SAN MARCOS 6:41 - Chatino Tataltepec

⁴¹ Li' ndaya' Jesús ji'i̱ nu ca'yu tya'a xlyá teje' lo'o nu tucua tya'a cualya bi', nguxña'a̱ yu nde cua̱ cha' tya yu xlya'be ji'i̱ ycui' Ndyosi xqui'ya xlyá, lo'o jua'a̱ xqui'ya cualya. Ndya'be xlyá li', nda yu xlyá yu'be ji'i̱ nu ngu' nu ndyaca tsa'a̱ ji'i̱ cha' tacha ngu' ji'i̱ nu ngu' quiña'a̱ bi'; la cui' jua'a̱ ngusa'be yu ji'i̱ cualya cha' cacu ngu'.

SAN MARCOS 6:41 ပူးပေါင်းရင်းမြစ်များ

SAN MATEO 14:19

Li' ngulo Jesús cña ji'i̱ nu ngu' quiña'a̱ bi', cha' tyaca'a̱ ngu' xi lo quii. Li' ndaya' yu ji'i̱ nu ca'yu tya'a xlyá teje' bi' lo'o ji'i̱ nu tucua tya'a cualya bi'; nxña'a̱ yu nde cua̱ li', ndya xlya'be ji'i̱ ycui' Ndyosi, lo'o li' nguxana yu nsa'be yu xlyá lo'o cualya bi', nda yu yu'be bi' ji'i̱ ngu' nu ndyaca tsa'a̱ ji'i̱ cha' tacha ngu' ji'i̱ ñati̱ bi'.

SAN MATEO 15:36

Li' ngusñi Jesús nu cati tya'a xlyá bi' lo'o cualya bi', ndya xlya'be ji'i̱ ycui' Ndyosi xqui'ya cha' ntsu'u na cacu ngu'. Li' ngusa'be Jesús xlyá lo'o cualya bi', nda yu'be bi' ji'i̱ ngu' nu ndyaca tsa'a̱ ji'i̱ cha' ta ngu' ji'i̱ nu ngu' quiña'a̱ bi'.

SAN MATEO 26:26

Laja lo'o ndyacu ngu', li' ngusñi Jesús sca xlyá, ndya xlya'be ji'i̱ ycui' Ndyosi, ngusa'be ji'i̱ xlyá bi'. Li' nda Jesús yu'be xlyá bi' ji'i̱ ngu' nu ndyaca tsa'a̱ ji'i̱. ―Cacu ma̱ xlyá re, cha' ñi'ya̱ nti' cuaña' na', jua'a̱ nti' nu nde ―nacui̱ Jesús ji'i̱ ngu' bi'.

SAN MARCOS 14:22

Tya ndyacu ngu' si̱i̱ bi' lo'o ntejeya' Jesús ji'i̱ sca xlyá, ndya yu xlya'be ji'i̱ ycui' Ndyosi cuentya ji'i̱ xlyá bi', ngusa'be yu ji'i̱, cha' tacha ji'i̱ ngu' cha' cacu ngu'. ―Cacu ma̱ xlyá re ―nacui̱ Jesús ji'i̱ ngu'―, cha' ñi'ya̱ nti' cuaña' na', jua'a̱ nti' nu nde.

SAN MARCOS 6:40

Li' cuentya taju ti ndyaca'a̱ ngu' lo yuu; cuentya sca siyento tya'a ñati̱ sca taju, cuentya tu'ba tyii tya'a ñati̱ sca taju, jua'a̱ ndyaca'a̱ ngu'.

SAN MARCOS 6:42

Jua'a̱ ngua cha' ndyacu lcaa ngu', lo'o nguaala' ji'i̱ ngu'.

SAN MARCOS 7:34

Li' nguxña'a̱ Jesús nde cua̱, lye tsa ñaa xtyi'i li'. ―Efata ―nacui̱ Jesús ji'i̱ nu quicha bi' li'. (Ndi'ya̱ ndyu'u cha' bi' cha'cña ji'i̱ yu: Tyaala tyuu jyaca̱ nu'u̱, jua'a̱ nti' ñacui̱ cha' bi'.)

SAN MARCOS 8:19

Nu lo'o ngusa'be na' ca'yu tya'a xlyá teje' ndyacu nu ca'yu mil tya'a ñati̱ bi' ni, ¿ni lcua tya'a chcubi ntsu'u yu'be xlyá nu cua nguxuti'i̱ ma̱ li'? ―nacui̱ Jesús ji'i̱ ngu'. ―Tii tyucuaa tya'a chcubi ―nacui̱ ngu' ji'i̱.

SAN LUCAS 24:30

Pana nu lo'o cua nga'a̱ yu lo'o ngu' to' mesa, li' ngusñi yu sca xlyá, ndya yu xlya'be ji'i̱ ycui' Ndyosi; lo'o li' ngusa'be yu xlyá bi', cha' ta yu ji'i̱ ngu'.

SAN LUCAS 9:16

Li' ndaya' Jesús ji'i̱ nu ca'yu tya'a xlyá teje' lo'o ji'i̱ nu tucua tya'a cualya bi'. Nde cua̱ nguxña'a̱ yu cha' ndya xlya'be ji'i̱ ycui' Ndyosi xqui'ya scuaa bi'. Li' ngusa'be yu scuaa bi', cuati nda yu yu'be bi' ji'i̱ ngu' tya'a ndya'a̱ yu cha' tacha ngu' ji'i̱ ngu' quiña'a̱ bi'.

SAN JUAN 11:41

Li' ngulotsu' ngu' quee nu ndyacu̱' tu'ba tyuquee bi'. Li' nguxña'a̱ Jesús nde cua̱. ―Sti na' ―nacui̱ Jesús li'―, tsa xlya'be hi̱ cha' cua ndyuna nu'u̱ cha' nu nchcui' na' lo'o nu'u̱.

SAN JUAN 17:1

Lo'o ndye nchcui' Jesús cha' bi', li' nguxña'a̱ yu nde cua̱, lo'o jua'a̱ cui̱i̱ tsa nchcui' yu lo'o ycui' Ndyosi Sti yu: ―Chcui' na' lo'o nu'u̱, cha' nu'u̱ laca Sti na' ―nacui̱―. Cua ndyalaa hora 'na cha' caja̱a̱. Lo'o juani cua'ni nu'u̱ cha' caca tlyu la na', cha' laca na' Sñi' nu'u̱, cha' li' taca cua'ni na' cha' caca tlyu la ycui' nu'u̱.

SAN JUAN 6:11

Lo'o li' ndaya' Jesús ji'i̱ xlyá bi', ndya yu xlya'be ji'i̱ ycui' Ndyosi cha' cua nda Ni na cacu ngu'. Li' ngusa'be Jesús xlyá bi', nda yu ji'i̱ ngu' nu ndyaca tsa'a̱ ji'i̱, lo'o ngu' bi' laca nu ndacha xlyá ji'i̱ ngu' quiña'a̱ bi' ca su ndi'i̱ ngu'. Lo'o cualya bi' nda Jesús cacu ngu'. Li' ndyacu ngu' ña'a̱ cuayá' nu nguaala' ti' lcaa ngu'.

SAN JUAN 6:23

Lo'o li' ngulaa xi xa' la yaca ni'i̱ nu ngutu'u nde quichi̱ Tiberias, ndyacui to' hitya cacua ti su ndyacu ngu' xlyá nu cua nda ycui' nu Xu'na na xlya'be ji'i̱ ycui' Ndyosi cuentya ji'i̱.

LOS HECHOS 27:35

Lo'o ndye nchcui' Pablo lo'o ngu', li' ngusñi yu sca xlyá. Ndya yu xlya'be ji'i̱ ycui' Ndyosi slo lcaa ngu', ngusa'be yu xlyá bi', ndyacu yu li'.

ROMANOS 14:6

Si tacati tsa sca tsa̱ cuentya ji'i̱ tsaca ngu', bi' laca tsa̱ nu nga'a̱ cha' cua'ni chi̱ ngu' bi' loo ycui' Ndyosi lacua; lo'o jua'a̱ taca cua'ni chi̱ nu xa' la ñati̱ loo ycui' Ndyosi, masi ná ntsu'u cha' tacati ji'i̱ ngu' lo'o tsa̱ bi'. La cui' jua'a̱ ndyu'u cha' lo'o ñati̱ nu ná ntsi̱i̱ cacu cuaña' bi'; xqui'ya cha' ngusñi ngu' cha' ji'i̱ ycui' Ndyosi, bi' cha' ná ntsi̱i̱ ngu' bi'. Ndya ngu' xlya'be ji'i̱ ycui' Ni lo'o ndacu ngu' ji'i̱. Lo'o nu ntsi̱i̱ cacu cuaña' bi' ni, la cui' ti xqui'ya ycui' Ndyosi ntsi̱i̱ ngu' cacu ngu' ji'i̱; lo'o ngu' bi' ndya ngu' xlya'be ji'i̱ ycui' nu Xu'na na cha' nda Ni na cacu ngu'.

1 CORINTIOS 10:31

Tso'o lacua masi cacu ma̱, masi co'o ma̱, masi cua'ni ma̱ lcua ti lo cña nu ndyu'ni ma̱, pana tyi'u ti' ma̱ ji'i̱ ycui' Ndyosi laja lo'o cua'ni ma̱ lcaa cña bi', cha' caca cuayá' ti' ngu' li' cha' tso'o tsa laca cha' ji'i̱ ycui' Ndyosi, la cui' cha' nu cua ngusñi ma̱.

COLOSENSES 3:17

Lcaa ña'a̱ cña nu nti' ma̱ cha' cua'ni ma̱, lcaa ña'a̱ cha' nu nti' ma̱ chcui' ma̱ lo'o ñati̱, chacuayá' ji'i̱ Jesús nu Xu'na na cua'ni ma̱ ji'i̱ lacua. Lo'o jua'a̱ la cui' hora bi' tya ma̱ xlya'be ji'i̱ ycui' Ndyosi Sti na xqui'ya Jesús.