SAN MARCOS 6:52 - Chatino Tataltepec

⁵² Ná nda ngu' cuentya tsiya' ti ñi'ya̱ ngua cha' nguta'a̱ Jesús lo hitya. La cui' ti cha' ná ngua cuayá' ti' ngu' ñi'ya̱ nu ngua'ni Jesús lo'o ngusa'be yu ji'i̱ xlyá bi'. Na cua ndyacu̱' hique ngu'.

SAN MARCOS 6:52 ပူးပေါင်းရင်းမြစ်များ

SAN MARCOS 16:14

Ca ngusi̱i̱ la xi, li' ndyu'u tucua Jesús slo nu tii chaca tya'a ngu' nu ndyaca tsa'a̱ ji'i̱ su nga'a̱ ngu' ndyacu ngu' to' mesa. Lye nchcui' yu lo'o ngu' bi' ni cha' laca ná jlya tso'o ti' ngu', ni cha' laca ndyacu̱' hique ngu'. Lo'o jua'a̱ nchcui' yu lo'o ngu' ni cha' laca ná ndaquiya' ngu' ji'i̱ ngu' tya'a ngu', nu cua na'a̱ ji'i̱ yu clyo lo'o ndyu'ú ca ti yu chaca quiya'.

SAN MARCOS 3:5

Ñasi̱' xi Jesús ña'a̱ yu ji'i̱ ngu' bi', jua'a̱ xñi'i̱ xi ti' yu cha' ná ntaja'a̱ ngu' cui'ya ngu' cuentya ji'i̱ cha' nu nclyu'u yu ji'i̱ ngu'. Li' nchcui' yu lo'o nu quicha bi': ―Xquiñi nu'u̱ ya' ―nacui̱ Jesús ji'i̱. Nguxquiñi yu ya' yu li', lo'o hora ti ngua tso'o ya' yu.

SAN MARCOS 7:18

―¿Ha lo'o cu'ma̱ ná ngua cuayá' ti' ma̱ cha' bi'? ―nacui̱ Jesús ji'i̱ ngu' li'―. ¿Ha ná jlo ti' ma̱ cha' si'i na nu cacu na laca nu cua'ni cha' caca cuxi tyiquee na? Ná taca.

SAN LUCAS 24:25

Li' nchcui' Jesús lo'o nu ngu' nu tya'a ndyaa yu tyucui̱i̱: ―Lyiji tsa cha' ji'i̱ cu'ma̱ cha' ca cuayá' ti' ma̱ scaa cha'; tiya' tsa nxñi ma̱ lcaa cha' nu nda ngu' jyo'o nu ngua tu'ba ji'i̱ ycui' Ndyosi sa'ni la.

SAN JUAN 12:40

Cua ndacu̱' ycui' Ndyosi hique ngu' bi', ngua'ni Ni cha' cu'u̱ ti hique ngu' bi'. Jua'a̱ ngua cha' ná ña'a̱ ngu' ni cha' laca bi', cha' ná caca cuayá' ti' ngu' cha' bi'. Lo'o jua'a̱ ná ntaja'a̱ ngu' culochu̱' ngu' ji'i̱ cha' cuxi nu ntsu'u tyiquee ngu', bi' cha' ná nchca cui'ya na' cha' clyu ti' ji'i̱ ngu' ji'i̱ cha' cuxi bi' li', nacui̱ ycui' Ni.

ROMANOS 11:7

Ndi'ya̱ ngua li': Ná lcaa ngu' Israel ngua ji'i̱ ngu' cua'ni ngu' cha' ca tso'o cresiya ji'i̱ ngu' cuentya ji'i̱ ycui' Ndyosi, ñi'ya̱ ngua ti' ngu' cha' cua'ni ngu'. Ñati̱ nu ngusubi ycui' Ndyosi ji'i̱ ni, ngujui ñi'ya̱ caca cha' bi' ji'i̱ ngu'; pana nu xa' la tya'a ngu' Israel bi', tsa tyempo ti ndyacu̱' jyaca̱ ngu'.