱ cañi lcaa su ndi'i̱ na.

SANTIAGO 4:1

¿Ni cha' laca lye tsa nxu̱u̱ tya'a ma̱? ¿Ni cha' laca lya' tsa ti' ma̱ ji'i̱ tya'a ñati̱ ma̱? ¿Ha si'i na ndacui tsa ti' ma̱ ji'i̱ scaa na nu ntsu'u ji'i̱ tya'a ñati̱ ma̱? Ná nchca ji'i̱ ma̱ cha' ti̱ ti tyi'i̱ tyiquee ma̱ lo'o tya'a ma̱ xqui'ya lcaa lo cha' cuxi nu ndiya tsa ti' ma̱ ji'i̱.