SAN MARCOS 6:56 - Chatino Tataltepec

⁵⁶ Tyu̱u̱ tya'a quichi̱ su ndyaa Jesús, lo'o quichi̱ tlyu, lo'o quichi̱ sube ti, lo'o to' tyi ñati̱ ti ne' quixi̱', lcaa su ndya'a̱ yu ñaa ngu' ñaa lo'o ngu' ji'i̱ nu quicha ji'i̱ ngu'. Ndijña ngu' chacuayá' ji'i̱ Jesús cha' cala' ti ngu' quicha masi quiya' ste' ti yu. Lo'o lcaa nu quicha nu ndyala' ste' Jesús ni, hora ti ngua tso'o ngu' bi' li'.

SAN MARCOS 6:56 ပူးပေါင်းရင်းမြစ်များ

SAN MATEO 14:36

Ndijña ngu' chacuayá' ji'i̱ yu cha' cala' ngu' quicha bi' masi quiya' ste' ti yu; lo'o ndyala' ngu' quicha bi' ste' yu, hora ti ngua tso'o ngu' bi' li'.

SAN MATEO 9:20

Pana tyucui̱i̱ su ndyaa ngu' njyacua sca nu cuna'a̱ quicha ji'i̱ Jesús, lijya̱ nde chu̱' yu cha' cala' ma' quiya' ste' yu; cua tii tyucuaa yija̱ quicha nu cuna'a̱ bi', cha' ndyalú tañi.

SAN MARCOS 3:10

Jlo ti' ngu' cha' cua ngua'ni yu jo'o ji'i̱ quiña'a̱ tsa ngu' quicha, bi' cha' tachaa tsa ndi'i̱ ngu' quicha slo; cua nti' tsa ngu' cala' ngu' ji'i̱ ycui' Jesús.

SAN MARCOS 6:55

Ngusna ngu' ndyaa ngu' ca slo ca ta'a ngu' quicha, cha' tyaa lo'o ngu' ji'i̱ ngu' quicha bi' slo Jesús; masi ngu' quichi̱ cacua ti, masi ngu' tyijyu' la xi, ndyi'ya ngu' ji'i̱ ngu' quicha lijya̱. Masi ne' catya̱, masi lo jaa' ti ndyaa ngu', cha' tyalaa ngu' ca su ndu̱ Jesús.

SAN LUCAS 22:51

Li' nacui̱ Jesús ji'i̱ ngu': ―Cuayá' tsa lo cua ti. Ta ti'i̱ ma̱ maxtyi ji'i̱ ma̱. Li' ngusta ya' Jesús lo scua' jyaca̱ msu bi', ngua tso'o ca scua' jyaca̱ yu li'.

SAN LUCAS 6:19

Lcaa ngu' bi' nti' ngu' sta ya' ngu' chu̱' Jesús; nti' ngu' cha' cua'ni yu jo'o ji'i̱ lcaa ñati̱ quicha bi', xqui'ya cha' tlyu tsa chacuayá' ntsu'u ji'i̱ yu. Ndyaca tso'o lcaa ngu' quicha bi' li'.

SAN LUCAS 8:44

Nu juani cua lijya̱ ma' bi' nde chu̱' Jesús, ndyala' quiya' ste' yu; hora ti ngusi'yu cu' cha' ndyalú tañi ma', ngua tso'o ma'.

LOS HECHOS 4:12

bi' cha' nchca ji'i̱ cua'ni lyaá ji'na ji'i̱ lcaa cha' cuxi nu ntsu'u ji'na; ná ntsu'u xa' ñati̱ tyucui ña'a̱ chalyuu nu nchca la ji'i̱, cha' sca ti ji'i̱ Jesús cua nda ycui' Ndyosi chacuayá' cua'ni cña bi'.

LOS HECHOS 4:9

cua nchcuane ma̱ ji'i̱ ya ni cha' laca nguxtyucua ya ji'i̱ yu re nu ngua quicha quiya' ―nacui̱―, ni cha' ngua'ni ya jo'o ji'i̱ yu re ―nacui̱―.

LOS HECHOS 5:15

Li' ndyaa ngu' quichi̱ bi', ndyaa qui'ya ngu' ji'i̱ ngu' quicha nu ntsiya slo ngu'. Li' ngusta ngu' ji'i̱ ngu' quicha bi' lo jaa', masi lo qui'ña, cha' tsaa lo'o ngu' ji'i̱ ngu' quicha bi' ca to' calle su tyeje tacui Pedro. Ngua ti' ngu' masi cua'a̱ ti tyacala' nu nda Pedro loo ngu' quicha bi', nu lo'o nteje tacui yu. Tyaca tso'o nu quicha bi' li'.