SAN MARCOS 6:34 - Chatino Tataltepec

³⁴ Lo'o ndyalaa yaca ni'i̱ sube ti to' tayu', ndu'u Jesús na'a̱ yu cha' quiña'a̱ tsa ñati̱ ndi'i̱. Lo'o jua'a̱, tya'na tsa ti' Jesús ña'a̱ yu ji'i̱ nu ngu' quiña'a̱ bi'; ngulacua ti' yu cha' ñi'ya nti' xlya' nu ná ntsu'u nu ña'a̱si̱i̱ ji'i̱, jua'a̱ ndya'a̱ nu ñati̱ quiña'a̱ bi', ngua ti' Jesús. Bi' cha' tyiquee' ngulu'u yu quiña'a̱ tsa cha' ji'i̱ ngu' bi'.

SAN MARCOS 6:34 ပူးပေါင်းရင်းမြစ်များ

SAN MATEO 14:14

Lo'o ndyalaa yaca ni'i̱ bi' to' hitya, li' ngutu'u Jesús; na'a̱ yu cha' cua ndyalaa quiña'a̱ tsa ñati̱ cajua li'. Tya'na tsa ti' yu ji'i̱ lcaa ngu' bi', bi' cha' ngua'ni yu cha' ndyaca tso'o ngu' quicha nu ndya'a̱ ngu' lo'o.

SAN MATEO 15:32

Lo'o li' ngusi'ya Jesús ji'i̱ ngu' nu ndyaca tsa'a̱ ji'i̱ cha' ca̱a̱ ngu' slo. Nchcui' lo'o ngu' li': ―Tya'na tsa ti' na' ji'i̱ nu ngu' quiña'a̱ re ―nacui̱ Jesús ji'i̱ ngu' bi'―. Cua sna tsa̱ ndya'a̱ ngu' lo'o na' juani, lo'o nga'aa ntsu'u na cacu ngu' tsiya' ti. Ná tso'o culo na' cña ji'i̱ ngu' re cha' tyaa ngu' ña'a̱ lo'o jbi'ña ti ndya'a̱ ngu', cha' ná talo ngu' tyucui̱i̱ jua'a̱.

SAN MATEO 9:36

Tya'na tsa ti' Jesús ji'i̱ nu quiña'a̱ tsa ñati̱ nu ndya'a̱ lca'a̱ ji'i̱, cha' ná nchca ji'i̱ ngu' bi'; nga'aa jlo ti' ngu' ñi'ya̱ nu tyi'i̱ tso'o la ngu'. Ñi'ya̱ ndu'ni xlya' nu ná ntsu'u nu ña'a̱si̱i̱ ji'i̱ ni', jua'a̱ ndu'ni ngu' quiña'a̱ bi', ngua ti' Jesús.

SAN MARCOS 6:33

Pana tyu̱u̱ tya'a ñati̱ na'a̱ mala ndyaa ngu'. Ndyuloo ñati̱ bi' ji'i̱ ngu', lo'o li' nguañi cha' bi' ca tyu̱u̱ tya'a quichi̱. Bi' cha' ngusna ngu' quichi̱ bi' ndyaa ngu' to' tayu', nde loo la ndyalaa ngu' su ndyaa Jesús lo'o tya'a ndya'a̱ yu.

SAN MARCOS 6:35

Lo'o cua ngusi̱i̱, li' ñaa ngu' nu ndyaca tsa'a̱ ji'i̱ yu slo yu cha' chcui' ngu' lo'o yu: ―Ná ndi'i̱ ñati̱ ca nde ―nacui̱ ngu'―, lo'o jua'a̱ ngusi̱i̱ tsa juani.

SAN MARCOS 8:1

Ngua chaca tsa̱. Tya tsubi' ndyu'u ti'i̱ quiña'a̱ tsa ñati̱ slo Jesús, bi' cha' nga'aa ntsu'u na cacu ngu' juani. Li' nchcui' Jesús lo'o nu ngu' nu ndyaca tsa'a̱ ji'i̱:

SAN MARCOS 8:2

―Tya'na tsa ti' na' ji'i̱ nu ngu' quiña'a̱ re ―nacui̱―, cha' sna tsa̱ cua nguta'a̱ ngu' lo'o na'. Nga'aa ntsu'u tsiya' ti na cacu ngu' juani.

SAN LUCAS 9:11

Pana nu lo'o cua ngua jlo ti' xa' ñati̱ macala su ndyaa Jesús, li' ndu'u lca'a̱ ñati̱ bi' ji'i̱ yu. Lo'o ndyalaa ngu' slo yu, li' ndyanu ngu' cha' culu'u yu ji'i̱ ngu' ñi'ya̱ caca nde loo lo'o caca ycui' Ndyosi loo ne' cresiya ji'i̱ ñati̱. Lo'o jua'a̱ lijya̱ ngu' quicha cha' cua'ni yu cha' tyaca tso'o ngu', nti' ngu'.

HEBREOS 2:17

Bi' cha' lacua, stu'ba ti ntsu'u cha' ji'i̱ Jesús lo'o ñati̱ ji'i̱ ycui' nde chalyuu. Ngujuii yu lo crusi cuentya ji'na, lo'o juani ntucua yu ca slo ycui' Ndyosi cha' chcui' yu lo'o Ni, cha' cuityi̱ Ni qui'ya nu ntsu'u ji'na. Juani laca Jesús ñi'ya̱ laca sca sti jo'ó nu laca loo la nu ndyi'u tsa ti' ji'na, nu jua'a̱ tso'o tsa ndu'ni tya'na ti' ji'na.

HEBREOS 4:15

Laca Jesús sti jo'ó nu laca loo la cuentya ji'na, lo'o jua'a̱ tya'na tsa ti' Jesús ña'a̱ yu ji'na. Cua jlo ti' yu cha' ntsu'u tsa quiya' lo'o cua cua'ni ti nu cuxi ngana ji'na, cha' nu lo'o tya ndi'i̱ Jesús lo yuu chalyuu, la cui' jua'a̱ lye tsa ngua'ni cuayá' nu xña'a̱ ji'i̱ yu, si cua'ni yu cha' cuxi. Pana nu Jesús bi' ni, ni sca cha' cuxi ná ngua'ni yu, bi' cha' taca caca yu sti jo'ó nu laca loo la cuentya ji'na, cha' jlo ti' Jesús ñi'ya̱ nñilo'o tsa nu xña'a̱ ji'na.