SAN MARCOS 7:15 - Chatino Tataltepec

¹⁵ Ná ntsu'u na ndacu ngu' nu cua'ni cha' caca cuxi tyiquee ngu' ―nacui̱ yu―. Lo'o nchcui' ngu' sca cha', lo'o ndyu'ni ngu' sca cña, jua'a̱ caca cuayá' ti' na si cuxi tyiquee ngu' bi'.

SAN MARCOS 7:15 ပူးပေါင်းရင်းမြစ်များ

SAN MATEO 12:34

Pana, ¡ñi'ya̱ nti' cuaña tyaala, jua'a̱ nti' cu'ma̱! Ná nchca chcui' ma̱ cha' tso'o laja lo'o ntsu'u tsa cha' cuxi tyiquee ma̱; ñi'ya̱ nu ntsu'u tyiquee scaa na, jua'a̱ ndyu'u cha' nu nchcui' na.

SAN MATEO 15:16

―¿Ha lo'o cu'ma̱, ná ngua cuayá' ti' ma̱? ―nacui̱ Jesús ji'i̱ ngu' bi' li'―.

SAN MARCOS 7:14

Ngua chaca quiya' ngusi'ya Jesús ji'i̱ quiña'a̱ tsa ñati̱ nu lca'a̱ ji'i̱ cha' ca̱a̱ ngu' cacua la xi. ―Cua'a̱ jyaca̱ lcaa cu'ma̱ ji'i̱ cha' nu ta na' lo'o ma̱, cha' ca cuayá' ti' ma̱ sca cha' ―nacui̱ Jesús ji'i̱ ngu' li'―.

SAN MARCOS 7:16

Lcaa ma̱ nu nti' cuna ma̱, cua'a̱ jyaca̱ tso'o ma̱ ji'i̱ cha' bi' juani ―nacui̱ Jesús ji'i̱ ngu'.

LOS HECHOS 10:28

Nda Pedro cha' lo'o ngu' bi' li': ―Jlo ti' ma̱ cha' ná ntsu'u chacuayá' ji'i̱ cua nu laca ya ngu' judío, cha' tyu'u ti'i̱ ya lo'o cu'ma̱ ngu' xa' tsu' ―nacui̱ Pedro ji'i̱ ngu'―. Ná ntsu'u chacuayá' tyatí̱ ya ni'i̱ ji'i̱ ngu' xa' tsu' ―nacui̱―. Pana cua ngulu'u ycui' Ndyosi jna' cha' ná tso'o chcui' na' ji'i̱ xa' ñati̱ cha' ñati̱ cuxi laca ngu', cha' si'i ñati̱ lubii laca ngu', masi ngu' xa' tsu' laca ngu'.

ROMANOS 14:17

Nu lo'o laca ycui' Ndyosi loo ji'na ni, ná ndulo tsa cha' ji'na cuentya ji'i̱ sca na nu ndacu na, sca na nu co'o na; nu ndulo tsa ji'na laca cha' tya̱a̱ Xtyi'i ycui' Ndyosi tyanu ne' cresiya ji'na, cha' ca tso'o cresiya ji'na xqui'ya Jesús. Bi' cha' ti̱ ti taca tyi'i̱ tyiquee na chalyuu, taca ca chaa ti' na xqui'ya ycui' Ndyosi; lcaa cha' bi' caca nu lo'o laca Ni loo ji'na.

1 CORINTIOS 10:25

Taca cacu ma̱ lcaa na ndacu nu nchca caya' ni'i̱ lcaya'; ná sca culacua ti' ma̱ na ca laca bi', si tso'o, si ná tso'o laca bi' cuentya ji'i̱ ma̱.

TITO 1:15

Lubii tsa laca lcaa lo na, jua'a̱ nti' sca ngu' nu lubii cresiya ji'i̱ cuentya ji'i̱ ycui' Ndyosi; pana ná ntsu'u na lubii tsiya' ti nti' ngu' nu cuxi tyiquee, cha' ná jlya ti' ngu' bi' ji'i̱ cha' liñi. Lo'o cua'ni ngu' nu cuxi tyiquee cha' cuxi, li' nga'aa nda ngu' bi' cuentya cha' xcui' cha' cuxi laca nu ndu'ni ngu'.

HEBREOS 13:9

Ná ta ma̱ chacuayá' culu'u ñati̱ xi xa' la cha' ji'i̱ ma̱, sca cha' nu ná stu'ba nchcui' lo'o cha' bi', cha' ná xtyanu ma̱ jua'a̱ ji'i̱ tyucui̱i̱ liñi. Tso'o la si tyanu tso'o lcaa cha' ji'i̱ ycui' Ndyosi ne' cresiya ji'na, si cube ti' na ji'i̱ lcaa cha' tso'o nu ndu'ni Ni lo'o na lcaa hora; pana ná taca tyanu tso'o cha' ji'i̱ ycui' Ndyosi ne' cresiya ji'na lo'o taquiya' na ji'i̱ cua ña'a̱ ca cña nu tatsaa ngu' ji'na, ñi'ya̱ nti' si nacui̱ ngu' cha' ná tso'o cacu na sca lo na nu ndacu ngu'. Masi cua ndaquiya' tsa na ji'i̱ cña bi' tya tsubi' la, si'i na tso'o la ngua ti' na lo'o ngua'ni na jua'a̱.

HEBREOS 9:10

Xcui' cha' nu nchcui' ñati̱ chalyuu ti laca, masi ñacui̱ ngu' cha' ná tso'o cacu na co'o na sca lo na, masi ñacui̱ ngu' ñi'ya̱ cua'ni na cha' caca lubii cresiya ji'na; cña nu ndatsaa ti ñati̱ chalyuu ji'na cha' cua'ni na, jua'a̱ laca cha' bi'. Xti ti tyempo talo cha' bi' ña'a̱ cuayá' xcutsa'a̱ ycui' Ndyosi lcaa cha'.