SAN MARCOS 6:30 - Chatino Tataltepec

³⁰ Ca tiya' la xi xa' ndyalaa ngu' tya'a ndya'a̱ Jesús slo yu, ngu' nu ndyaa nchcui' lo'o ngu' xa' quichi̱ cha' ji'i̱ Jesús. Nda ngu' cha' lo'o yu ñi'ya̱ nu ngua'ni ngu', ñi'ya̱ nu ngulu'u ngu' ji'i̱ ñati̱ ca bi'.

SAN MARCOS 6:30 ပူးပေါင်းရင်းမြစ်များ

SAN MATEO 10:2

Nde nscua na' xtañi ca ta'a tii tyucuaa tya'a ngu' nu ngusubi Jesús: nu clyo ngusubi yu ji'i̱ Simón, nu lo'o ndu'ni ngu' Pedro ji'i̱, lo'o Andrés tya'a ngula nu Simón bi'; li' ngusubi yu ji'i̱ Jacobo, lo'o Juan tya'a ngula Jacobo, nu laca sñi' Zebedeo;

SAN MARCOS 3:14

ngusubi yu ji'i̱ tii tyucuaa tya'a ñati̱ bi', cha' ca tsa'a̱ ngu' ji'i̱ yu. Bi' ngu' nu ta Ni ji'i̱ cha' tsaa ngu' slo ñati̱ xa' quichi̱, cha' culu'u ngu' cha' tso'o ji'i̱ ycui' Ni ji'i̱ lcaa ñati̱.

SAN MARCOS 6:29

Ñi'ya̱ ngua li', lo'o ndyuna ngu' nu ndyaca tsa'a̱ ji'i̱ Juan cha' nscua jyo'o bi', hora ti ndyaa ngu' ca su ntsiya jyo'o Juan. Li' ndyaa ngu' nguxatsi' ngu' ji'i̱ jyo'o bi'.

SAN LUCAS 10:17

Ca tiya' la nguxtyu̱u̱ nu snayala tyii tya'a ngu' ñaa ngu' slo Jesús. Chaa tsa ti' ngu'. ―Cusu' ―nacui̱ ngu' ji'i̱ Jesús―, lo'o nu cui'i̱ cuxi ndaquiya' ji'i̱ cña nu ngulo ya ji'i̱ chacuayá' jinu'u̱ ―nacui̱ ngu'.

SAN LUCAS 17:5

Li' nacui̱ nu ngu' nu ndyaca tsa'a̱ ji'i̱ Jesús: ―Xtyucua nu'u̱ ji'i̱ ya cha' taca jlya la ti' ya cha' jinu'u̱ ―nacui̱ ngu' ji'i̱.

SAN LUCAS 22:14

Nu lo'o ndyalaa hora cha' cacu ngu' si̱i̱, li' ndyaa tucua Jesús to' mesa lo'o nu ngu' nu ndyaca tsa'a̱ ji'i̱ bi'.

SAN LUCAS 24:10

Ndi'ya̱ naa ngu' cuna'a̱ nu ndyaa to' cuaá bi': ndyaa María Magdalena, cuati Juana, lo'o María xtya'a̱ Jacobo, lo'o xi xa' la ngu' cuna'a̱.

SAN LUCAS 6:13

Lo'o nguxee chaca tsa̱, li' ngusi'ya yu ji'i̱ ñati̱ nu ndya'a̱ lo'o yu cha' tya̱a̱ ngu' slo yu. Li' ngusubi yu ji'i̱ tii tyucuaa tya'a ngu'; nda yu chacuayá' ji'i̱ nu ngu' bi', cha' tsaa culu'u ngu' ji'i̱ xa' ñati̱.

SAN LUCAS 9:10

Nu lo'o nguxtyu̱u̱ ngu' tya'a ndya'a̱ Jesús ndyalaa ngu' slo yu, li' nchcui' ngu' lo'o yu lcaa ña'a̱ cña nu ngua'ni ngu' ca su ndyaa ngu' bi'. Li' ndyaa yu lo'o nu ngu' nu ndyaca tsa'a̱ ji'i̱ bi' sca se'i̱ su ná ntsu'u ñati̱ ngua ti' yu, sca se'i̱ cacua ti quichi̱ Betsaida.

LOS HECHOS 1:26

Li' ngua'ni ngu' sca cña cha' ngusubi ngu' ji'i̱ tsaca ngu', ti ji'i̱ tyanu cña bi'. Jua'a̱ nquijeloo ji'i̱ ngu' cha' Matías caca ñati̱ bi'. Li' stu'ba ti ndya'a̱ yu bi' lo'o nu tii chaca tya'a ngu' cha' caca tya'a ngu' nu nda Ni cña ji'i̱ cha' chcui' cha' ji'i̱ Jesucristo nde lo yuu chalyuu.