SAN MARCOS 7:10 - Chatino Tataltepec

¹⁰ ¿Ha ná ntsu'u ti' ma̱ cha' nu nchcui' jyo'o Moisés cuentya ji'i̱ ycui' Ndyosi lo'o ñati̱ sa'ni? “Tucuá ma̱ cha' nu nchcui' sti ma̱, cha' nu nchcui' xtya'a̱ ma̱”, nacui̱ Ni. “Si chcui' ma̱ cha' cuxi ji'i̱ sti ma̱ ji'i̱ xtya'a̱ ma̱, ntsu'u cha' cujuii ngu' ji'i̱ ma̱ li'”, nacui̱ Ni.

SAN MARCOS 7:10 ပူးပေါင်းရင်းမြစ်များ

SAN MATEO 15:4

Cua nchcui' ycui' Ndyosi lo'o na: “Tucuá ma̱ cña nu nchcui' sti ma̱, nu nchcui' xtya'a̱ ma̱”, nacui̱ Ni. “Lo'o jua'a̱ si chcui' ma̱ cha' cuxi ji'i̱ sti ma̱, ji'i̱ xtya'a̱ ma̱, li' ntsu'u cha' cujuii ngu' ji'i̱ ma̱”, nacui̱ Ni.

SAN MARCOS 10:19

Jlo ti' nu'u̱ lcaa cña nu ngulo ycui' Ndyosi ji'i̱ ñati̱ cua sa'ni la: “Ná cujuii ma̱ ji'i̱ tya'a ñati̱ ma̱; ná cua'ni ma̱ cha' suba' lo'o clyo'o xa' ñati̱; ná cuaana ma̱ cha' tso'o nu ntsu'u ji'i̱ tya'a ñati̱ ma̱; ná chcui' ma̱ cuentyu ji'i̱ tya'a ñati̱ ma̱; ná cua'ni ma̱ ngana ji'i̱ tya'a ñati̱ ma̱ cuaana ti; lo'o jua'a̱, cua'ni tlyu ma̱ ji'i̱ sti ma̱, ji'i̱ xtya'a̱ ma̱, taquiya' ma̱ ji'i̱ cha' nu nchcui' ngu' bi'”.