SAN MARCOS 6:3 - Chatino Tataltepec

³ ¿Ha si'i cuityi yaca laca yu re? ―nacui̱ ngu'―. La cui' sñi' María laca re; tya'a Jacobo, tya'a José, tya'a Judas, tya'a Simón laca yu re. Nde quichi̱ tyi na ndi'i̱ ngu' cuna'a̱ tya'a yu re ―nacui̱ ngu' ji'i̱ tya'a ngu'. Chi̱i̱ nti' ngu' ña'a̱ ngu' ji'i̱ Jesús,

SAN MARCOS 6:3 ပူးပေါင်းရင်းမြစ်များ

SAN MATEO 11:6

Tso'o tsa caca tyiquee ñati̱ nu ña'a̱ ti tya nxñi cha' 'na, masi ná nchca cuayá' tso'o ti' lcaa cha'.

SAN MATEO 12:46

Tya nchcui' Jesús lo'o ngu', li' ndyalaa xtya'a̱ lo'o tya'a Jesús, ndu̱ ngu' nde liya' cha' nti' ngu' chcui' ngu' lo'o Jesús.

SAN MARCOS 15:40

Laja li' tyijyu' ti ndu̱ sca taju ngu' cuna'a̱ ña'a̱ cui'ya ngu' ji'i̱ Jesús; lo'o María Magdalena, lo'o chaca María xtya'a̱ Jacobo nu cuañi' la, la cui' xtya'a̱ José laca bi', lo'o Salomé ndu̱.

SAN MARCOS 3:18

lo'o jua'a̱ ngusubi yu ji'i̱ Andrés, lo'o ji'i̱ Felipe, lo'o ji'i̱ Bartolomé, lo'o ji'i̱ Mateo, lo'o ji'i̱ Tomás, lo'o ji'i̱ xa' Jacobo sñi' Alfeo, lo'o ji'i̱ Tadeo, lo'o ji'i̱ xa' Simón nu ntsu'u cha' ji'i̱ lo'o ngu' cananista;

SAN LUCAS 2:34

Lo'o li' ngulacua̱ nu cusu' Simeón ji'i̱ ngu' bi'. Nde laca cha' nu nda nu cusu' lo'o María xtya'a̱ Jesús li': ―Quiña'a̱ tsa cha' tso'o caca ji'i̱ ngu' Israel xqui'ya cubi' re ―nacui̱ nu cusu' bi'―, masi ntsu'u ñati̱ nu chi̱i̱ ntsu'u tyiquee ngu' ña'a̱ ngu' ji'i̱, pana ntsu'u ñati̱ nu caja chalyuu cucui ji'i̱ xqui'ya cubi' re. Culo tu̱ cubi' re lcaa cha' nu ntsu'u yacu̱' ne' cresiya ji'i̱ ñati̱; caca cubi' re sca cha' tlyu nu cua nda ycui' Ndyosi ji'i̱ ñati̱, masi ná tyaja'a̱ lcaa ñati̱ tucuá cha' ji'i̱ ―nacui̱ Simeón ji'i̱ María xtya'a̱ cubi' bi'―. Lo'o jua'a̱ jinu'u̱ ―nacui̱ nu cusu' bi'―, tyacua sca cha' xñi'i̱ ti' jinu'u̱ xqui'ya cha' ná taquiya' ngu' ji'i̱ sñi' nu'u̱.

SAN LUCAS 7:23

Taca caca tso'o tyiquee ma̱ si ná caca tyuju'u ti' ma̱ ña'a̱ ma̱ jna' ―nacui̱ Jesús ji'i̱ ngu'.

SAN LUCAS 8:20

Bi' cha' ndyaa cha' slo Jesús li': ―Nde liya' ndu̱ xtya'a̱ nu'u̱ lo'o tya'a nu'u̱. Cua nti' ngu' chcui' ngu' lo'o nu'u̱ ―nacui̱ ngu' ji'i̱.

SAN JUAN 14:22

Li' nchcui' nu chaca Judas bi', si'i nu naa Judas Iscariote: ―Nu lo'o nacui̱ nu'u̱ cha' culu'u nu'u̱ ñi'ya̱ nu laca ycui' ca nu'u̱ ji'i̱ cuare ti, ná lo'o ji'i̱ xa' ñati̱, ¿ñi'ya̱ ta nti' nu'u̱, Xu'na? ―nacui̱ nu Judas bi' ji'i̱ Jesús.

SAN JUAN 6:42

Li' nacui̱ ngu': ―¿Ha si'i Jesús sñi' José laca nu jua? ―nacui̱ ngu'―. Cua nslo na ji'i̱ sti yu lo'o xtya'a̱ yu. ¿Ñi'ya̱ ndyu'u cha' nu nchcui' yu jua cha' cua ngutu'u yu ca su ntucua ycui' Ndyosi?

LOS HECHOS 1:13

Yala ti ndyalaa ngu' quichi̱ bi', li' ndyaa ngu' ni'i̱ tucua ba'a su ndi'i̱ ngu': ndyaa Pedro, lo'o Jacobo, lo'o Juan, lo'o Andrés, lo'o Felipe, lo'o Tomás, lo'o Bartolomé, lo'o Mateo, lo'o chaca Jacobo sñi' Alfeo, lo'o Simón nu ngua sca ngu' ji'i̱ taju cananista, lo'o Judas tya'a Jacobo.

LOS HECHOS 12:17

Ngua'ni ya' yu ji'i̱ ngu' li', cha' ca ti̱ ti ngu'. Ndacha' yu ji'i̱ ngu' ñi'ya̱ ngua lo'o ngua'ni ycui' Ndyosi nu Xu'na na cha' tso'o cha' ngulo Ni ji'i̱ yu ne' chcua̱. ―Chcui' ma̱ lo'o Jacobo lo'o lcaa ngu' tya'a ndya'a̱ na ―nacui̱ Pedro ji'i̱ ngu'―, ta ma̱ cha' lo'o ngu' ñi'ya̱ nu ngua'ni ycui' Ni lo'o na' lo'o ngulo Ni 'na ne' chcua̱. Ndu'u yu ni'i̱ ndyaa yu xa' se'i̱ li'.

1 CORINTIOS 1:23

Pana nu na ni, ndacha' na ji'i̱ ngu' cha' ji'i̱ Cristo nu cua ngujuii lo crusi cha' cua'ni lyaá ji'na. Li' chiya'a̱ nti' ngu' judío lo'o ndyuna ngu' cha' nu nchcui' na re; lo'o jua'a̱ ngu' xa' tsu', cha' tonto nchcui' na nti' ngu' bi', si'i cha' bi' tsiya' ti nti' ngu' bi'.

1 CORINTIOS 9:4

Ntsu'u chacuayá' 'na cha' xñi na' xi na cacu na' lo'o na co'o na' caya' lo cña nu ndyu'ni na', ni na' ji'i̱ ngu' bi'.

GÁLATAS 1:19

Ná na'a̱ na' ji'i̱ xa' tya'a ngu' nu ngua tsa'a̱ ji'i̱ Cristo tya clyo ca bi'; sca ti yu Jacobo tya'a Jesús nu Xu'na na, bi' nu cua na'a̱ na' ji'i̱.

1 PEDRO 2:4

Ycui' Cristo nu Xu'na na ni, ñi'ya̱ nti' sca quee nu ntucua quiya' ni'i̱, jua'a̱ laca yu, masi na lu'ú ycui'. Nacui̱ ñati̱ chalyuu nu nti' cuiñá ni'i̱ cha' ná tso'o quee bi'; ná ca cua'ni ngu' cña tso'o lo'o bi', nacui̱ ngu'. Pana la cui' Jesús laca nu cua ngusubi ycui' Ndyosi ji'i̱ cha' caca cña ji'i̱ Ni, cha' tyucua yu ca su ntucua quiya' cha', lcaa cha' nu ntsu'u ji'i̱ ycui' Ndyosi. Bi' cha' nga'a̱ cha' tyatí̱ tso'o tyiquee ma̱ cha' ji'i̱ Cristo bi',

JUDAS 1:1

Judas naa na', la cui' tya'a Jacobo; cña laca na' cuentya ji'i̱ Jesucristo. Nscua na' quityi re cha' tsaa ca slo lcaa cu'ma̱ nu ndaquiya' ma̱ ji'i̱ ycui' Ndyosi Sti na, cha' cua ngusubi Ni ji'i̱ ma̱. Ycui' Ndyosi laca nu ngua'ni lubii ji'i̱ cresiya ji'i̱ ma̱, lo'o ña'a̱ ti tya cña'a̱si̱i̱ Ni ji'i̱ ma̱ juani xqui'ya Jesucristo.