SAN MARCOS 7:18 - Chatino Tataltepec

¹⁸ ―¿Ha lo'o cu'ma̱ ná ngua cuayá' ti' ma̱ cha' bi'? ―nacui̱ Jesús ji'i̱ ngu' li'―. ¿Ha ná jlo ti' ma̱ cha' si'i na nu cacu na laca nu cua'ni cha' caca cuxi tyiquee na? Ná taca.

SAN MARCOS 7:18 ပူးပေါင်းရင်းမြစ်များ

SAN MATEO 15:11

Si'i sca na nu ndacu ti ngu' nu ndu'ni cha' caca cuxi tyiquee ngu'; cha' nu ndyu'u nde tu'ba ngu', masi lcaa cha' nu nchcui' ngu' ni, xqui'ya cha' bi' caca cuayá' ti' na si ngunu'u̱ tyiquee ngu'.

SAN MATEO 16:11

¿Ni cha' laca nga'aa nda ma̱ cuentya, cha' ná nchcui' na' cha' ji'i̱ xlyá nu ndacu ngu' lo'o nacui̱ na' cha' ji'i̱ scua̱ tiye'? Xa' cacha' na' ji'i̱ ma̱, cui'ya ma̱ cuentya ñi'ya̱ ndu'ni scua̱ tiye' nu nda ngu', la cui' ngu' fariseo lo'o ngu' saduceo.

SAN MARCOS 4:13

’¿Ha ná ngua cuayá' ti' ma̱ ñi'ya̱ nti' ñacui̱ cui̱i̱ bi'? ―nacui̱ Jesús ji'i̱ ngu' bi' li'―. ¿Ñi'ya̱ caca ta ma̱ cuentya ji'i̱ xi xa' la cui̱i̱ lacua, si ná nduna ma̱ cha' nu nchcui' na' bi'? ―nacui̱―.

SAN MARCOS 7:17

Lo'o ca tiya' la, li' ndyatí̱ Jesús ndyaa ne' sca ni'i̱. Ndyanu nu quiña'a̱ ñati̱ bi' nde liya' ti. Lo'o li' nchcuane nu ngu' nu ndyaca tsa'a̱ ji'i̱, ñi'ya̱ ndyu'u cha' ji'i̱ cui̱i̱ nu nda ca ti yu.

SAN MARCOS 7:19

Lo'o cacu na sca na, li' tyatí̱ bi' nde tyuu tu'ba na, ca ti'i̱ bi' nde ne' na li'; lo'o tsaa na liya' tye lyiji cha' ji'i̱ li' ―nacui̱ Jesús. Jua'a̱ nchcui' Jesús cha' ca cuayá' ti' na cha' tso'o cacu na lcaa na nu ndacu ñati̱.

SAN LUCAS 24:25

Li' nchcui' Jesús lo'o nu ngu' nu tya'a ndyaa yu tyucui̱i̱: ―Lyiji tsa cha' ji'i̱ cu'ma̱ cha' ca cuayá' ti' ma̱ scaa cha'; tiya' tsa nxñi ma̱ lcaa cha' nu nda ngu' jyo'o nu ngua tu'ba ji'i̱ ycui' Ndyosi sa'ni la.

SAN JUAN 3:10

Li' nguxtyacui Jesús cha' lo'o: ―¿Ha si'i mstru cusu' laca nu'u̱ ji'i̱ ngu' judío? ¿Ni cha' laca ná nda nu'u̱ cuentya ji'i̱ cha' bi' lacua? ―nacui̱ yu―.

1 CORINTIOS 3:2

bi' cha' tiya' ti ngulu'u na' scaa cha' ji'i̱ ma̱. Ñi'ya̱ laca lo'o sca cubi' cuañi', styi' xtya'a̱ ti ntyi' cubi' bi', cha' ná nchca cacu tso'o; jua'a̱ ngua cu'ma̱, cha' ná ngua cuna tso'o ma̱ scaa cha'. Masi juani tya lyiji cua'ni yala ma̱ cha' ca tsa'a̱ tso'o ma̱,

HEBREOS 5:11

Cua quiña'a̱ tsa cha' nti' ya chcui' ya lo'o ma̱ cha' ji'i̱ Cristo, cha' quiña'a̱ tsa cha' tya lyiji ca cuayá' ti' ma̱. Pana ná nchca culu'u tso'o ya lcaa cha' bi' ji'i̱ ma̱; tlyu tsa cña caca, xqui'ya cha' ycui' cu'ma̱ ná ndyu'ni yala ma̱ cha' ca cuayá' ti' ma̱ cha' bi'.