SAN MARCOS 7:17 - Chatino Tataltepec

¹⁷ Lo'o ca tiya' la, li' ndyatí̱ Jesús ndyaa ne' sca ni'i̱. Ndyanu nu quiña'a̱ ñati̱ bi' nde liya' ti. Lo'o li' nchcuane nu ngu' nu ndyaca tsa'a̱ ji'i̱, ñi'ya̱ ndyu'u cha' ji'i̱ cui̱i̱ nu nda ca ti yu.

SAN MARCOS 7:17 ပူးပေါင်းရင်းမြစ်များ

SAN MATEO 13:10

Lo'o li' ndyaa ngu' nu ndyaca tsa'a̱ ji'i̱ cacua la slo Jesús. Nchcuane ngu' ji'i̱ yu li': ―¿Ni cha' ndacha' nu'u̱ cha' bi' ji'i̱ ngu' jua, ñi'ya̱ nti' si nchcui' nu'u̱ sca cña cua̱ ti? ―nacui̱ ngu' bi' ji'i̱ Jesús.

SAN MATEO 13:36

Lo'o li' nguxtyanu Jesús ji'i̱ nu quiña'a̱ tsa ñati̱ bi', ndyaa nde ni'i̱. Li' ndyalaa nu ngu' nu ndyaca tsa'a̱ ji'i̱ yu slo, nchcuane ngu' ji'i̱ yu li': ―Cusu', culu'u nu'u̱ ji'i̱ cua ñi'ya̱ ndyu'u cha' nu nda cui̱i̱ nu cuentya ji'i̱ quixi̱' nu ntyucua lo xtya̱ ji'i̱ ngu' ―nacui̱ ngu' ji'i̱ Jesús.

SAN MATEO 15:15

Li' nchcui' Pedro lo'o Jesús: ―Culu'u nu'u̱ ji'i̱ cua ñi'ya̱ ndyu'u cha' nu nda cui̱i̱ ji'i̱ na nu ndacu ngu' ―nacui̱―. Ná nchca cuayá' ti' ya.

SAN MARCOS 2:1

Ca tiya' la xi nguxtyu̱u̱ Jesús ndyaa ca quichi̱ Capernaum bi'. Hora ti nguañi cha' tyucui ña'a̱ quichi̱ cha' cua ndyalaa yu.

SAN MARCOS 3:20

Xa' ndyu'u ti'i̱ ñati̱ ca slo Jesús li'. Cha' quiña'a̱ tsa ñati̱ ndi'i̱, ná ngujui tyempo cha' cacu yu lo'o tya'a ndya'a̱ yu.

SAN MARCOS 4:10

Ca tiya' la lo'o cua ndu'u ñati̱ bi' ndyaa tsa tlyu ti, li' lijya̱ nu tii tyucuaa tya'a ngu' nu ndyaca tsa'a̱ ji'i̱ Jesús slo yu, lo'o jua'a̱ ñaa xa' la tya'a tso'o ngu' slo Jesús. Li' nchcuane ngu' ji'i̱ Jesús: ―¿Ñi'ya̱ ntsu'u cha' nu nda nu'u̱ nu ngua tsa̱ ti? ―nacui̱ ngu' bi' ji'i̱ Jesús.

SAN MARCOS 4:34

Xcui' lo'o cui̱i̱ ti ngulu'u Jesús ji'i̱ ñati̱ quiña'a̱, masi ná nda tso'o ngu' cuentya ñi'ya̱ cha' nda cui̱i̱ bi'; pana tiya' la ngulu'u tso'o yu cha' bi' ji'i̱ nu ngu' nu ndyaca tsa'a̱ ji'i̱ yu.

SAN MARCOS 7:16

Lcaa ma̱ nu nti' cuna ma̱, cua'a̱ jyaca̱ tso'o ma̱ ji'i̱ cha' bi' juani ―nacui̱ Jesús ji'i̱ ngu'.

SAN MARCOS 7:18

―¿Ha lo'o cu'ma̱ ná ngua cuayá' ti' ma̱ cha' bi'? ―nacui̱ Jesús ji'i̱ ngu' li'―. ¿Ha ná jlo ti' ma̱ cha' si'i na nu cacu na laca nu cua'ni cha' caca cuxi tyiquee na? Ná taca.

SAN MARCOS 9:28

Lo'o li' ndu'u Jesús ndyaa yu nde ne' ni'i̱. Li' nchcui' nu ngu' nu ndyaca tsa'a̱ ji'i̱ lo'o yu su ntucua ycui' ti ngu': ―¿Ni cha' ná ngua ji'i̱ ya culo ya ji'i̱ cui'i̱ nu ntsu'u ji'i̱ nu quicha bi'? ―nacui̱ ngu' ji'i̱ Jesús.